چین اور سوئٹزرلینڈ نے باہمی جیت پر مبنی تعاون کے جذبے کو پروان چڑھایا ہے، چینی عہد یدار
اشاعت کی تاریخ: 31st, July 2025 GMT
برن :سوئس فیڈرل پارلیمنٹ کے قومی ایوان نمائندگان کے اسپیکر رینک اور فیڈرل کونسل کے صدر کرونی کی دعوت پر چین کی قومی عوامی کانگریس کی قائمہ کمیٹی کے چیئرمین چاؤلہ جی نے 28 سے 31 جولائی تک سوئٹزرلینڈ کا سرکاری و خیر سگالی دورہ کیا۔جمعرات کے روز چینی میڈ یا کے مطابق دونوں رہنماؤں سے ملاقات کے دوران چاؤلہ جی نے کہا کہ 75 سال قبل سفارتی تعلقات کے قیام کے بعد سے دونوں ممالک نے مشترکہ طور پر “مساوات، جدت طرازی اور باہمی جیت” پر مبنی تعاون کے جذبے کو پروان چڑھایا ہے اور مختلف سماجی نظاموں، ترقی کے مختلف مراحل اور بڑے اور چھوٹے ممالک کے درمیان تعاون کی ایک مثال قائم کی ہے۔چاؤلہ جی نے کہا کہ باہمی احترام اور اعتماد چین سوئٹزرلینڈ تعلقات کی طویل مدتی اور مستحکم ترقی کے لئے ایک اہم بنیاد ہے۔ چین سوئٹزرلینڈ کے ساتھ اعلی ٰ سطحی تبادلوں کا اچھا رجحان برقرار رکھنے کا خواہاں ہے اور حقیقی اور ہمہ جہت چین کو سمجھنے کے لیے مزید سوئس رہنماؤں اور اراکین پارلیمنٹ کو چین کا دورہ کرنے کے لئے خوش آمدید کہتا ہے۔ چین باہمی تعاون اور تبادلوں کو بڑھانے کے لئے سوئٹزرلینڈ کی کاوشوں کو قدر کی نگاہ سے دیکھتا ہے ۔ سوئٹزرلینڈ چین کے ساتھ آزاد تجارتی معاہدے پر دستخط کرنے والا پہلا یورپی ملک ہے ، اور جب سے یہ معاہدہ نافذ العمل ہوا ، دوطرفہ اقتصادی اور تجارتی تعاون تیزی سے فروغ پایا ہے۔ اس موقع پر سوئس قومی ایوان نمائندگان کےاسپیکر رینک نے کہا کہ اس سال سوئٹزرلینڈ اور چین کے درمیان سفارتی تعلقات کے قیام کی 75 ویں سالگرہ ہے اور باہمی احترام، کشادگی اور خیر سگالی کی بنیاد پر سوئٹزرلینڈ اور چین کے تعلقات نے مسلسل ترقی کی ہے اور ٹھوس نتائج حاصل کیے ہیں۔ فیڈرل کونسل کے صدر کرونی نے کہا کہ سوئٹزرلینڈ اور چین اقوام متحدہ کے چارٹر کے مقاصد اور اصولوں کی پاسداری کرتے ہیں اور کثیر الجہتی کی مضبوطی سے حمایت کرتے ہیں۔ چین کے ساتھ تعاون کو مضبوط بنانا سوئٹزرلینڈ کے لئے اسٹریٹجک اہمیت کا حامل ہے۔
Post Views: 6.ذریعہ: Daily Mumtaz
کلیدی لفظ: نے کہا کہ چین کے ہے اور کے لئے
پڑھیں:
چیئرمین سی ڈی اے محمد علی رندھاوا سے سعودی سفیر کی ملاقات، باہمی دلچسپی کے امور پرتبادلہ خیال
چیئرمین سی ڈی اے محمد علی رندھاوا سے سعودی سفیر کی ملاقات، باہمی دلچسپی کے امور پرتبادلہ خیال WhatsAppFacebookTwitter 0 31 July, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا سے پاکستان میں سعودی عرب کے سفیر نواف بن سعید احمد المالکی نے سی ڈی اے ہیڈکوارٹرز میں ملاقات کی۔ چیئرمین سی ڈی اے محمد علی رندھاوا نے سعودی عرب کے سفیر نواف بن سعید احمد المالکی کا گرمجوشی سے استقبال کیا۔ ملاقات میں باہمی دلچسپی کے امور پر جن میں شاہ فیصل مسجد کے حوالے سے سی ڈی اے کے ساتھ مفاہمتی یادداشت پر دستخط کے علاوہ دیگر باہمی امور زیر بحث آئے۔
چیئرمین سی ڈی اے محمد علی رندھاوا نے کہا کہ پاکستان سعودی عرب کے اپنے تعلقات کو انتہائی عزت اور احترام کی نظر سے دیکھتا ہے۔ انہوں نے سعودی عرب کے ساتھ تعلقات کو مزید مضبوط بنانے کے عزم کا اعادہ کیا۔ سعودی عرب کے سفیر نواف بن سعید احمد المالکی نے سی ڈی اے کی چیئرمین سی ڈی اے اور چیف کمشنر اسلام آباد محمد علی رندھاوا کی قیادت میں شاندار کارکردگی کو سراہا ۔انہوں نے اسلام آباد کو خوبصورت ترین شہر بنانے اور شجرکاری کو فروغ دینے خصوصا سی ڈی اے کے مختلف ترقیاتی منصوبوں اور شہری سہولیات کو بہتر بنانے کی کاوشوں کو سراہا اور کہا کہ اسلام آباد کی تعمیر و ترقی اور خوبصورتی میں اضافہ خوش آئند ہے۔ انہوں نے سی ڈی اے کی جانب سے جدید ترین نرسری کو اسٹیٹ آف دی آرٹ گارڈینیا ہب میں تبدیل کرنے کی کاوشوں کو بھی سراہا۔ دونوں فریقوں نے 23 ستمبر کو سعودی عرب کے قومی دن کی آئندہ تقریبات پر بھی تبادلہ خیال کیا۔ چیئرمین سی ڈی اے نے متعلقہ افسران کو بہترین انتظامات کرنے کے ساتھ ساتھ تمام ضروری سہولیات کی فراہمی کی ہدایت کی ۔
نواف بن سعید احمد المالکی، سعودی سفیر نے پاکستان کے ساتھ اقتصادی، ثقافتی اور مذہبی تعلقات کو فروغ دینے میں اپنے ملک کی مسلسل دلچسپی کا اعادہ کیا۔ دونوں فریقوں نے اسلام آباد میں ہوٹل انڈسٹری کے شعبے میں تعاون پر تبادلہ خیال کیا۔ سعودی عرب کے سفیر نے کہا کہ سعودی عرب سے ہوٹل انڈسٹری کے ممتاز سعودی سرمایہ کار پاکستان آرہے ہیں جن کے ساتھ سی ڈی اے افسران کی اسلام آباد میں ہوٹل کے منصوبہ پر ملاقات متوقع ہے۔ چیئرمین سی ڈی اے محمد علی رندھاوا نے کہا کہ پاکستان سعودی عرب کے ساتھ اپنے برادرانہ تعلقات کو بہت احترام، عزت اور اہمیت دیتا ہے۔ انہوں نے کہا کہ اسلام آباد سعودی سرمایہ کاری اور ثقافتی تبادلوں کو ہمیشہ خوش آمدید کہتا ہے۔ انہوں نے کہا کہ اسلام آباد شہر کیلئے ایسی شراکت داریوں کی میزبانی ایک اعزاز ہے۔ ملاقات کا اختتام شہری ترقی، اقتصادی ترقی اور ثقافتی و مذہبی تعلقات کو مضبوط بنانے کی مشترکہ کوششوں کے ذریعے پاک سعودی تعلقات کو مزید مضبوط بنانے کے باہمی عزم پر ہوا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپی ٹی آئی نے 5اگست کو ایف9پارک میں جلسے کی اجازت مانگ لی ، ضلعی انتظامیہ کو درخواست پی ٹی آئی نے 5اگست کو ایف9پارک میں جلسے کی اجازت مانگ لی ، ضلعی انتظامیہ کو درخواست احتجاج کیس ، علی امین گنڈاپور کا اشتہاری کا اسٹیٹس برقرار، اسلام آباد پولیس کو گرفتار کرنے کا حکم پنجاب حکومت کا اشیا کی قیمتوں پر قابو پانے کیلئے نئی وزارت تشکیل دینے کا فیصلہ کچھ لوگ سسٹم لپیٹنا چاہتے ہیں ، سزائوں کا فیصلہ چیلنج کریں گے ، بیرسٹر گوہر عمر ایوب، شبلی فراز، زرتاج گل سمیت درجنوں رہنما سزا یافتہ؛ پی ٹی آئی کےکتنے ایم این اے اور سینیٹرز نااہل ہوں گے؟تفصیلات سب... نو مئی مقدمات کا فیصلہ: عمر ایوب، زرتاج گل سمیت مرکزی قیادت کو 10 برس قید، فواد چوہدری بریCopyright © 2025, All Rights Reserved
رابطہ کریں ہمارے بارے ہماری ٹیم
سعودی نیول چیف کی جوائنٹ اسٹاف ہیڈکوارٹرز آمد، دوطرفہ دفاعی تعاون بڑھانے پر اتفاق