اب چاند پر بھی اینٹ سازی شروع، چین نے مشین ایجاد کرلی
اشاعت کی تاریخ: 30th, July 2025 GMT
سائنس کے میدان میں ایک اور قدم آگے بڑھاتے ہوئےچین نے ایک ایسا اہم سائنسی سنگ میل عبور کر لیا ہے جس سے چاند پر رہائش کے خواب کو حقیقت میں بدلنے کی راہ ہموار ہو گئی ہے۔
چینی محققین نے ایک جدید مشین تیار کی ہے جو چاند کی مٹی سے اینٹیں بنا سکتی ہے، جس سے چاند پر مقامی وسائل استعمال کر کے گھر بنانا ممکن ہو جائے گا۔ یہ کامیابی خلا میں انسان کی مستقل موجودگی کے لیے ایک بڑی پیش رفت ہے۔
یہ مشین چین کے مشرقی شہر ہیفے میں قائم ڈیپ سپیس ایکسپلوریشن لیبارٹری (DSEL) نے تیار کی ہے۔ یہ 3D پرنٹنگ سسٹم شمسی توانائی کو مرکوز کر کے چاند کی مٹی کو پگھلاتا اور اینٹوں کی شکل دیتا ہے۔
ڈی ایس ای ایل کے سینئر انجینئر یانگ ہونگ لون کے مطابق، مشین میں شمسی توانائی کو ایک پیرا بولک ریفلیکٹر کے ذریعے اتنی زیادہ شدت سے مرکوز کیا جاتا ہے کہ اس سے چاند کی مٹی کا درجہ حرارت 1300 ڈگری سینٹی گریڈ سے بھی زیادہ ہو جاتا ہے، جو اسے پگھلا کر اینٹ بنانے کے قابل بناتا ہے۔
مشین کی جانب سے تیار کردہ یہ اینٹیں بغیر کسی اضافی مواد کے مکمل طور پر چاند کی مٹی سے بنتی ہیں یہ اینٹیں نہ صرف عمارتوں کے لیے مضبوط بنیاد فراہم کرتی ہیں بلکہ انہیں مشینی پلیٹ فارمز اور سڑکوں کی تعمیر میں بھی استعمال کیا جا سکتا ہے۔
تحقیقاتی ٹیم نے اس منصوبے پر دو سال کام کیا اور نومبر 2024 میں مصنوعی چاندی مٹی سے بنی اینٹیں چین کے خلائی اسٹیشن پر بھیج دی گئی ہیں، جہاں خلا باز ان اینٹوں کی مختلف خصوصیات کا تجربہ کریں گے۔
لیکن ابھی منزل دور ہے یانگ نے کہا، ”اگرچہ چاند پر اینٹیں بنانے والی مشین نے اہم پیش رفت کی ہے، مگر چاند پر رہائشی ڈھانچے تعمیر کرنے کے لیے ابھی کئی تکنیکی رکاوٹیں دور کرنی ہوں گی۔“
انہوں نے وضاحت کی کہ چاند کے انتہائی حالات جیسے کہ ویکیوم اور کم کشش ثقل میں، صرف چاند کی مٹی کی بنی اینٹیں رہائش گاہ کی تعمیر کے لیے کافی نہیں ہوں گی۔
”یہ اینٹیں بنیادی طور پر رہائش گاہوں کی حفاظتی بیرونی پرت کے طور پر کام کریں گی۔ انہیں سخت ساختی ماڈیولز اور نرم، انفلیٹیبل ماڈیولز کے ساتھ مل کر چاند میں بنیاد کی تعمیر مکمل کرنی ہوگی،“ انہوں نے مزید کہا۔
رہائشی ماڈیولز کو انسانی رہائش کے لیے ضروری ہوا کے دباؤ کو برداشت کرنے کے قابل بنایا جا رہا ہے، اور انہیں چاندی اینٹ بنانے والی مشین اور سطحی تعمیراتی روبوٹس کے ساتھ مربوط کیا جائے گا تاکہ ایک مکمل تعمیراتی نظام قائم کیا جا سکے۔
یہ پیش رفت چاند پر رہائشی اور دیگر بنیادی ڈھانچے کی تعمیر کے لیے اہم قدم ہے، اور چین کا منصوبہ ہے کہ 2035 تک چاند کے جنوبی قطب پر ایک تحقیقی اسٹیشن قائم کرے گا۔
Post Views: 4.ذریعہ: Daily Mumtaz
کلیدی لفظ: چاند کی مٹی پر رہائش کی تعمیر چاند پر کے لیے
پڑھیں:
اسلام آبادمیں ڈپلومیٹک انکلیو سپورٹس کمپلیکس اور شاپنگ مال بنانے کا اصولی فیصلہ
اسلام آباد (صغیر چوہدری)وفاقی دارالحکومت میں واقع ڈپلومیٹک انکلیو سپورٹس کمپلیکس اور شاپنگ مال بنانے کا اصولی فیصلہ کرلیا گیا جبکہ ڈپلومیٹک انکلیو کی تعمیر و ترقی اور تزئین آرائش کے لئے چیئرمین کیپیٹل ڈویلپمنٹ اتھارٹی (سی ڈی اے) و چیف کمشنر اسلام آباد محمد علی رندھاوا کی زیر صدارت سی اہم اجلاس ہوا۔ اجلاس میں سی ڈی اے بورڈ کے ممبر ایڈمن و اسٹیٹ طلعت محمود، ممبر پلاننگ ڈاکٹر خالد حفیظ، ممبر انجینئرنگ سید نفاست رضا، ممبر انوائرمنٹ اسفندیار بلوچ، ڈی جی ریسورس، ڈی جی بلڈنگ کنٹرول اینڈ ہاؤسنگ، ڈپٹی ڈی جی انفورسمنٹ، ڈائریکٹر ڈی ایم اے سمیت دیگر سنئیر افسران نے شرکت کی۔وفاقی وزیر داخلہ محسن نقوی کی ہدایت پر ڈپلومیٹک انکلیو کی تعمیر و ترقی، بیوٹیفکیشن کے ساتھ ساتھ شاپنگ اور سپورٹس کمپلیکس کی تعمیر کے بارے میں تفصیلی تبادلہ کیا گیا۔ اجلاس میں روڈ انفراسٹرکچر کی بہتری، ہارٹیکلچر ورک، ماحول دوست شجرکاری، دیدہ زیب لینڈ اسکیپنگ، پارکنگ کے بہترین انتظامات، جدید اور خوبصورت لائیٹس لگانے، سیکورٹی کو مزید مضبوط اور فول پروف بنانے پر تبادلہ خیال کیا گیا۔اجلاس میں ڈپلومیٹک انکلیو کے داخلی و خارجی گیٹس کو مزید، خوبصورت اور دیدہ زیب بنانے کے ساتھ ساتھ داخلی و خارجی راستوں کے دروازوں پر سی سی ٹی وی کیمرے لگانے کے علاوہ سیکورٹی نظام کو سیف سٹی سسٹم سے منسلک کرنے اور مانیٹرنگ میکنزم کو مزید مضبوط پر تبادلہ خیال کیا گیا۔چیئرمین سی ڈی اے نے ڈپلومیٹک انکلیو میں صحت مندانہ سرگرمیوں کو فروغ دینے کیلئے سائیکلنگ ٹریکس کے ساتھ سپورٹس کمپلیکس کیلئے جگہ مختص کرنے کے ساتھ ان کی تعمیر پر کام کرنے کی ہدایت دی۔ اسی طرح انہوں نے ڈپلومیٹک انکلیو میں جدید سہولیات سے مزین ایونٹ ہال کی تعمیر سمیت فوڈ کورٹس سمیت مختلف کیوسک کی تعمیر کے حوالے سے ورکنگ کرنے کی ہدایت دی۔ چیئرمین سی ڈی اے نے ڈپلومیٹک انکلیو کی شاہراہوں پر خوبصورت لینڈ سکیپنگ اور ماحول دوست شجرکاری کرنے کی ہدایت کی تاکہ اس کو اسلام آباد کا خوبصورت ترین حصہ بنایا جاسکے۔چیئرمین سی ڈی اے نے کہا کہ ڈپلومیٹک انکلیو کی اپ گریڈیشن دارالحکومت کی خوبصورتی میں اضافہ کرے گی۔ چیئرمین سی ڈی اے نے ہدایت کی کہ کام کی رفتار تیز کی جائے اور معیار کو ہر حال میں یقینی بنایا جائے۔ انہوں نے کہا کہ اسلام آباد کو ایک خوبصورت، منظم اور بین الاقوامی معیار کا شہر بنانے کیلئے تمام وسائل بروئے کار لائے جارہے ہیں۔
Post Views: 7
اسرائیلی فوج نے غزہ میں امداد لینے والے 1000 سے زائد فلسطینیوں کو شہید کیا، اقوامِ متحدہ کا انکشاف