سعید اجمل کا شاندار کارنامہ، ورلڈ چیمپیئن شپ آف لیجنڈز میں نئی تاریخ رقم
اشاعت کی تاریخ: 30th, July 2025 GMT
پاکستان چیمپیئنز کے سابق اسٹار اسپنر سعید اجمل نے آسٹریلیا کے خلاف لیگ میچ میں ورلڈ چیمپیئن شپ آف لیجنڈز (WCL) کی تاریخ کی بہترین باؤلنگ کا ریکارڈ قائم کر دیا۔
انہوں نے صرف 3.5 اوورز میں 16 رنز دے کر 6 کھلاڑیوں کو آؤٹ کیا، جو نہ صرف ٹورنامنٹ کی تاریخ کا پہلا 5 وکٹ ہال ہے بلکہ اب تک کی بہترین باؤلنگ بھی ہے۔ اس سے قبل ویسٹ انڈیز کے فڈیل ایڈورڈز کا ریکارڈ 4/11 تھا۔
Brilliant Bowling Figures For Vintage Legend ‘Saeed Ajmal’ Against Australia Champions in The World Championship Of Legends 2025 ????????????#Cricket #Pakistan #PakistanCricket #WCL #WCL2025 #PakistanChampions #SaeedAjmal #SportsTrendsCan #SportsTrendsCanada pic.
— SportsTrends (@SportsTrendsCan) July 29, 2025
مزید پڑھیں: ورلڈ چیمپیئن شپ آف لیجنڈز 2025: پاکستان چیمپیئنز نے انگلینڈ کو 5 رنز سے ہرادیا
سعید اجمل نے آسٹریلیا کی بیٹنگ کو چھٹے اوور میں بین ڈنک کو آؤٹ کر کے توڑا، اور پھر اسی اوور میں مزید 2 کھلاڑیوں کو چلتا کیا۔ اپنی اگلی 2 گیندوں پر انہوں نے بن کٹنگ، پیٹر سڈل اور اسٹیو او کیف کو آؤٹ کیا اور آسٹریلیا کو صرف 74 رنز پر ڈھیر کر دیا۔
پاکستان چیمپیئنز نے ہدف صرف 73 گیندیں باقی رکھتے ہوئے بغیر کسی نقصان کے حاصل کرلیا۔ شرجیل خان نے 32 اور صہیب مقصود نے 28 رنز کی ناقابل شکست اننگز کھیلیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
WCL آسٹریلیا اسپنر سعید اجمل ورلڈ چیمپیئن شپ آف لیجنڈز
ذریعہ
ذریعہ: WE News
کلیدی لفظ: آسٹریلیا ورلڈ چیمپیئن شپ آف لیجنڈز ورلڈ چیمپیئن شپ آف لیجنڈز
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی