چین: بچہ پیدا کریں اور حکومت سے 1،500 ڈالر لے لیں، بیک ڈیٹ کی بھی سہولت
اشاعت کی تاریخ: 29th, July 2025 GMT
آبادی میں مسلسل کمی اور بڑھتی ہوئی عمر رسیدہ آبادی کے بحران سے نمٹنے کے لیے چین نے ملک بھر میں ایک بڑی پالیسی کا اعلان کر دیا جس کے تحت والدین کو ہر 3 سال سے کم عمر بچے پر سالانہ 3،600 یوآن (تقریباً 500 امریکی ڈالر) دیے جائیں گے۔
یہ رقم 3 سالوں میں مجموعی طور پر 10،800 یوآن (تقریباً 1،500 ڈالر) فی بچہ بنتی ہے۔
یہ بھی پڑھیں: کووڈ 19 سے چین کی 80 فیصد آبادی کے متاثر ہونے کا انکشاف
یہ چین کی حکومت کی جانب سے پیدائش کی شرح میں اضافہ کرنے کی پہلی قومی سطح کی مالی امدادی اسکیم ہے جس سے تقریباً 2 کروڑ خاندان مستفید ہوں گے۔
اس پالیسی کا اطلاق رواں سال کے آغاز سے کیا جائے گا اور سنہ 2022 سے سنہ 2024 کے درمیان پیدا ہونے والے بچوں کے لیے جزوی امداد بھی دستیاب ہوگی۔
چین نے ایک دہائی قبل متنازعہ ایک بچہ پالیسی ختم کی تھی لیکن اس کے باوجود ملک میں پیدائش کی شرح میں مسلسل کمی دیکھی جا رہی ہے اور سال 2024 میں ملک میں ’صرف‘ 95 لاکھ 40 ہزار ملین بچوں کی پیدائش ہوئی اگرچہ یہ گزشتہ سال سے کچھ زیادہ ہے لیکن آبادی کی مجموعی تعداد میں کمی کا سلسلہ برقرار ہے۔
مزید پڑھیے: سال 2024 میں کتنے افراد پیدا ہوئے، یکم جنوری 2025 کو دنیا کی آبادی کتنی ہوجائے گی؟
مقامی حکومتیں پہلے ہی مختلف اقدامات کر چکی ہیں۔ مارچ میں ہوہوٹ شہر نے 3 یا زیادہ بچوں والے والدین کے لیے فی بچہ 100،000 یوآن تک دینے کا اعلان کیا تھا، جب کہ شین یانگ شہر میں تیسرے بچے پر ہر ماہ 500 یوآن دیے جا رہے ہیں۔
علاوہ ازیں حکومت نے پری اسکول کی مفت تعلیم کے منصوبے بھی تجویز کرنے کا کہا ہے تاکہ والدین کے مالی بوجھ کو مزید کم کیا جا سکے۔
دنیا کی دوسری سب سے بڑی معیشت چین بچوں کی پرورش کے معاملے میں مہنگے ترین ممالک میں شمار ہوتا ہے۔ چین کے یووا پاپولیشن ریسرچ انسٹیٹیوٹ کے مطابق ایک بچے کو 17 سال کی عمر تک پالنے پر اوسطاً 75،700 امریکی ڈالر خرچ ہوتے ہیں۔
مزید پڑھیں: 2024 کا آخری روز، دنیا کی مجموعی آبادی کتنی ہوگئی؟ تازہ ترین اعدادوشمار جاری
واضح رہے کہ ایک ارب 40 کروڑ افراد والے ملک چین کی آبادی کا ایک بڑا حصہ عمر رسیدگی کی جانب بڑھ رہا ہے جس کے باعث حکومت کو مستقبل کے لیے آبادی سے متعلق نئے منصوبے بنانے کی ضرورت پیش آ رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بچے کی پیدائش پر گرانٹ چین والدین کے لیے خوشخبری.ذریعہ: WE News
کلیدی لفظ: بچے کی پیدائش پر گرانٹ چین والدین کے لیے خوشخبری کے لیے
پڑھیں:
بابوسرویلی میں ایک اور دلخراش واقعہ؛ اینکرپرسن شوہر اور 4 بچوں سمیت لاپتہ
ویب ڈیسک: گلگت بلتستان کی بابوسرویلی میں ایک اور دلخراش واقعہ، نجی نیوز چینل کی اینکرپرسن شبانہ لیاقت شوہر اور 4بچوں سمیت لاپتہ ہوگئی۔
ترجمان گلگت بلتستان حکومت کا کہناہے مقامی رضاکارکوشبانہ لیاقت کاپرس اورشناختی کارڈمل گیا، ترجمان گلگت بلتستان حکومت فیض اللہ فراق کا کہناہے لاپتہ افراد کی تلاش کے لئے ریسکیو اینڈ سرچ آپریشن جاری ہے۔
اے سی شالیمار اور پیرافورس پرمسلح لینڈمافیاکاحملہ ؛ پولیس نے دو ملزم گرفتار کرلیے
پی ٹی آئی کے 4 سال ملک کیلئے ڈراؤنا خواب ثابت ہوئے: احسن اقبال