کامیڈین بھارتی سنگھ بیٹے کی لیبوبو ڈول کو کیوں جلا دیا؟
اشاعت کی تاریخ: 6th, August 2025 GMT
حالیہ دنوں سوشل میڈیا پر شہرت حاصل کرنے والی گڑیا ’لیبوبو ڈول‘ انٹرنیٹ پر نیا جنون بن چکی ہے۔ دنیا بھر میں مقبول ہونے والی یہ گڑیا اپنی عجیب و غریب شکل اور نوکدار دانتوں کے باعث لوگوں کی توجہ کا مرکز بنی ہوئی ہے۔ اس کی خوفناک صورت کے باوجود کئی شوبز شخصیات اسے فیشن کا حصہ بنا رہی ہیں لیکن کچھ لوگوں نے دعویٰ کیا کہ یہ گڑیا منفی توانائی کو اپنی طرف کھینچتی ہے۔
اداکارہ و کامیڈین بھارتی سنگھ نے بھی اپنے وی لاگ میں ایسا ہی دعویٰ کیا اور کہا کہ ان کے بیٹے کا رویہ لیبوبو ڈول کے آنے کے بعد سے بدل گیا ہے۔ اپنی ویڈیو میں، جب انہوں نے دیکھا کہ ان کا بیٹا گولا بےچین ہے، تو بھارتی نے کہا، ’آج میں تمہاری لیبوبو ڈول جلا دوں گی، جو تمہاری بےچینی اور شرارتی رویے کی وجہ ہے‘۔ اس پر ان کا بیٹا بولا، ’نہیں، براہ کرم، ایسا مت کرو۔ یہ میرا دوست ہے۔‘ بھارتی نے آخرکار اسے قائل کیا کہ گڑیا شیطانی ہے۔ انہوں نے کہا، ’وہ شیطان ہے گولے‘۔ پھر پوچھا، ’کیا ہے وہ؟‘ گولا بولا، ’شیطان‘۔
یہ بھی پڑھیں: بھارتی گلوکار ارجیت سنگھ نے پاکستانی اداکارہ ماہرہ خان سے کس بات پر معافی مانگی؟
گولا کے جواب پر قائل ہو کر بھارتی نے کہا، ‘ہاں، ہم آج اسے جلا دیں گے تاکہ تمہاری شرارتیں بھی ختم ہو جائیں۔‘ پھر انہوں نے ناظرین سے مخاطب ہو کر کہا، ’آج لیبو بو جلنے والا ہے۔ میں نے سنا ہے کہ اسے رکھنا اچھا نہیں ہے‘۔ ایک اور کلپ میں گولا کہتا ہے، ’یہ مجھے مارتا ہے‘۔
بھارتی نے بتایا کہ ’جب سے ہم نے اسے لیبو بو گڑیا دیا ہے، وہ صبر نہیں کر پاتا۔ مسلسل چلانے، چیخنے لگتا ہے اور چیزیں توڑ دیتا ہے۔ اس کے رویے کو دیکھ کر، لوگ مجھے بتاتے رہے کہ اس کی وجہ گڑیا ہے۔ جاسمین بھاسن نے بھی کہا کہ یہ شیطانی ہے۔ میری بہن بھی اس گڑیا سے ڈرتی ہے۔ ایک دن میں گڑیا لے کر اس کے گھر گئی، تو وہ بولی: ’یہ کیوں لے کر آئی؟ یہ لوگوں کے گھر میں منفی توانائی لاتی ہے۔ اس نے اسے بھوت پریت کہا‘۔
یہ بھی پڑھیں: کپل شرما اے آر رحمان کی کال مس کرنے پر پوری رات روتے رہے، کیوں؟
جب بھارتی گڑیا کو جلانے لے جا رہی تھیں تو ہرش نے پوچھا، ’کیا کر رہی ہو؟‘ انہوں نے جواب دیا، ’بس اس کا وجود ختم کر رہی ہوں۔‘ یہ سن کر ہرش حیران ہوئے۔ بھارتی نے ہرش کو سمجھایا، ’جب سے ہم نے یہ گڑیا لی ہے، ہمارا بیٹا بہت شرارتی ہوگیا ہے۔‘ ہرش ہنس پڑے اور کہا، ’تم کیسے اتنا تعصب رکھ سکتی ہو‘۔ بھارتی نے کہا، میرے کئی دوست بھی یہی رائے رکھتے ہیں۔ وہ کہتے ہیں یہ گڑیا شیطانی ہے۔
ہرش نے گڑیا جلانے سے روکنے کی کوشش کی، مگر بھارتی نے ان کی نہیں سنی۔ انہوں نے کہا، ’آج لیبو بو کا خاتمہ ہوگا۔ تم نے اپنا پیسہ ضائع کیا ہے‘ پھر بھارتی نے ماچس کی مدد سے گڑیا جلانے کی کوشش کی مگر ناکام رہیں، جو انہیں خوفزدہ کر گیا۔ کئی کوششوں کے بعد وہ گڑیا کو اخبار میں لپیٹ کر جلا پائیں۔ ہرش نے کہا تم اسے کسی عورت کو دے دیتی جو اسے فیشن کے طور پر استعمال کرتی۔
یاد رہے کہ لیبوبو ڈول چینی کمپنی ’پاپ مارٹ‘ بناتی ہے اور اس کی قیمت 7 ہزار سے 35 ہزار روپے تک ہے، اس ڈول کے جعلی ورژنز بھی دستیاب ہیں۔ ان دنوں یہ سوشل میڈیا پر ٹرینڈ کر رہی ہے جس کی وجہ سے اس کے خریداروں میں نمایاں اضافہ ہورہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی سنگھ لیبوبو ڈول وائرل ویڈیوز.ذریعہ: WE News
کلیدی لفظ: بھارتی سنگھ وائرل ویڈیوز بھارتی نے انہوں نے نے کہا
پڑھیں:
شاہ رخ خان نے شوبز کیریئر کے آغاز میں فلموں میں کام کرنے سے انکار کیوں کیا؟
بالی ووڈ کنگ شاہ رخ خان جو تقریباََ 3 دہائیوں سے بھارتی فلم انڈسٹری پر راج کرتے نظر آ رہے ہیں ان کے بارے میں یہ بات جان کر کئی لوگ حیران ہوں گے کہ اُنہوں نے ابتداء میں فلموں میں کام کرنے سے انکار کر دیا تھا۔
اداکار و پروڈیوسر وویک واسوانی نے حال ہی میں اپنے ایک انٹرویو میں بتایا کہ شاہ رخ خان اپنے شوبز کیریئر کے آغاز میں مالی مشکلات سے گزر رہے تھے، وہ وقت ان کے لیے بہت زیادہ مشکل تھا کیونکہ انہیں اپنی بیمار ماں اور بہن کا خیال بھی رکھنا تھا۔
اُنہوں نے بتایا کہ ایک دن شاہ رخ خان کی مجھے کال آئی کہ ان کی والدہ کی طبیعت بہت زیادہ خراب ہوگئی اور اُنہیں والدہ کے لیے دوائیں خریدنی ہیں تو میں نے اپنے والد سے کچھ پیسے لیے اور دوائیں خرید کر دہلی بھجوا دیں۔
وویک واسوانی نے مزید بتایا کہ دوائیں بھجوانے کے بعد میں خود بھی شاہ رخ کی والدہ کی عیادت کے لیے دہلی گیا مگر وہ طبیعت زیادہ خراب ہونے کی وجہ سے مجھے سے بات نہیں کر سکیں۔
اُنہوں نے بتایا کہ اس مشکل وقت میں پروڈیوسر وکرم ملہوترا نے شاہ رخ خان کو ایک فلم کی پشکش کی جسے اداکار نے یہ کہہ کر ٹھکرا دیا، ’میں فلموں میں کام نہیں کرنا چاہتا‘۔
وویک واسوانی نے بتایا کہ شاہ رخ خان نے مجھ سے کہا کہ میں فلموں میں کام کرنے سے انکار اس لیے کر رہا ہوں کیونکہ گوری خان کو میرا اداکاراؤں کے زیادہ قریب جانا پسند نہیں تو میں صرف ٹی وی ڈراموں میں ہی کام کروں گا۔
اُنہوں نے یہ بھی بتایا کہ انکار کے باوجود بھی وکرم ملہوترا نے شاہ رخ خان کو اپنے ساتھ شوٹنگ پر 3 دن کے لیے شملا چلنے کے لیے راضی کرلیا جہاں ان کی ملاقات کیتن مہتا سے ہوئی۔
وویک واسوانی نے بتایا کہ کیتن مہتا نے شاہ رخ خان کو فلم ’مایا میم صاحب‘ میں کام کرنے کی پیشکش کی جسے اداکار نے اس لیے قبول کرلیا کیونکہ فلم آرٹ پر مبنی تھی اور ٹی وی ڈراموں سے بہت ملتی جلتی تھی۔
واضح رہے کہ شاہ رخ خان نے فلم انڈسٹری میں قدم رکھنے سے پہلے اپنے شوبز کیریئر کا آغاز ٹیلی ویژن سے کیا۔
اُنہوں نے فلموں میں اپنی اداکار کا جادو جگانے سے پہلے فوجی، امید، احمق، واگلے کی دنیا اور سرکس جیسے مشہور ٹیلی ویژن شوز میں کام کیا۔
ملک بھر میں انٹرنیٹ سروسز کیوں متاثر ہیں؟