کراچی؛ گلشنِ مزدور میں ہوٹل پر فائرنگ سے 2 افراد جاں بحق
اشاعت کی تاریخ: 4th, August 2025 GMT
کراچی:
بلدیہ ٹاؤن کے علاقے گلشن مزدور میں چائے کے ہوٹل پر نامعلوم ملزمان کی فائرنگ سے 2 افراد جاں بحق ہوگئے ۔عینی شاہد اور ہوٹل کے مالک کا کہنا ہے کہ واقعہ ڈکیتی کی واردات کے دوران پیش آیا ، تاہم پولیس کا دعویٰ ہے کہ واقعہ ذاتی دشمنی کا شاخسانہ ہے ۔
پولیس کے مطابق نیول کالونی گیٹ کے قریب کوئٹہ ماشا اللہ ہوٹل پر نامعلوم افراد کی فائرنگ سے 2 افراد جاں بحق ہوئے، جن کی لاشیں ایمبولینس کے ذریعے سول اسپتال منتقل کی گئیں جہاں ان کی شناخت 30 سالہ حبیب اللہ ولد سعید اللہ اور 28 سالہ وہاب بروھی ولد علی محمد کے ناموں سے کی گئی ۔
واقعے کی اطلاع ملنے پر پولیس اور رینجرز موقع پر پہنچ گئی جب کہ ایس ایچ او سعید آباد نے فارنزک ٹیم کو بھی موقع پر طلب کر کے شواہد اکھٹے کیے ۔ پولیس نے چائے کے ہوٹل پر کام کرنے والوں اور دیگر افراد کے بیان بھی قلمبند کیے ۔ ہوٹل پر لگے سی سی ٹی وی کیمروں کی فوٹیج بھی پولیس نے حاصل کر لی ہے۔
ہوٹل کے مالک اسرار نے بتایا کہ مقتول وہاب کا گھر ضلع بلوچستان حب چوکی کے قریب ہے جب کہ اس کا آبائی تعلق محلہ سلطان پور ، پنو عاقل ضلع سکھر سے تھا ۔ مقتول وہاب 2 بیٹوں کا باپ تھا ، ہوٹل میں رات کی ڈیوٹی کرتا تھا اور ڈیوٹی ختم کر کے اپنے گھر حب چلا جاتا تھا ۔
انہوں نے مزید بتایا کہ مقتول حبیب اللہ کا آبائی تعلق ضلع بلوچستان کوئٹہ سے کچھ فاصلے پر واقع ڈاکخانہ میزئی آذہ بدوان تحصیل ضلع قلعہ سے تھا اور 4 دن دن قبل بطور مہمان آیا تھا اور کراچی میں کام ڈھونڈ رہا تھا ۔ ہماری یا مرنے والوں کی کسی سے کوئی دشمنی نہیں تھی ۔
انہوں نے بتایا کہ واردت کے وقت وہ ہوٹل پر موجود نہیں تھے، تاہم اطلاع ملنے پر سیدھا اسپتال پہنچے، تاہم اب تک کی اطلاع کے مطابق 2 ملزمان ڈکیتی کی نیت سے آئے تھے اور ملزمان مقتولین کا موبائل فون اور نقدی چھین کر لے گئے ۔
عینی شاہد کے مطابق واقعہ دوران ڈکیتی مزاحمت پر پیش آیا ۔ میرا قریب ہی فروٹ کا ٹھیلا ہے۔ اچانک فائرنگ کی آواز آئی ، تو میں ہوٹل کی طرف بھاگا جہاں دیکھا تو دو افراد کو گولیاں لگی تھیں اور ایک زخمی سے بات کرنے کی کوشش کی تو اس نے بتایا ڈاکو آئے تھے ۔ ہمارے ہوٹل پر ڈکیتی کی واردات ہوئی، ملزمان موبائل فون چھین کر فرار ہوئے ہوگئے ۔
پولیس کا ابتدائی طور پر کہنا ہے کہ فائرنگ کا واقعہ ذاتی دشمنی کا شاخسانہ ہے ۔ جاں بحق افراد کا چند روز قبل جھگڑا بھی ہوا تھا ۔ واقعے کے حوالے سے مزید تحقیقات کی جارہی ہیں ۔ پولیس نے مقتولین کی لاشیں کارروائی کے بعد ہوٹل کے مالک کے حوالے کر دیں ۔ ہوٹل کے مالک اسرار کا کہنا تھا کہ وہاب اور حبیب اللہ کی لاشیں آبائی علاقے بھجوائی جا رہی ہیں ۔
.
ذریعہ
ذریعہ: Express News
کلیدی لفظ: ہوٹل پر
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار