دودھ پلانا ہمارے بچوں کو تحفظ دینے کے چند فطری اور موثر ترین طریقوں میں سے ایک ہے،خاتون اول
اشاعت کی تاریخ: 1st, August 2025 GMT
کراچی(اُردو پوائنٹ اخبارتازہ ترین - این این آئی۔ 01 اگست2025ء)خاتون اول بی بی آصفہ بھٹو زرداری نے کہاہے کہ دودھ پلانا ہمارے بچوں کو تحفظ دینے کے چند فطری اور موثر ترین طریقوں میں سے ایک ہے،اداروں کو چاہئے کہ وہ ماں کیلئے دودھ پلانے کے لیے مخصوص جگہ فراہم کریں تاکہ دودھ پلانے کی حوصلہ افزائی ہو اور متبادل دودھ کا دبائو کم ہو۔
(جاری ہے)
خاتون اول بی بی آصفہ بھٹو زرداری نے بچوں کو دودھ پلانے کے عالمی ہفتے کے موقع پر اپنے پیغام میں کہاکہ پہلے چھ ماہ صرف ماں کا دودھ اور بعد کے دو سال تک دودھ کے ساتھ ساتھ مناسب خوراک بچوں کی قوت مدافعت اور ذہنی نشوونما کو بہتر بناتی ہے۔
انہوں نے کہاکہ دودھ پلانے والی خواتین میں چھاتی اور بیضہ دانی کے کینسر کا خطرہ بھی نمایاں طور پر کم ہو جاتا ہے۔بی بی آصفہ نے کہاکہ ناگزیر وجوہات کی بنیاد پر بچوں کو دودھ نہ پلانے والی ماں کو وہی عزت اور احترام دیا جانا چاہیئے جو دودھ پلانے والی ماں کو دیا جاتا ہے،ماں کے دودھ کے متبادل کی مارکیٹنگ پر سخت ضوابط نافذ ہونے چاہئیں تاکہ ماں کو غیرجانبدار اور سائنسی بنیاد پر معلومات فراہم کی جاسکیں۔.ذریعہ: UrduPoint
کلیدی لفظ: تلاش کیجئے دودھ پلانے بچوں کو
پڑھیں:
پاکستان کی انسداد دہشتگردی حکمت عملی عالمی سطح پر موثر قرار دی گئی ہے، وزیر اعظم
وزیراعظم محمد شہباز شریف کی زیر صدارت انسداد دہشت گردی اور ریاستی عملداری کے استحکام سے متعلق اسٹیئرنگ کمیٹی کا اعلیٰ سطحی جائزہ اجلاس منعقد ہوا، جس میں ملک سے دہشت گردی کے خاتمے اور ایک مضبوط و پرامن ریاستی ڈھانچے کے قیام کے عزم کا اعادہ کیا گیا۔
وزیراعظم نے اجلاس سے خطاب کرتے ہوئے کہا کہ پاکستان کی انسدادِ دہشت گردی کی کثیرالجہتی حکمت عملی جس میں فوجی کارروائیاں، قانونی اصلاحات، عوامی شعور اور انتہاپسندانہ نظریات کی روک تھام شامل ہیں، عالمی سطح پر مؤثر قرار دی گئی ہے۔
یہ بھی پڑھیے: بلوچستان اسمبلی: انسداد دہشتگردی ترمیمی بل منظور، لاپتا افراد کا مسئلہ ہمیشہ کے لیے حل ہو جائےگا، وزیراعلیٰ
وزیراعظم شہباز شریف نے کہا کہ پاکستان دہشت گردی کے ناسور کے مکمل خاتمے کے لیے پرعزم ہے اور دنیا نے ہمارے کامیاب آپریشنز کو تسلیم کیا ہے۔ انہوں نے زمینی کارروائیوں، مؤثر قانون سازی اور آگاہی مہمات کو شدت پسندی کے خلاف حکمت عملی کا اہم حصہ قرار دیا۔
وزیراعظم شہباز شریف نے وفاقی و صوبائی حکومتوں کے درمیان انسداد دہشت گردی کے لیے مثالی ہم آہنگی کو سراہا اور کمیٹی کی سفارشات پر سختی سے عملدرآمد کی ہدایت دی تاکہ ادارہ جاتی تعاون مزید مؤثر بنایا جا سکے۔
انہوں نے مسلح افواج، قانون نافذ کرنے والے اداروں اور ان کے اہل خانہ کی قربانیوں کو خراجِ تحسین پیش کرتے ہوئے انہیں قوم کا فخر قرار دیا۔ وزیراعظم نے کہا کہ پوری قوم، افواج، قانون نافذ کرنے والے ادارے اور انٹیلی جنس ایجنسیاں دہشت گردی کے خلاف متحد ہیں۔
انہوں نے آپریشن ردالفساد اور ضربِ عضب کا ذکر کرتے ہوئے کہا کہ ان سیکیورٹی آپریشنز نے دنیا بھر میں پاکستان کی تاریخی کامیابیوں کو اجاگر کیا ہے۔
یہ بھی پڑھیے: بھارت جنوبی ایشیا کے امن کے لیے بڑا خطرہ اور پاکستان میں دہشتگردی کا پشتی بان ہے، عطا تارڑ
وزیراعظم نے وزارت داخلہ، انٹیلجنس بیورو، صوبائی حکومتوں اور بالخصوص پنجاب کاؤنٹر ٹیررازم ڈیپارٹمنٹ کی کارکردگی کو سراہتے ہوئے دہشت گردی کے خاتمے کے لیے ان کے اقدامات کو مؤثر قرار دیا۔
اجلاس میں اندرونی چیلنجز جیسے اسمگلنگ اور غیرقانونی تارکین وطن کی موجودگی پر بھی بات ہوئی۔ وزیراعظم نے کہا کہ متعلقہ اداروں کی مربوط کارروائیوں سے اسمگلنگ پر قابو پایا گیا ہے جس کے معیشت پر مثبت اثرات مرتب ہوئے ہیں۔ انہوں نے یہ بھی واضح کیا کہ غیر دستاویزی افغان شہریوں کی واپسی بین الاقوامی قوانین کے مطابق ہو رہی ہے۔
وزیراعظم شہباز شریف نے کہا کہ صرف دہشت گردی سے پاک، پرامن اور مستحکم ریاستی نظام ہی عالمی سرمایہ کاروں کا اعتماد بحال کر سکتا ہے۔ انہوں نے معیشت میں استحکام کے لیے نظام میں انقلابی اصلاحات، ڈیجیٹلائزیشن اور ٹیکس سسٹم کی بہتری کو کلیدی عوامل قرار دیا۔
یہ بھی پڑھیے: دہشتگردی کے مکمل خاتمے اور بلوچستان کی سماجی و اقتصادی ترقی کے لیے پرعزم ہیں، فیلڈ مارشل عاصم منیر
انہوں نے کہا کہ پاکستان اسٹاک ایکسچینج میں ریکارڈ تیزی اور عالمی کریڈٹ ریٹنگ میں بہتری سرمایہ کاروں کے اعتماد کی بحالی اور معاشی بہتری کی واضح علامات ہیں۔
اجلاس میں نائب وزیراعظم اسحاق ڈار، چیف آف آرمی اسٹاف جنرل سید عاصم منیر، قومی سلامتی کے مشیر لیفٹیننٹ جنرل (ر) محمد عاصم ملک، وفاقی وزیر اطلاعات عطا اللہ تارڑ، وزیر قانون اعظم نذیر تارڑ، وزیر اقتصادی امور احد چیمہ، مشیر برائے بین الصوبائی رابطہ رانا ثناء اللہ، وزیر مملکت برائے داخلہ طلال چوہدری، چیف سیکریٹریز، آئی جیز اور دیگر سینیئر حکام نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد دہشتگردی پاک فوج دہشتگردی شہباز شریف
غزہ کو بھوکا مارنے کا منصوبہ، مجرم کون ہے؟