کل احتجاج میں لوگ کیوں نہیں پہنچے، پارٹی میں اس پر بات کروں گا: سلمان اکرم راجہ
اشاعت کی تاریخ: 6th, August 2025 GMT
—فائل فوٹو
پاکستان تحریک انصاف (پی ٹی آئی) کے رہنما بیرسٹر سلمان اکرم راجہ نے کہا ہے کہ کل احتجاج میں لوگ کیوں نہیں پہنچے؟ پارٹی میں اس پر بات کروں گا۔
اڈیالہ جیل کے باہر میڈیا سے گفتگو کرتے ہوئے انہوں نے کہا کہ میں اور محمود اچکزئی کل رات 11 بجے تک بانی کی بہنوں کے ساتھ چکری انٹرچینج پر رہے۔
سلمان اکرم راجہ کا کہنا تھا کہ بانی پی ٹی آئی کی کال ہو کوئی ایم این اے بغیر معقول وجہ کیسے دور رہ سکتا ہے، احتجاج میں شامل نہ ہونے کی اگر کوئی معقول وجہ نہیں تو اس کا جواب دینا پڑے گا۔
انہوں نے کہا کہ کل کے احتجاج پر میں نے کہا تھا یہ صوبائی اور مقامی سطح کا ہو گا، میں سمجھتا ہوں کل کا دن بڑی حد تک کامیاب رہا، کل کا احتجاج اسے بہتر ہو سکتا تھا اور آئندہ ہو گا۔
انہوں نے کہا کہ کل عوام نے ثابت کیا کہ بانی پی ٹی آئی کے ساتھ ہے۔
ان کا کہنا تھا کہ صوبائی اور مقامی قیادت کو بتایا گیا تھا وہ خود احتجاج ترتیب دیں، لوگ کیوں نہیں نکلے اس پر بانی سے مشاورت کریں گے، کل کا احتجاج اچھی کوشش تھی اس میں مزید بہتری آئے گی، کل کا احتجاج آخری احتجاج نہیں تھا، یہ عمل جاری رہے گا۔
پی ٹی آئی کے رہنما نے کہا کہ توشہ خانہ ٹو کا ٹرائل مکمل طور پر غیر آئینی اور غیر قانونی ہے، سائفر کیس میں بھی فیملی، میڈیا اور وکلاء کو داخلے سے روک دیا گیا تھا، سائفر کیس کا ٹرائل ہائی کورٹ نے 2 مرتبہ کالعدم قرار دیا۔
سلمان اکرم راجہ کا کہنا تھا کہ ہائی کورٹ کی واضح ہدایات ہیں اگر میڈیا، وکلاء اور فیملی کو داخلہ نہیں دیا جاتا تو یہ اوپن ٹرائل نہیں، 26ویں ترمیم کے بعد پھر میڈیا، فیملی اور وکلاء کو روکا جا رہا ہے۔
انہوں نے مزید کہا کہ توشہ خانہ کیس ٹو میں میرا وکالت نامہ ہے، مجھے بھی روکا گیا ہے، ہم اس غیر آئینی ٹرائل کے خلاف قانونی چارہ جوئی کریں گے، جب تک قانون کی اطاعت نہیں ہوگی یہ ٹرائل نہیں چل سکتا، بیرسٹر سلمان صفدر اندر گئے ہیں وہ یہ نکتہ عدالت کے سامنے اٹھائیں گے۔
ان کا یہ بھی کہنا تھا کہ مذاکرات کا فیصلہ بالآخر بانی نے کرنا ہے، مذاکرات ان کی اجازت سے ہوں گے، موجودہ ماحول میں کوئی مذاکرات نہیں ہوسکتے، جب ایک ایس ایچ او ہائی کورٹ کے حکم نہیں مانتا ایسے میں کیا مذاکرات ہوں گے۔
.ذریعہ: Jang News
کلیدی لفظ: سلمان اکرم راجہ کل کا احتجاج کہنا تھا کہ نے کہا کہ
پڑھیں:
سلمان خان اداکار سونو سود سے کیوں جلتے تھے؟فلم دبنگ کے ہدایتکار کا حیران کن انکشاف
بھارتی فلمساز ابھینو کشیپ جنہوں نے بالی ووڈ میں اپنے کیریئر کا آغاز فلم دبنگ سے کیا، نے ایک حالیہ انٹرویو میں انکشاف کیا ہے کہ چُلبُل پانڈے کے کردار کے لیے سلمان خان نہیں بلکہ رندیپ ہودا ان کی پہلی پسند تھے لیکن سہیل خان نے انہیں مسترد کر دیا تھا۔
ابھینو کشیپ نے بتایا کہ انہوں نے ارباز خان کو فلم کی کہانی صرف پندرہ منٹ میں سنائی۔ ارباز خود چُلبُل پانڈے کا کردار ادا کرنا چاہتے تھے اور ابھینو کو منانے کی کوشش کی، لیکن ہدایتکار نے محسوس کیا کہ ارباز معاون کردار کے لیے زیادہ موزوں ہوں گے۔ اس پر ارباز نے شرط رکھی کہ اگر وہ فلم پروڈیوس کریں تو وہ اس میں کام کریں گے، اور ابھینو نے اس شرط کو قبول کر لیا۔ اس کے بعد ارباز نے کہا کہ کہانی اپنے بھائی سہیل خان کو بھی سناؤ۔
یہ بھی پڑھیں: اپنی شادی پر سلمان خان سے یہ توقع نہ تھی، اداکارہ بھاگیاشری کا انکشاف
انہوں نے یاد کیا کہ سہیل کو بھی اسکرپٹ پسند آیا اور انہوں نے پوچھا کہ ہیرو کے لیے کس کو کاسٹ کرنا چاہتے ہیں؟ جب ابھینو نے رندیپ ہودا کا نام لیا تو سہیل خان نے جواب دیا ’نہیں یار رندیپ ہودا کا کیا مارکیٹ ہے، کون پیسے لگائے گا؟ کوئی بڑا ہیرو سوچو‘۔
فلمساز کا مزید کہنا تھا کہ انہوں نے سنجے دت اور سنی دیول کے نام لیے اور کہا کہ سلمان خان کی باڈی بھی اچھی ہے اگر وہ یہ ٹَف رول کر پائیں، کیونکہ ان کی ایک ’چِچھورا‘ امیج تھی، یعنی ان کی چھاپ ایک آوارہ قسم کے کردار کی تھی۔
یہ بھی پڑھیں: ’میں 3 بڑی بیماریوں سے لڑ رہا ہوں‘، بالی ووڈ اداکار سلمان خان کے انکشافات
ابھینو کے مطابق جیسے ہی سلمان خان کا نام آیا سہیل اور ارباز دونوں نے کہا کہ اگر سلمان خان کو کہانی پسند آئی تو وہ فلم پروڈیوس کریں گے۔ بعد میں فلم ویر کے سیٹ پر سلمان خان کو کہانی سنائی گئی اور خان برادران نے ابھینو کو سائن کرنے کے لیے دس لاکھ روپے کا چیک دیا۔ انہوں نے مزید بتایا کہ سوناکشی سنہا کی کاسٹنگ ان کا فیصلہ نہیں تھا مگر آخر کار وہ ان کی کارکردگی سے خوش ہوئے۔
ابھینو نے بتایا کہ جب ولن کے کردار پر بات ہوئی تو انہوں نے سونو سود کا نام تجویز کیا۔ ان کا کہنا تھا کہ سونو میرا پرانا دوست تھا، میں نے ہی اسے مَنی رتنم کی فلم یُووا میں کام دلانے میں مدد کی تھی۔ میں چاہتا تھا کہ ولن ایسا ہو جو سلمان سے زیادہ مضبوط دکھے اور سونو کی فزیک اچھی تھی۔ لیکن سلمان کو وہ پسند نہیں آیا۔ وہ سونو کی باڈی دیکھ کر تھوڑا ان سیکیور ہو گیا۔
یہ بھی پڑھیں: ’پارٹنر‘ کی شوٹنگ کے دوران سلمان خان اور گووندا ایک دوسرے سے خوفزدہ کیوں تھے؟ دیپشیکھا ناگپال کا انکشاف
انہوں نے مزید انکشاف کیا کہ اس موقع پر کترینہ کیف نے مدد کی جو ان دنوں سلمان کے قریب تھیں۔ کترینہ نے سونو سود کو کاسٹ کرنے کے حق میں بات کی جس کے بعد سلمان خان بھی مان گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان سوناکشی سنہا سونو سود فلم دبنگ
ایشیا کپ 2025: پاک-بھارت میچ قریب لیکن ٹکٹ فروخت کیوں نہیں ہوسکے؟