مودی نے معاشی، دفاعی اور خارجہ پالیسی کو تباہ کر دیا ،راہول گاندھی
اشاعت کی تاریخ: 31st, July 2025 GMT
نئی دہلی: بھارتی اپوزیشن جماعت کانگریس کے رہنما راہول گاندھی نے کہا کہ بھارتی معیشت مردہ ہو چکی، صرف وزیراعظم اور وزیر خزانہ کو علم نہیں، مودی حکومت نے معاشی، دفاعی اور خارجہ پالیسی کو تباہ کر دیا ہے۔
راہول گاندھی نے بھارتی معیشت کی صورتحال پر کڑی تنقید کرتے ہوئے کہا کہ سب جانتے ہیں کہ بھارتی معیشت اب ایک مردہ معیشت بن چکی ہے۔ مجھے خوشی ہے کہ صدر ٹرمپ نے حقیقت بیان کی ہے۔
بھارتی میڈیا کی جانب سے ٹیرف کے سوال پر راہول گاندھی کا کہنا تھا کہ اس بات کو دنیا جانتی ہے، بس بھارتی وزیراعظم اور وزیر خزانہ ہی لاعلم ہیں۔ کیا اس میں کوئی شک باقی رہ گیا ہے؟ بی جے پی نے ملک کی معیشت کو تباہ کر دیا ہے۔
راہول گاندھی کا کہنا تھا کہ مودی حکومت نے معاشی، دفاعی اور خارجہ پالیسی کو تباہ کر دیا ۔
امریکی صدر ڈونلڈ ٹرمپ کی جانب سے بھارتی برآمدات پر 25 فیصد ٹیرف لگانے کی دھمکی پر بھارت کی اپوزیشن جماعتوں نے بھی وزیراعظم نریندر مودی کو آڑے ہاتھوں لیا ہے۔ اپوزیشن نے اسے سفارتی ناکامی قرار دیتے ہوئے پارلیمنٹ میں بحث کا مطالبہ کیا ہے۔
واضح رہے کہ گذشتہ روز امریکی صدر ڈونلڈ ٹرمپ نے اپنی سوشل میڈیا پلیٹ فارم ’ٹروتھ سوشل‘ پر بھارت پر تجارتی پابندیوں کے تحت 25 فیصد درآمدی ٹیرف عائد کرنے کا اعلان کیا جس کا نفاذ یکم اگست سے ہوگا۔
ڈونلد ٹرمپ نے واضح کیا کہ بھارت اپنا زیادہ تر اسلحہ روس سے خریدتا ہے اور اس وقت چین کے ساتھ روسی توانائی کا سب سے بڑا خریدار ہے اور یہ سب ایسے وقت میں ہو رہا ہے جب دنیا چاہتی ہے کہ روس یوکرین میں خونریزی بند کرے۔
بھارتی حکومت کا اس بارے میں کہنا ہے کہ وہ ٹرمپ کے بیان کا جائزہ لے رہی ہے اور منصفانہ تجارتی معاہدے کے لیے پُرعزم ہے۔
معاشی ماہرین نے خبردار کیا ہے کہ اس اقدام سے بھارت کی معاشی ترقی پر منفی اثر پڑ سکتا ہے، جبکہ بھارت کی بطور چین کا متبادل سرمایہ کاری مرکز کی حیثیت بھی متاثر ہو سکتی ہے۔
دوسری جانب، ٹرمپ نے پاکستان سے تجارتی معاہدے کا اعلان کیا ہے، جس سے بھارت میں امریکا کی پالیسی پر مزید تحفظات جنم لے رہے ہیں۔
Post Views: 2.ذریعہ: Daily Mumtaz
کلیدی لفظ: کو تباہ کر دیا راہول گاندھی کہ بھارت
پڑھیں:
آپریشن سندور پر مودی حکومت کی پالیسی ناکام رہی، راہل گاندھی
بھارتی وزیر دفاع کی تقریر کے ایک حصے کا حوالہ دیتے ہوئے راہل گاندھی نے دعویٰ کیا کہ بھارتی حکومت نے پاکستانی حکومت کو آگاہ کیا کہ ہمارے پاس سیاسی ارادہ نہیں ہے، ہم نہیں لڑیں گے، یعنی 35 منٹ میں ہتھیار ڈال دیے گئے۔ اسلام ٹائمز۔ پارلیمنٹ میں اپوزیشن لیڈر راہل گاندھی نے کہا کہ اگر وزیراعظم نریندر مودی میں اندرا گاندھی کی 50 فیصد بھی ہمت ہے تو انہیں ایوان میں کہنا چاہیئے کہ ہندوستان اور پاکستان کے درمیان ثالثی کا دعویٰ کرنے والے امریکی صدر ڈونالڈ ٹرمپ نے جھوٹ بولا ہے۔ آپریشن سندور پر بحث میں حصہ لیتے ہوئے کانگریس کے سابق صدر نے یہ بھی الزام لگایا کہ طیاروں کا نقصان حکومت میں سیاسی عزم کی کمی کی وجہ سے ہوا ہے۔ انہوں نے کہا کہ امریکی صدر 29 بار کہہ چکے ہیں کہ انہوں نے جنگ بندی کرائی ہے، اگر وہ غلط ہیں تو وزیراعظم کو یہاں ایوان میں کہنا چاہیئے کہ ٹرمپ جھوٹ بول رہے ہیں، اگر وزیر اعظم میں اندرا گاندھی جیسی ہمت ہے تو وہ یہاں کہہ دیں کہ ٹرمپ جھوٹے ہیں۔ کانگریس لیڈر نے کہا کہ اگر وزیراعظم میں اندرا گاندھی کی 50 فیصد بھی ہمت ہے تو انہیں ٹرمپ کے بیان کو مسترد کر دینا چاہیئے۔ اپوزیشن لیڈر نے کہا کہ پہلگام میں ایک بے رحم اور وحشیانہ حملہ کیا گیا جس کی منصوبہ بندی پاکستان نے کی تھی۔
راہل گاندھی نے کہا کہ اس ایوان میں موجود ہر فرد نے پاکستان کی مذمت کی، جیسے ہی آپریشن سندور شروع ہوا، تمام اپوزیشن جماعتوں نے فیصلہ کیا کہ ہم اپنی مسلح افواج اور بھارت کی منتخب حکومت کے ساتھ چٹان کی طرح کھڑے ہوں گے۔ کانگریس لیڈر نے کہا کہ ہمیں فخر ہے کہ اپوزیشن کے طور پر ہم اس طرح متحد رہے جس طرح ہمیں ہونا چاہیئے تھا۔ انہوں نے کہا کہ جب ہم مسلح افواج کے لوگوں سے مصافحہ کرتے ہیں تو ہمیں معلوم ہوتا ہے کہ وہ ہندوستانی فوج کا آدمی ہے، ہمیں معلوم ہوتا ہے کہ وہ شیر ہے۔ راہل گاندھی نے کہا کہ آپ شیر کو نہیں باندھ سکتے، دو الفاظ ہیں، ایک سیاسی مرضی اور دوسرا آپریشن کی مکمل آزادی۔
بھارتی وزیر دفاع کی تقریر کے ایک حصے کا حوالہ دیتے ہوئے راہل گاندھی نے دعویٰ کیا کہ بھارتی حکومت نے پاکستانی حکومت کو آگاہ کیا کہ ہمارے پاس سیاسی ارادہ نہیں ہے، ہم نہیں لڑیں گے، یعنی 35 منٹ میں ہتھیار ڈال دیے گئے۔ ایک افسر کے بیان کا حوالہ دیتے ہوئے انہوں نے دعویٰ کیا کہ حکومت نے ہمارے پائلٹ کو کہا کہ وہ پاکستان کے فضائی دفاعی نظام پر حملہ نہ کرے، اس کا مطلب ہے کہ پائلٹ کے ہاتھ بندھے ہوئے تھے۔ راہل گاندھی نے کہا کہ بھارتی فضائیہ نے کوئی غلطی نہیں کی، غلطی سیاسی قیادت سے ہوئی۔ ان کا کہنا تھا کہ ایئر فورس کو کسی بھی طرح ذمہ دار نہیں ٹھہرایا جا سکتا۔ کانگریس لیڈر نے دعویٰ کیا کہ حکومتی سطح پر اس مشق کا مقصد وزیراعظم کی شبیہ کو بچانا ہے۔
یو ای ٹی لاہور ، عالمی رینکنگ میں شاندار کارکردگی دکھانے پرمختلف شعبہ جات اور فیکلٹی ممبران کو ایوارڈز سے نوازنے کیلئے تقریب