یومِ شہدائے پولیس: صدر، وزیراعظم اور وزیر داخلہ کا پولیس کے شہداء کو خراجِ عقیدت
اشاعت کی تاریخ: 4th, August 2025 GMT
پنجاب بھر میں آج یومِ شہدائے پولیس عقیدت و احترام کے ساتھ منایا جا رہا ہے، جہاں مختلف شہروں میں منعقدہ تقریبات میں پولیس کے ان عظیم شہداء کی یاد میں شمعیں روشن کی گئیں جنہوں نے وطن کی سلامتی، امن اور ریاستی عملداری کے تحفظ کی خاطر اپنی جانوں کا نذرانہ پیش کیا صدر مملکت آصف علی زرداری نے اس موقع پر اپنے پیغام میں کہا کہ یومِ شہدائے پولیس ہمیں اُن بہادر افسروں اور جوانوں کی یاد دلاتا ہے جنہوں نے ملک و قوم کے لیے اپنی جانیں قربان کیں۔ انہوں نے کہا کہ پولیس نے دہشت گردی، جرائم اور بدامنی کے خلاف ہر اول دستے کا کردار ادا کیا ہے اور قوم ان کی قربانیوں کو کبھی فراموش نہیں کرے گی۔ صدر مملکت نے اس عزم کا اظہار کیا کہ حکومت شہداء کے ورثا کی فلاح و بہبود کے لیے ہر ممکن اقدامات اٹھاتی رہے گی وزیراعظم شہباز شریف نے بھی یومِ شہداء پر اپنے پیغام میں پولیس کے ہزاروں شہداء کو خراج تحسین پیش کرتے ہوئے انہیں قوم کا فخر قرار دیا۔ انہوں نے کہا کہ دہشت گردی کے خلاف جنگ میں 8 ہزار سے زائد پولیس اہلکاروں نے اپنی جانوں کا نذرانہ پیش کیا، اور ان شہداء کے اہل خانہ کو بھی سلام پیش کرتا ہوں جنہوں نے وطن کی خاطر اپنا مستقبل قربان کر دیا۔ وزیراعظم نے اس بات پر بھی زور دیا کہ پولیس نے اپنی پیشہ ورانہ صلاحیتوں سے دنیا میں اپنا مقام بنایا ہے، جبکہ پولیسنگ میں ٹیکنالوجی کے استعمال کو وقت کی اہم ضرورت قرار دیا وزیر داخلہ محسن نقوی نے کہا کہ چار اگست کا دن اُن عظیم محافظوں کے نام ہے جنہوں نے اپنے خون سے ملک کی داخلی سلامتی کی بنیادوں کو مضبوط کیا۔ انہوں نے کہا کہ پولیس کے تمام شہداء ہمارے دلوں میں ہمیشہ زندہ رہیں گے، اور قوم ان کی قربانیوں کو کبھی فراموش نہیں کرے گی۔ انہوں نے کہا کہ دہشت گردوں، جرائم پیشہ عناصر اور سماج دشمن قوتوں کے خلاف لڑتے ہوئے اپنی جانیں نچھاور کرنے والے افسران اور جوان ہمارے ہیرو ہیں محسن نقوی نے یہ بھی کہا کہ ریاست ان شہداء کے خاندانوں کی مقروض ہے جن کے بیٹے امن و تحفظ کے لیے قربان ہو گئے، اور آج ہم سب اس عہد کی تجدید کرتے ہیں کہ نہ صرف اپنے شہداء کو یاد رکھیں گے بلکہ اُن کے اہل خانہ کو بھی کبھی تنہا نہیں چھوڑیں گے۔ انہوں نے ایس ایس پی اشرف مارتھ، کیپٹن مبین اور دیگر عظیم شہداء کو خاص طور پر خراج عقیدت پیش کیا یومِ شہدائے پولیس کے موقع پر عوام، سول سوسائٹی اور سیکیورٹی اداروں کی جانب سے بھی شہداء کے لیے خصوصی دعاؤں، تقاریب اور یادگاری سرگرمیوں کا اہتمام کیا گیا ہے تاکہ ان بہادر سپاہیوں کی قربانیوں کو خراجِ تحسین پیش کیا جا سکے جن کی بدولت آج وطن میں امن قائم ہے
.ذریعہ: Nawaiwaqt
کلیدی لفظ: انہوں نے کہا کہ شہدائے پولیس کہ پولیس شہداء کے پولیس کے شہداء کو جنہوں نے پیش کیا کے لیے
پڑھیں:
یومِ شہدا پولیس: وزیرِ اعظم کا بہادر جوانوں کو خراجِ تحسین، شہدا کے اہلخانہ کو سلام
وزیرِ اعظم محمد شہباز شریف نے یومِ شہدا پولیس کے موقع پر قوم کے محافظوں کو خراجِ تحسین پیش کرتے ہوئے کہا ہے کہ ملک میں امن و امان کے قیام کے لیے پولیس فورس کی قربانیاں ناقابلِ فراموش ہیں۔ انہوں نے ان شہدا کو خراجِ عقیدت پیش کیا جنہوں نے اپنی جانوں کا نذرانہ دے کر وطنِ عزیز کے عوام کو تحفظ فراہم کیا۔
وزیراعظم ہاؤس سے جاری پیغام میں انہوں نے کہا کہ ہماری پولیس کے بہادر افسران و جوان ہر موسم، ہر چیلنج کے باوجود اپنے پیاروں سے دور، فرض کی ادائیگی میں سرگرم رہتے ہیں۔ آج ہم ان سب کو خراجِ تحسین پیش کرتے ہیں اور ان کے عظیم اہلخانہ کو سلام جو ہماری خاطر اپنا سب کچھ قربان کر دیتے ہیں۔
مزید پڑھیں: شہداء پولیس کی بے لوث قربانیاں ہمیشہ یاد رکھنے کا عزم
وزیرِ اعظم نے انکشاف کیا کہ دہشتگردی کے خلاف جنگ میں اب تک 8 ہزار سے زائد پولیس اہلکاروں نے جامِ شہادت نوش کیا۔ ان کی قربانیوں کو سراہتے ہوئے انہوں نے کہا کہ یہ وہ لوگ ہیں جنہوں نے اپنے بچوں کو یتیم کیا تاکہ پاکستان کے لاکھوں بچوں کو یتیمی سے بچایا جا سکے۔
انہوں نے رحیم یار خان میں حالیہ شہداء، بشمول ایلیٹ فورس کے 5 بہادر جوانوں کو خصوصی طور پر یاد کرتے ہوئے کہا کہ یہ سب ہمارے حقیقی ہیرو اور قومی فخر ہیں۔
وزیرِ اعظم نے عالمی سطح پر پاکستان پولیس کی پیشہ ورانہ کامیابیوں کا ذکر کرتے ہوئے کہا کہ ورلڈ پولیس سمٹ 2025 میں حاصل کردہ بین الاقوامی اعزازات اس بات کا ثبوت ہیں کہ پاکستان پولیس نے عالمی سطح پر اپنی مہارت کا لوہا منوایا ہے۔
مزید پڑھیں: شہدا کے وقار کو مجروح کرنے والوں کو قوم معاف نہیں کرے گی، جنرل عاصم منیر
انہوں نے پولیس کے اندر جدید ٹیکنالوجی کے استعمال، انسدادِ دہشتگردی فورسز کے قیام، اور افواجِ پاکستان و رینجرز کے ساتھ مشترکہ کارروائیوں کو سراہا اور کہا کہ یہ اقدامات ملک میں امن کے قیام اور جرائم کی روک تھام میں اہم کردار ادا کر رہے ہیں۔
وزیرِ اعظم نے کہا کہ گوادر کے ساحلوں سے لے کر گلگت بلتستان کے پہاڑوں تک، پولیس کا ہر جوان ہمارے فخر کا باعث ہے۔ قوم ان کی قربانیوں کو ہمیشہ یاد رکھے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ورلڈ پولیس سمٹ 2025 وزیر اعظم محمد شہباز شریف یوم شہدا پولیس
انسانی دماغ کے ایک حیرت انگیز راز کا انکشاف