پی ٹی ایف نے ملک میں ٹینس لیگ کروانے کے لیے کمر کس لی
اشاعت کی تاریخ: 31st, July 2025 GMT
پاکستان ٹینس فیڈریشن نے فنڈنگ کے مسائل پر قابو پانے، اسپانسر شپ کے حصول اور مقامی سطح پر نئے ٹیلنٹ کو مواقع فراہم کرنے کے لیے ٹینس لیگ کے انعقاد کی منصوبہ بندی شروع کر دی۔
یہ بھی پڑھیں: پاکستانی ٹینس اسٹار میکائیل علی بیگ کی شاندار فتوحات، مسلسل 2 ٹائٹلز اپنے نام کرلیے
لیگ کے انعقاد کے لیے انفراسٹرکچر کی تیاری کا عمل شروع کردیا گیا ہے جس کے تحت پاکستان ٹینس کمپلیکس اسلام آباد میں نئے کورٹس کی تعمیر، پرانے کورٹس کو کور کرنے، ٹریننگ، کھلاڑیوں کی رہائش سمیت دیگر سہولیات کی فراہمی جیسے اقدامات شامل ہیں۔
پی ٹی ایف نے اس حوالے سے وفاقی حکومت، وفاقی ترقیاتی ادارے(سی ڈی اے) سمیت مختلف چیمبرز آف کامرس سے تعاون کے حصول کے لیے کوششیں کی ہیں۔
پاکستان ٹینس فیڈ ریشن کے صدر اور انٹر نیشنل ٹینس اسٹار اعصام الحق نے وی نیوز کو بتایا ہے کہ پہلی ٹینس لیگ دنیا کی بہترین لیگ ثابت ہوگی۔
انہوں نے کہا کہ ملک کا دنیا میں سافٹ امیج اجاگر کرنے کے لیے دنیا کے ٹاپ ٹینس پلیرز کو پاکستان مدعو کیا جا رہا ہے اور کھلاڑیوں کو بہترین انفراسٹرکچر کی فراہمی کے لیے اقدامات کا آغاز کر دیا گیا ہے۔
مزید پڑھیے: ٹینس اسٹار طلحہ وحید نے سروسز کا عالمی ریکارڈ قائم کردیا
اعصام الحق نے کہا کہ ہم چاہتے ہیں کہ دنیا بھر میں پاکستان کا جھنڈا بلند ہوں اس لے نوجوان ٹینس پلیرز پرزیادہ فوکس کر رہے ہیں جبکہ جونیئر ڈیویلپمنٹ پروگرام کے مثبت نتاج آ رہے ہیں۔ انہوں نے بتایا کہ ہماری انڈر14 ٹیم نے روایتی حریف بھارت کو سری لنکا میں شکست دی اور رواں سال کے دوران ہم نے انٹرنیشنل ایونٹس کے لیے کھلاڑیوں کو 21 والڈ کارڈ دیے۔
اعصام الحق نے بتایا کہ پی ٹی ایف آ ئندہ سال پہلی پاکستان ٹینس لیگ کا انعقاد کرنے جارہی ہے، میگا ایونٹ کی تیاری کے لیے اسٹرکچر کو بہتر بنا رہے ہیں۔
انہوں نے کہا کہ آی ٹی ایف کے صدر سے ملاقات میں پاکستان میں ٹینس کھیل کی بہتری پر بست چیت کی گی اور پاکستان میں ٹینس کھیل کا مستقبل روشن ہے۔
مزید پڑھیں: ٹینس کے عظیم کھلاڑی نوواک جوکووچ نے آسٹریلین اوپن سیمی فائنل میں ریٹائرمنٹ لے لی
وزیر داخلہ محسن نقوی کے تعاون پر ان کا شکریہ ادا کرتے ہوئے انہوں نے کہا کہ وزیر داخلہ نے ٹینس کھیل کی ترقی کے لیے بھرپور سپورٹ کی ہے اور سی ڈی اے کے ساتھ مل کر اسلام آباد میں ٹینس کورٹ بھی بنائے جائیں گے۔
انہوں نے کہا کہ ہماری کوشش ہے کہ ٹینس کے انڈور کورٹس بنائے جائیں۔ ایک سوال کے جواب میں اعصام الحق نے کہا کہ ہم زیادہ سے زیادہ انٹرنیشنل ٹورنامنٹ پاکستان لانا چاہتے ہیں۔
اعصام الحق کے مطابق ستمبر میں پیراگوے میں کھیلی جانے والی ڈیوس کپ ٹای کے لیے قومی اسکواڈ فائنل کرلیا گیا ہے۔
انہوں نے بتایا کہ ڈیوس کپ ٹیم میں مزمل مرتضیٰ، عقیل خان، حذیفہ عبد الرحمان، اعصام الحق اور میکایل علی بیگ شامل ہیں۔ انہوں نے مزید بتایا کہ ٹیم پیراگواے سے قبل ترکی میں 5 دن کا ٹریننگ سیشن کرے گی جبکہ ڈیوس کپ اسکواڈ کا تربیتی کیمپ اسلام آباد میں لگے گا۔
یہ بھی پڑھیے: ٹینس اسٹاراعصام الحق پاکستان ٹینس فیڈریشن کے صدر منتخب، کیا مفادات کا ٹکراؤ پیدا ہوسکتا ہے؟
ان کا کہنا تھا کہ چند عناصر فیڈریشن کے خلاف پروپیگنڈا کررہے ہیں لیکن جہاں تک مثبت اور تعمیری تنقید کا تعلق ہے فیڈریشن ہمیشہ اس کا خیرمقدم کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹینس فیڈریشن پاکستان میں ٹینس لیگ ٹینس.ذریعہ: WE News
کلیدی لفظ: پاکستان ٹینس فیڈریشن پاکستان میں ٹینس لیگ ٹینس
پڑھیں:
پاکستان میں 6 ہزارسے زیادہ ادویاتی پودے پائے جاتے ہیں، ماہرین
کراچی (اُردو پوائنٹ اخبارتازہ ترین - این این آئی۔ 17 ستمبر2025ء) وفاقی اردو یونیورسٹی آف آرٹس، سائنس اینڈ ٹیکنالوجی کے وائس چانسلر پروفیسر ڈاکٹر ضابطہ خان شنواری نے کہا ہے کہ پاکستان میں6ہزارسے زیادہ ادویاتی پودے پائے جاتے ہیں جن کا روایتی استعمال صدیوں پر محیط ہے جبکہ یہ قدرتی وسائل ملک کی پائیدار ترقی میں اہم کردار ادا کر سکتے ہیں۔ انہوں نے کہا کہ روایتی جڑی بوٹیوں کے علم کا امتزاج نینو ٹیکنالوجی کے جدید سائنسی شعبے کے ساتھ ہی قدرتی ادویات کا مستقبل ہے۔ نینو ٹیکنالوجی ایک کثیرالجہتی میدان ہے جو حیاتیات، انجینئرنگ، فزکس اور کیمسٹری سمیت مختلف شعبوں کے انضمام پر مبنی ہے۔ انہوں نے ان خیالات کا اظہار جامعہ کراچی کے بین الاقوامی مرکز برائے کیمیائی اور حیاتیاتی علوم (آئی سی سی بی ایس) جامعہ کراچی میں قائم یونیسکو چیئر برائے میڈیسنل اینڈ بائیو آرگینک نیچرل پراڈکٹ کیمسٹری کے زیرِ اہتمام منگل کی شامادویاتی پودوں اور نینوٹیکنالوجیکے موضوع پر منعقدہ ایک خصوصی لیکچر کے دوران کیا۔(جاری ہے)
لیکچر میں طلبا، محققین اور اساتذہ کی بڑی تعداد نے شرکت کی۔ آئی سی سی بی ایس کے ڈائریکٹر اور یونیسکو چیئر ہولڈر پروفیسر ڈاکٹر محمد رضا شاہ نے تقریب کے آغاز میں تعارفی کلمات پیش کیے۔پروفیسر ضابطہ خان شنواری نے کہا کہ دنیا میں محفوظ، مثر اور قدرتی علاج کی مانگ میں تیزی سے اضافہ ہو رہا ہے، اور جدید سائنسی تحقیق کی بدولت روایتی علم اور حیاتیاتی تنوع کے درمیان خلا پر ہو رہا ہے۔ انھوں نے کہا کہ پاکستان کے پاس یہ موقع ہے کہ جڑی بوٹیوں کو نینو ٹیکنالوجی کے ساتھ ملا کر معاشی اور صحت کے شعبوں میں مثبت نتائج حاصل کرے۔ انہوں نے مزید کہا کہ ہربل میڈیسن کی عالمی مارکیٹ کا حجم2030تک532ارب امریکی ڈالر تک پہنچنے کا تخمینہ ہے جبکہ دنیا بھر میں80فیصد آبادی جڑی بوٹیوں کو استعمال کرتی ہے اور ترقی پذیر ممالک میں یہ شرح95فیصد تک ہو سکتی ہے۔ انہوں نے کہا کہ ادویاتی پودوں پر تحقیق کے میدان میں صنعت بڑے پیمانے پر پیداوار کے لیے ٹیکنالوجی فراہم کر سکتی ہے جبکہ جامعات کا کردار قیمتی حیاتیاتی مرکبات کی شناخت اور استخراج پر مرکوز ہونا چاہیے۔ انہوں نے مزید کہا کہ ہربل کلینیکل ٹرائل انسٹیٹیوٹ کا قیام پاکستان میں جڑی بوٹیوں پر مبنی ادویات کو فروغ دینے کے مشن کے لیے بنیادی حیثیت رکھتا ہے۔ انہوں نے کہا کہ جڑی بوٹیوں پر مبنی کلینیکل ٹرائلز صحت کے شعبے میں ترقی اور شواہد پر مبنی طریقہ علاج کے فروغ کے لیے نہایت اہم ہیں۔ قرشی اور اردو یونیورسٹی کلینک کے حوالے سے بات کرتے ہوئے انہوں نے اسے فلاح و بہبود کا ایک نیا ماڈل قرار دیا۔ کینسر کے حوالے سے گفتگو کرتے ہوئے انہوں نے کہا کہ یہ دنیا بھر میں اموات کی ایک بڑی وجہ ہے جس کے باعث2015میں 88لاکھ افراد جاں بحق ہوئے، پاکستان میں2020میں صرف بریسٹ کینسر کی178,388نئے کیس رپورٹ ہوئے جبکہ تقریبا40,000خواتین ہر سال اس بیماری سے جاں بحق ہو جاتی ہیں یعنی اوسطا ہر24گھنٹوں میں109خواتین موت کے منہ میں چلی جاتی ہیں۔ انہوں نے کہا کہ پاکستان میں ہر آٹھویں خاتون بریسٹ کینسر کا شکار ہے۔ آخر میں انہوں نے کہا کہ تحقیقی برادری کو چاہیے کہ وہ باہمی تعاون کے ذریعے جامع صحت اور علمی معیار کی ثقافت کو فروغ دے، اور ملک میں تشخیصی و تحقیقی صلاحیتوں کو آگے بڑھائے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان