لیاری کے نوجوان ہیروز نے انڈر-15 ناروے فٹبال کپ 2025 جیت لیا
اشاعت کی تاریخ: 4th, August 2025 GMT
پاکستانی نوجوان فٹبال ٹیم ’بیٹر فیوچر پاکستان‘ نے ناروے کپ انڈر-15 چیمپئن شپ 2025 جیت کر ملک کے لیے تاریخ رقم کر دی۔ فائنل میں گرین شرٹس نے ناروے کے مقامی کلب جیووِک-لِن کو شاندار کھیل کا مظاہرہ کرتے ہوئے 0-2 سے شکست دی۔
احمد علی اور اویس نے فیصلہ کن گول اسکور کیے، جبکہ ٹیم نے پورے میچ پر مہارت اور خوداعتمادی کے ساتھ گرفت قائم رکھی۔ دفاعی حکمت عملی اتنی مضبوط رہی کہ مخالف ٹیم کو واپسی کا کوئی موقع نہ ملا۔
بیٹر فیوچر پاکستان نے ٹورنامنٹ کے دوران کُل 9 میچز کھیلے اور تمام میں کامیابی حاصل کرکے ناقابلِ شکست رہنے کا اعزاز بھی اپنے نام کیا۔ ٹیم نے صرف میدان میں کارکردگی نہیں دکھائی بلکہ ’بیسٹ فیئر پلے ٹیم‘ کا اعزاز بھی حاصل کیا، جس میں 16 ’فیئر پلے گرین کارڈز‘ بھی شامل ہیں جو ان کی نظم و ضبط اور کھیل کی روح کی گواہی دیتے ہیں۔
مزید پڑھیں: پاکستان اسٹریٹ چلڈرن فٹبال کی ورلڈ کپ 2025 میں شرکت کی راہ ہموار
ٹیم کی اکثریت کراچی کے علاقے لیاری سمیت پاکستان کے مختلف حصوں سے تعلق رکھنے والے نوجوان کھلاڑیوں پر مشتمل ہے۔ انہوں نے یکم اگست کو گریکر آئی ایف کو 2-4 سے ہرایا، پھر اگلے پلے آف میں گیجلریسن کو 1-4 سے شکست دی، اور فائنل میں جیووِک-لِن کے خلاف فیصلہ کن کامیابی حاصل کی۔ یہ شاندار کارکردگی نہ صرف ایک بڑا ٹائٹل پاکستان کے نام کر گئی بلکہ عالمی سطح پر پاکستانی نوجوانوں کی صلاحیتوں کا لوہا بھی منوا گئی۔
لیاری کے ہیروز نے ناروے کپ جیت لیا، وزیراعلیٰ سندھ کی ٹیم کو مبارکبادوزیراعلیٰ سندھ مراد علی شاہ نے لیاری کی فٹبال ٹیم کو ناروے کپ 2025 جیتنے پر دل کی گہرائیوں سے مبارکباد دی ہے۔ اپنے پیغام میں وزیراعلیٰ نے کہا کہ لیاری کے نوجوان کھلاڑیوں نے دنیا بھر میں پاکستان اور سندھ کا نام روشن کیا ہے۔
مراد علی شاہ کا کہنا تھا کہ لیاری کے نوجوان ہماری پہچان اور فخر ہیں، اور ان کی یہ تاریخی کامیابی پوری قوم کے لیے باعثِ فخر لمحہ ہے۔ انہوں نے یقین دلایا کہ حکومت سندھ لیاری کے ان ہیروز کو قومی سطح پر پذیرائی دلانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: کے لیے
پڑھیں:
محمد آصف عالمی اسنوکر چیمپئن شپ میں اپنے اعزاز کا دفاع کریں گے
پاکستان کے محمد آصف عالمی اسنوکر چیمپئن شپ میں اپنے اعزاز کا دفاع کریں گے۔
تفصیلات کے مطابق پاکستان پیر سے آئی بی ایس ایف کے تحت قطر کے شہر دوحا میں شروع ہونے والی عالمی اسنوکر چیمپئن شپ میں شرکت کرے گا۔
Only 2 days remain before the World Snooker Championship 2025 takes center stage in Doha, Qatar.
From November 3–13, the world’s finest cue artists will compete in a test of precision, composure, and class. Each frame will tell a story of determination and brilliance.
[IBSF] pic.twitter.com/JgFZxf43Wk
چیمپئن شپ کے لیے قومی اسکواڈ محمد آصف کے علاوہ عالمی انڈر 17 چیمپئن محمد حسنین اختر، سابق ایشین چیمپئن محمد سجاد، شاہد آفتاب اور اسجد اقبال شامل ہیں۔
قومی ایسوسی ایشن کے سیکرٹری نوید کپاڈیہ ڈیلیگیٹ اور ریفری کی ذمہ داری ادا کریں گے۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف