موت کے کنویں میں موٹر سائیکل چلانے والی با ہمت 14 سالہ فاطمہ مریم نواز سے ملاقات کی خواہاں
اشاعت کی تاریخ: 3rd, August 2025 GMT
پنجاب کے مختلف میلوں میں موت کے کنویں میں موٹر سائیکل دوڑا کر لوگوں کو حیران کرنے والی کم عمر مگر جرأت مند فاطمہ نور کہتی ہے کہ وہ وزیر اعلیٰ پنجاب سے ملنا چاہتی ہے اور خواہش رکھتی ہے کہ مریم نواز ایک بار اسے موت کے کنویں میں بائیک چلاتے ہوئے دیکھیں۔
فاطمہ نے چند برس کی عمر میں ہی اپنے والد منیر احمد کے ساتھ موت کے کنویں میں موٹر سائیکل چلانا سیکھا، ابتدا میں والد اسے ساتھ بٹھا کر بائیک چلاتے تھے لیکن گزشتہ چار سال سے وہ تنِ تنہا کنویں کے اندر موٹر سائیکل دوڑاتی ہے۔
اس کا کہنا ہے کہ اس کا کوئی بھائی نہیں، اس لیے اس نے فیصلہ کیا کہ وہ خود اپنے والد کا سہارا بنے گی۔
فاطمہ بتاتی ہے کہ شروع میں والد نے سختی سے منع کیا تھا کہ لڑکیاں یہ کام نہیں کرتیں، لوگ باتیں کریں گے، لیکن جب اس نے ضد کی اور اپنے جذبے کا اظہار کیا تو والد نے ہار مان لی۔
فاطمہ کا کہنا ہے کہ جب کسی کام کا شوق اور جنون دل میں ہو تو ڈر خودبخود ختم ہو جاتا ہے۔ وہ احتیاط تو ضرور کرتی ہے لیکن ہیلمٹ وغیرہ کا استعمال نہیں کرتی کیونکہ موت کے کنویں میں بائیک چلاتے ہوئے ایسا ممکن نہیں ہوتا۔
لوگ اکثر بائیک چلاتے ہوئے انعام کے طور پر پیسے پکڑانے کی کوشش کرتے ہیں لیکن فاطمہ وہ پیسے خود نہیں لیتی، چونکہ اس کے والد دوسری بائیک پر ہوتے ہیں تو وہ رقم تھام لیتے ہیں۔
فاطمہ کا کہنا ہے کہ ایسے ہنر رکھنے والوں کی حوصلہ افزائی ہونی چاہیے اور حکومت کو چاہیے کہ ان کے لیے مناسب تربیت اور تحفظ کا بندوبست کرے۔
فاطمہ نے بتایا کہ چونکہ ابھی اس کی عمر کم ہے اس لیے اس نے ڈرائیونگ لائسنس نہیں بنوایا، ویسے بھی وہ سڑک پر نہیں بلکہ کنویں کے اندر بائیک چلاتی ہے۔ لیکن جب وہ سڑک پر بائیک چلانے کے قابل ہوگی اور عمر پوری ہوگی تو لائسنس ضرور بنوائے گی۔
فاطمہ وزیر اعلیٰ پنجاب مریم نواز شریف سے بے حد متاثر ہے اور ان سے ملاقات کی خواہش مند ہے۔
اس کا کہنا ہے کہ مریم نواز لڑکیوں اور خواتین کے لیے بہت اچھا کام کر رہی ہیں، وہ ان کی بہت بڑی فین ہے اور چاہتی ہے کہ ایک دن مریم نواز خود اسے بائیک چلاتے ہوئے دیکھیں۔
فاطمہ کے والد منیر احمد کا کہنا ہے کہ ان کی دو ہی بیٹیاں ہیں اور فاطمہ بڑی ہے۔
ان کا کہنا تھا کہ اگرچہ ان کی بیٹی بہت زیادہ پڑھی لکھی نہیں، لیکن جس مہارت سے وہ موٹر سائیکل چلاتی ہے، وہ کسی ڈگری سے کم نہیں۔
انہوں نے کہا کہ ہر والدین کو چاہیے کہ وہ اپنی بیٹیوں کو تعلیم اور ہنر ضرور سکھائیں تاکہ وہ مستقبل میں خودمختار بن سکیں۔
انہوں نے بتایا کہ وہ سال بھر پنجاب کے مختلف شہروں اور دیہات میں لگنے والے میلوں پر جاتے ہیں اور سردیوں کے موسم میں اپنے آبائی گھر واپس چلے جاتے ہیں۔ ان کے ساتھ ایک پوری ٹیم ہوتی ہے جو بائیک اسٹنٹس کا مظاہرہ کرتی ہے۔
منیر احمد نے مزید بتایا کہ وہ جو موٹر سائیکل استعمال کرتے ہیں وہ عام بائیک ہی ہوتی ہے۔ صرف مڈگارڈ اتار دیتے ہیں تاکہ اگر بائیک کے ٹائروں میں ہوا کم ہو جائے یا پنکچر ہو جائے تو اسے فوری تبدیل کیا جا سکے۔
ان کا کہنا تھا کہ موت کے کنویں میں حادثے کی بڑی وجہ صرف لاپرواہی اور غیر ذمہ دارانہ حرکت ہوتی ہے، جیسے کچھ لوگ سڑک پر ون ویلنگ کرتے ہیں ویسے ہی اگر کنویں میں کوئی کرتب کرتے وقت احتیاط نہ کرے تو حادثہ ہو سکتا ہے۔
فاطمہ نور کی کہانی ایک ایسی بیٹی کی کہانی ہے جو باپ کے لیے بیٹا بن گئی۔ غربت، روایت، اور خطرے کے بیچ اس نے جس ہنر، عزم اور ہمت کا مظاہرہ کیا ہے، وہ نہ صرف متاثر کن ہے بلکہ معاشرے کے لیے ایک پیغام بھی ہے کہ ہنر اور حوصلے کی کوئی عمر یا جنس نہیں ہوتی۔
.
ذریعہ
ذریعہ: Express News
کلیدی لفظ: موت کے کنویں میں کا کہنا ہے کہ موٹر سائیکل مریم نواز کے لیے
پڑھیں:
ایمنسٹی انٹرنیشنل کا نیتن یاہو کی گرفتاری کا مطالبہ، آئی سی سی میں مقدمہ چلانے پر زور
ایمنسٹی انٹرنیشنل کی سینئر عہدیدار ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان پر بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔ انہوں نے کہا کہ امریکا کو انسانی حقوق اور قانون کی حکمرانی کا احترام کرتے ہوئے عدالتی فیصلوں پر عمل درآمد یقینی بنانا چاہیے۔
ایمنسٹی انٹرنیشنل کی سینئر ڈائریکٹر برائے تحقیق، وکالت، پالیسی اور مہمات، ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان کے خلاف بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔
Instead of waging a campaign against the @IntlCrimCourt and continuing to arm a government committing genocide, US authorities should uphold human rights and respect the rule of law. @NYCMayor Mamdani is right: @netanyahu should be arrested, and brought before the International… pic.twitter.com/mai4rtENAh
— Erika Guevara Rosas (@ErikaGuevaraR) July 23, 2026
ایریکا گویرا روزاس نے سماجی رابطے کے پلیٹ فارم ایکس (سابقہ ٹوئٹر) پر اپنے بیان میں نیویارک کے میئر زوہران ممدانی کے حالیہ مؤقف کی حمایت کی، جنہوں نے کہا تھا کہ اگر بنیامین نیتن یاہو نیویارک کا دورہ کریں تو انہیں گرفتار کیا جانا چاہیے۔
یہ بھی پڑھیے نیتن یاہو جنگی مجرم، اس کی جگہ جیل ہے، ظہران ممدانی ستمبر میں اسرائیلی وزیراعظم کو گرفتار کرنے پر بضد
روزاس نے اپنے بیان میں کہا کہ امریکی حکام کو انسانی حقوق کے تحفظ اور قانون کی حکمرانی کا احترام کرنا چاہیے۔
واضح رہے کہ بین الاقوامی فوجداری عدالت (ICC) نے 2024 میں بنیامین نیتن یاہو کے خلاف غزہ میں جنگی جرائم کے الزامات کے تحت گرفتاری کے وارنٹ جاری کیے تھے۔ عدالت کا مؤقف ہے کہ غزہ میں جاری جنگ کے دوران مبینہ جنگی جرائم کے الزامات کی باقاعدہ تحقیقات اور قانونی کارروائی ضروری ہے۔
یہ بھی پڑھیے نیتن یاہو کو گرفتار کریں گے، ہنگری کے نومنتخب وزیراعظم کا بڑا اعلان
اسرائیل آئی سی سی کے الزامات کو مسترد کرتا ہے، جبکہ غزہ میں جاری جنگ اور انسانی بحران کے تناظر میں اسرائیلی قیادت کے خلاف بین الاقوامی سطح پر قانونی اور سفارتی دباؤ مسلسل بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمنسٹی انٹرنیشنل جنگی جرائم نیتن یاہو
بھارت سے جنگ اور افغانستان میں کارروائی خارج ازامکان نہیں، وزیردفاع