پنجاب کابینہ: کم از کم اجرات 40 ہزار کرنے سمیت اہم فیصلوں کی منظوری دے دی گئی
اشاعت کی تاریخ: 5th, August 2025 GMT
وزیراعلیٰ پنجاب مریم نواز شریف کی صدارت میں صوبائی کابینہ کا 28 واں اجلاس منعقد ہوا جس میں 130 نکاتی ایجنڈے کی منظوری دی گئی۔
اجلاس میں پنجاب کے صنعتی ورکرز کے لیے بڑی خوشخبری سنائی گئی اور لیبر کمپلیکس سندر، قصور اور لیبر کالونی ٹیکسلا میں 1220 فلیٹس الاٹ کرنے کی منظوری دی گئی۔ فلیٹس قرعہ اندازی کے ذریعے تقسیم کیے جائیں گے۔ وزیراعلیٰ نے ورکرز سے فلیٹس کی قیمت وصول کرنے کی تجویز کو مسترد کرتے ہوئے مزید 3 ہزار فلیٹس کی فوری تعمیر کے احکامات بھی جاری کیے۔
یہ بھی پڑھیں: پنجاب کابینہ کے 25ویں اجلاس میں کیا اہم فیصلے کیے گئے؟
کابینہ نے ہنرمند، نیم ہنرمند اور 102 دیگر کیٹیگریز میں شامل ورکرز کی تنخواہ 40 ہزار روپے یکساں طور پر مقرر کرنے کی منظوری دی۔ فلڈ ڈیوٹی انجام دینے والے ریسکیو اہلکاروں کے لیے وزیراعلیٰ نے 50، 50 ہزار روپے انعام کا اعلان کیا۔ ریسکیو 1122 کی سیلابی صورتحال میں امدادی کارروائیوں کو سراہا گیا۔
اجلاس میں پنجاب میں پانچویں جماعت کے طلبہ کے لیے جائزہ اور آٹھویں جماعت کے طلبہ کے لیے باقاعدہ امتحانات سرکاری سطح پر لینے کی منظوری دی گئی۔ سرکاری ملازمین کی بیواؤں کو تاحیات پنشن دینے کی بھی منظوری دی گئی۔
وزیراعلیٰ نے جیلوں میں قیدیوں کے لیے باقاعدہ انڈسٹری قائم کرنے اور انہیں اجرت دینے کا اعلان کیا۔ قیدیوں کی نگرانی کے لیے تھرڈ پارٹی مانیٹرنگ سسٹم متعارف کروانے کی ہدایت بھی دی گئی۔
سرمایہ کاری کے فروغ کے لیے بڑا اقدام کرتے ہوئے پیٹرول پمپس کے قیام کے لیے آن لائن اپلائی اور این او سی کے حصول کی سہولت منظور کی گئی۔ اب صرف 6 دستاویزات درکار ہوں گی۔ پہلی بار ورکرز کی سیفٹی کے لیے جامع قوانین ’پنجاب ایکوپیشنل سیفٹی اینڈ ہیلتھ رولز 2024‘ کی منظوری دی گئی۔ وزیراعلیٰ نے سیور لائن اور تعمیراتی کام کرنے والے مزدوروں کی حفاظت کو یقینی بنانے کی ہدایت کی اور لیبر ڈیپارٹمنٹ کو انفورسمنٹ فورس بنانے کا حکم دیا۔
چائلڈ لیبر کی روک تھام کے لیے ’پنجاب رسٹریکشن آن ایمپلائیمنٹ آف چلڈرن رولز 2024‘ کی منظوری دی گئی۔ سرکاری و نجی یونیورسٹیوں میں خزانچی، رجسٹرار اور کنٹرولر امتحانات کی تعیناتی کا یکساں طریقہ کار منظور کیا گیا۔ وائس چانسلرز کی مارکیٹ بیسڈ ہائرنگ پر اتفاق کیا گیا اور تقرری کے لیے کم از کم 80 فیصد مارکس کا معیار طے کیا گیا۔
ٹریفک نظام میں انقلابی قدم کے طور پر 90 دن کے اندر اے آئی بیسڈ ٹریفک مینجمنٹ سسٹم نافذ کرنے اور ایکسل روڈ مینجمنٹ سسٹم کے فوری نفاذ کی ہدایت دی گئی۔ پنجاب کے 5 ڈویژنز میں واسا کے قیام اور مزید 13 شہروں تک توسیع کی منظوری دی گئی۔ سرکاری ہسپتالوں میں نرسز کے لیے پیڈ انٹرن شپ کا آغاز بھی منظور ہوا۔
کسان کارڈ پروگرام کے تحت 6 لاکھ 90 ہزار کسانوں کو 93 ارب روپے جاری کیے گئے جن میں سے 47 ارب زرعی مداخل پر خرچ کیے جا چکے ہیں۔ ہائی ٹیک میکانائزیشن منصوبے کے تحت نئے ٹریکٹر سازی کے کارخانے قائم کرنے کی منظوری دی گئی۔ مقامی پرندوں کے تحفظ کے لیے ڈیئر فاؤنڈیشن انٹرنیشنل و دیگر اداروں سے ایم او یو اور ریگولیٹری فریم ورک بھی منظور کیا گیا۔
پی ڈی ایم اے کو 2.
پھاٹا کے بجٹ کی منظوری کا اختیار گورننگ باڈی کو دینے اور اس کی مانیٹرنگ کا نظام وضع کرنے کی منظوری دی گئی۔ انرجی ہولڈنگ کمپنی، ہوم ڈیپارٹمنٹ اور دیگر اداروں میں ملازمین کی مدتِ ملازمت میں توسیع دی گئی۔ لیٹریسی ڈیپارٹمنٹ کو اسکول ونگ کے ساتھ منسلک کرنے اور 590 ملازمین کی مدتِ ملازمت میں توسیع کی منظوری دی گئی۔
ایس پی یو، خواتین پر تشدد کے سدباب کے لیے قائم سینٹر ملتان، پنجاب فنانشل ایڈوائزری سروسز، ڈرائیورز، پیٹرول اسسٹنٹس، اور سکل ڈویلپمنٹ ڈیپارٹمنٹ میں نئی بھرتیوں کی منظوری دی گئی۔ وائلڈ لائف، کوالٹی کنٹرول بورڈ، اسپتالوں، اور پبلک پرائیویٹ پارٹنرشپ اتھارٹی میں بھی بھرتیوں کی منظوری دی گئی۔
یہ بھی پڑھیں: پنجاب کابینہ: اسپیشل افراد، بزرگوں اور طلبہ کے لیے مفت سفر کی منظوری
سیمنٹ پلانٹس کے این او سی کی مدت میں توسیع، سپورٹس بورڈ کی تنظیم نو، اہم مہمانوں کی سیکیورٹی کے لیے بلٹ پروف گاڑیاں، پنجاب ڈرگ رولز میں ترمیم، انرجی ایفیشنسی اینڈ کنزرویشن ایکٹ 2025، ٹیلی کام سیکٹر کو سرکاری اراضی پر لیز، شوگر کین ریسرچ اینڈ ڈیولپمنٹ بورڈ اور لوکم ریکروٹمنٹ ایکٹ 2025 کی بھی منظوری دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب کابینہ فیصلوں کی منظوری کابینہ اجلاس کم از کم اجرت مریم نواز وزیراعلٰی پنجاب وی نیوزذریعہ: WE News
کلیدی لفظ: پنجاب کابینہ فیصلوں کی منظوری کابینہ اجلاس مریم نواز وی نیوز کرنے کی منظوری دی کی منظوری دی گئی پنجاب کابینہ بھی منظور کی ہدایت کیا گیا کے لیے
پڑھیں:
سرکاری افسروں کی ترقی کے لیے لازمی مڈکیرئیر مینجمنٹ کورس کے شرکا کی فہرست تبدیل ؛7 افسروں کے نام واپس 54 نئے افسروں کی منظوری
سٹی 42: سرکاری افسروں کی گریڈ 18 سے 19 میں ترقی کیلئے لازمی مڈ کیریئر مینجمنٹ کورس کے ضمن میں اسٹیبلشمنٹ ڈویژن نے 45 ویں مڈ کیریئر مینجمنٹ کورس (ایم سی ایم سی) کے شرکاء کی فہرست میں ردوبدل کرتے ہوئے 7 افسروں کے نام کورس سے واپس لے لیے ہیں جبکہ 54 نئے افسروں کی اضافی نامزدگیوں کی منظوری دی ہے اور2 نامزد افسروں کے تربیتی سٹیشنز تبدیل کئے گئے ہیں
اسٹیبلشمنٹ ڈویژن کی جانب سے ریکٹر نیشنل سکول آف پبلک پالیسی کو ارسال کردہ مراسلے کے مطابق کورس سے نام واپس لیے جانے والے افسروں میں آفس مینجمنٹ گروپ کے سیکشن آفیسر متروکہ وقف املاک آرگنائزیشن، کابینہ ڈویژن شعیب الرحمان، سیکشن آفیسر ملٹری فنانس ونگ راولپنڈی نائلہ کلثوم صدیقی، سیکشن آفیسر پورٹ اینڈ شپنگ ونگ، کراچی مس نمرہ خان، پاکستان ایڈمنسٹریٹو سروس کے ایڈیشنل سیکرٹری فنانس ڈیپارٹمنٹ حکومت خیبر پختونخوا طلعت فہد، پولیس سروس آف پاکستان کے بٹالین کمانڈر 3 پولیس کالج ملتان پنجاب، جلیل عمران خان، ڈی پی او ہنگو خیبر پختونخوا حکومت خان زیب اور ان لینڈ ریونیو سروس کے ڈپٹی کمشنر میڈیم ٹیکس پے ارز آفس کراچی محمد حسین شاہ شامل ہیں۔
پاکستان سپورٹس بورڈ نے ویٹ لفٹنگ کے کھلاڑیوں و عہدیداروں پر پابندیاں لگادیں
اضافی نامزدگیوں کی منظوری پانے والے 54 افسران کی فہرست میں پاکستان ایڈمنسٹریٹو سروس کے ایڈیشنل ڈپٹی کمشنر ریونیو حکومت پنجاب محمد صہیب بٹ، ڈائریکٹر ڈویلپمنٹ اینڈ فنانس سرگودھا حکومت پنجاب بلال حسن، ڈپٹی کمشنر پنجاب ریونیو اتھارٹی حکومت پنجاب عمر افتخار شیرازی، ایڈیشنل سیکرٹری بجٹ فنانس ڈیپارٹمنٹ حکومت خیبر پختونخوا گل بانو، پنجاب ریونیو اتھارٹی حکومت پنجاب کے ڈسپوزل پر موجود مرضیہ سلیم، ڈپٹی کمشنر سانگھڑ حکومت سندھ سارہ جاوید، پولیس سروس آف پاکستان کے ایس پی انویسٹی گیشن کرک خیبر پختونخوا محمد اشفاق، ڈائریکٹر پبلک ریلیشنز سینٹرل پولیس آفس خیبر پختونخوا پشاور شہزادہ کوکب فاروق، ایس پی سپیشل سیکورٹی یونٹ کراچی سندھ فرح امبرین، ڈائریکٹر پولیس میٹرز، اوورسیز پاکستانیز کمیشن پنجاب لاہور امتیاز احمد خان، ایس پی ٹریننگ-II پولیس کالج سہالہ پنجاب عمران رزاق، آفس مینجمنٹ گروپ کے حکومت سندھ کے ڈسپوزل پر موجود زوہیب حسن شیخ، سیکشن آفیسر وفاقی تعلیم و پیشہ ورانہ تربیت ڈویژن اسلام آباد سید مسعود رحمان، سیکشن آفیسر اکنامک افیئرز ڈویژن اسلام آباد نور العین آفتاب، سیکشن آفیسر فنانس ڈویژن اسلام آباد اعتزاز عالم ملک، نیشنل سکول آف پبلک پالیسی لاہور کے ڈسپوزل پر موجود مدیحہ اشرف، سیکشن آفیسر فنانس ڈویژن اسلام آباد فوزیہ حسین، سینیٹ سیکرٹیریٹ کے ڈسپوزل پر موجود مہوش ریاض شامل ہیں۔
لاہور: سیف سٹی اتھارٹی کا پولیس ڈرونز پائلٹ پروجیکٹ کا آغاز
کورس کیلئے نامزد کئے گئے مختلف سروسز، گروپس کی اضافی نامزدگیوں میں ڈپٹی ڈائریکٹر انفارمیشن سروسز اکیڈمی اسلام آباد اقدس شوکت علی، ڈپٹی ڈائریکٹر پریس انفارمیشن ڈیپارٹمنٹ اسلام آباد احسان اللہ شہزاد، ڈپٹی کنٹرولر دفتر چیف میٹریل ایڈوائزر لاہور کمانڈ لاہور قاسم ملک، ڈپٹی اکاؤنٹنٹ جنرل دفتر اکاؤنٹنٹ جنرل پنجاب لاہور انیق الرحمان، ڈپٹی ڈائریکٹر دفتر ڈائریکٹر جنرل آڈٹ ریلوے لاہور بشریٰ حسن، ڈپٹی کنٹرولر دفتر چیف میٹریل ایڈوائزر پاکستان آرڈیننس فیکٹریز واہ شاہ رخ عطاء اللہ خان، ڈپٹی چیف اکاؤنٹس آفیسر وزارت خارجہ اسلام آباد بہاول رضا، ایڈیشنل ڈائریکٹر پنجاب فوڈ اتھارٹی گوجرانوالہ عدیل اسلم، ڈپٹی ڈائریکٹر دفتر ڈائریکٹر جنرل آڈٹ پاور اینڈ نیچرل ریسورسز سب آفس کراچی فرخ احمد، ڈپٹی ڈائریکٹر ایف اے او ونگ آڈیٹر جنرل آف پاکستان آفس اسلام آباد حسین عزیز، ڈپٹی ڈائریکٹر ریکٹر، پی اے اے اے، سب آفس کراچی سرفراز احمد، ڈپٹی کنٹرولر نیول اکاؤنٹس کراچی فریال حبیب اللہ مینگڑیو، ڈپٹی ڈائریکٹر دفتر ڈائریکٹر جنرل آڈٹ سندھ کراچی اسماء واگن، ڈپٹی کنٹرولر دفتر چیف لیبر ایڈوائزر ڈیفنس سروسز لاہور فیضان وحید، ڈپٹی ڈائریکٹر دفتر ڈائریکٹر جنرل آڈٹ کلائمیٹ چینج اینڈ انوائرنمنٹ اسلام آباد سعدیہ سجاد، ڈپٹی کنٹرولر دفتر چیف میٹریل ایڈوائزر آفس راولپنڈی فخر عالم، ڈپٹی ڈائریکٹر دفتر ڈائریکٹر جنرل آڈٹ پاور اینڈ نیچرل ریسورسز سب آفس کراچی طارق احمد، ڈپٹی اکاؤنٹنٹ جنرل دفتر اے جی پی آر سب آفس گلگت علی محمد اسلم، ڈپٹی ڈائریکٹر دفتر ڈائریکٹر جنرل آڈٹ پاور اینڈ نیچرل ریسورسز لاہور فائق احمد، ڈپٹی اکاؤنٹنٹ جنرل دفتر اکاؤنٹنٹ جنرل سندھ کراچی حنا سید، ڈپٹی ڈائریکٹر دفتر ڈائریکٹر جنرل آڈٹ فارن اینڈ انٹرنیشنل اسلام آباد محمد ناصر شاہ، ڈپٹی ڈائریکٹر دفتر ڈائریکٹر جنرل آڈٹ ان لینڈ ریونیو اینڈ کسٹمز ساؤتھ کراچی سنتوش کمار، ڈائریکٹر آپریشنز وزارت تجارت اسلام آباد محمد بلال خان، ڈپٹی ڈائریکٹر ٹریڈ ڈویلپمنٹ اتھارٹی آف پاکستان کراچی مسٹر قدیر احمد بھٹو، چیف پوسٹ ماسٹر اسلام آباد جی پی او عظمیٰ شریف، پی بی ایس آر او سکھر وسیم حیدر منگی، چیف سٹیٹسٹیکل آفیسر پاکستان بیورو آف سٹیٹسٹکس ہیڈ کوارٹرز اسلام آباد ڈاکٹر لیاقت علی، چیف سٹیٹسٹیکل آفیسر پاکستان بیورو آف سٹیٹسٹکس ہیڈ کوارٹرز اسلام آباد زرتاشیہ حسین، ڈپٹی سیکرٹیری اریگیشن ڈیپارٹمنٹ حکومت خیبر پختونخوا جان محمد، او ایس ڈی ایگزیکٹو اینڈ ایڈمنسٹریشن حکومت خیبر پختونخوا محمد ایاز خان، ڈائریکٹر یوتھ افیئرز خیبر پختونخوا ڈاکٹر نعمان مجاہد، او ایس ڈی ایگزیکٹو اینڈ ایڈمنسٹریشن شہاب محمد خان، ڈائریکٹر کے پی-پی ایس آر اے زوہیب حیات، ڈپٹی سیکرٹیری انڈسٹریز ڈیپارٹمنٹ حکومت خیبر پختونخوا انجینئر سید شاہ زیب، او ایس ڈی اسٹیبلشمنٹ ڈیپارٹمنٹ حکومت خیبر پختونخوا فضیلت جہاں اور ڈپٹی سیکرٹیری کیبنٹ ایڈمنسٹریشن ڈیپارٹمنٹ حکومت خیبر پختونخوا عفت امبرین شامل ہیں۔
لاہور: 4 افراد کی ہلاکت، ٹرک ڈرائیور کے خلاف مقدمہ درج
اسٹیبلشمنٹ ڈویژن کے مطابق مذکورہ کورس 17 نومبر 2025ء سے شروع ہوگا اور تمام نامزد افسران 14 نومبر 2025ء کو اپنے اپنے مقامات پر رپورٹ کریں گے۔ ان نامزدگیوں کے لئے تازہ ترین سالانہ میڈیکل رپورٹس کا جمع کرانا لازمی ہے۔ کورس کی فیس ہر شریک ہونے والے افسر کے لیے 230,000 روپے مقرر کی گئی ہے جبکہ اسپیشلائزڈ ٹریننگ انسٹی ٹیوٹس کے لیے 64,286 روپے فی شرکاء ہے۔ اسٹیبلشمنٹ ڈویژن نے اپنے خط میں واضح کیا ہے کہ وزیر اعظم کے حکم نامے کے مطابق تمام وزارتیں اور ڈویژنز نامزد افسران کو تربیت کے لیے فوری ریلیو کریں اور ان کی غیر حاضری کے دوران ان کے عہدوں کے لیے عبوری انتظامات کریں۔ وزیر اعظم کی ہدایات کی خلاف ورزی پر ڈسپلنری کارروائی کا اطلاق ہو گا
سپریم کورٹ؛ خانپور ڈیم آلودہ پانی فراہمی کیس میں ایڈووکیٹ جنرل کے پی کو نوٹس جاری
ملک بھر میں انٹرنیٹ سروسز کیوں متاثر ہیں؟