مودی کی لوک سبھا میں ’آپریشن سندور‘ پر تقریر جھوٹ کا پلندہ قرار، عالمی میڈیا
اشاعت کی تاریخ: 30th, July 2025 GMT
بھارتی وزیرِ اعظم نریندر مودی نے لوک سبھا میں خطاب کرتے ہوئے ’آپریشن سندور‘ کی ناکامی کو چھپانے کی ناکام کوشش کی اور عالمی سطح پر تسلیم شدہ حقائق کو یکسر مسترد کرتے ہوئے جھوٹے دعووں کا سہارا لیا۔
مودی کا کہنا تھا کہ دنیا کے کسی بھی رہنما نے بھارت سے آپریشن روکنے کا مطالبہ نہیں کیا، جبکہ امریکی نائب صدر نے 9 مئی کی رات انہیں بار بار خبردار کیا کہ پاکستان کی جانب سے بڑا حملہ ہو سکتا ہے۔ مودی نے دعویٰ کیا کہ بھارت نے اس خطرے کے پیشِ نظر پاکستان کی طاقت تباہ کر دی اور آئندہ بھی بھارت کا جواب غیر متوقع ہوگا۔
مزید پڑھیں: ’جن طیاروں کی پوجا لیموں اور مرچ سے کی گئی تھی، وہ کہاں گئے‘؟ بھارتی لوک سبھا میں ہنگامہ
مودی نے نہ صرف یہ دعویٰ کیا کہ آپریشن اب بھی جاری ہے بلکہ پاکستان کو دھمکی دی کہ اگر دوبارہ ایسی غلطی ہوئی تو بھارت کسی حد تک جا سکتا ہے۔
تاہم عالمی حقائق ان بیانات کی نفی کرتے ہیں۔ امریکی میڈیا، بشمول واشنگٹن پوسٹ اور نیویارک ٹائمز، کے مطابق پاکستان نے بھارت کی جارحیت کا مؤثر جواب دے کر ان کے جنگی طیارے ان ہی کی حدود میں مار گرائے۔ بی بی سی کے ریجنل ایڈیٹر اینبرسن اتھر جان نے بھی پاکستان کی دفاعی برتری اور بھارت کی عسکری کمزوری کو تسلیم کیا۔
بھارتی فضائیہ کے افسر ونگ کمانڈر ویومیکا سنگھ کے مطابق اودھم پور، آدم پور، بھج اور پٹھان کوٹ ایئربیسز کو پاکستانی کارروائی میں شدید نقصان پہنچا، جبکہ بھارت کی جانب سے کرنل صوفیہ کے ذریعے جنگ بندی کا اعلان کر دیا گیا تھا۔
مزید پڑھیں: بھارتی طیارے نہیں گرے تو مودی کہیں ٹرمپ جھوٹ بول رہا ہے، راہول گاندھی کا چیلنج
سی این این اور دی ڈپلومیٹ سمیت دیگر بین الاقوامی ذرائع نے اس بات کی تصدیق کی کہ امریکی صدر نے 29 سے زائد بار مداخلت کرکے کشیدگی ختم کرانے میں کردار ادا کیا اور پاکستان کی سفارتی کوششوں کو مؤثر قرار دیا۔
تجزیہ کاروں کے مطابق مودی کی حالیہ تقریر نہ صرف زمینی حقائق سے انکار ہے بلکہ خطے کے امن کو مزید داؤ پر لگانے کے مترادف بھی ہے۔ بھارت کی اربوں ڈالر کی عسکری سرمایہ کاری کے باوجود ناکامی نے مودی حکومت کے بیانیے کو کمزور کردیا ہے، جسے اب دھمکیوں اور جھوٹے دعوؤں سے سہارا دینے کی کوشش کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن سندور بھارتی فضائیہ بھارتی وزیر اعظم نریندر مودی دی ڈپلومیٹ سی این این.
ذریعہ
ذریعہ: WE News
کلیدی لفظ: بھارتی فضائیہ بھارتی وزیر اعظم نریندر مودی دی ڈپلومیٹ سی این این پاکستان کی بھارت کی
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی