ملک میں چینی کی بلاتعطل فراہمی نہ ہونے کی وجہ سامنے آ گئی
اشاعت کی تاریخ: 7th, August 2025 GMT
کراچی(اُردو پوائنٹ اخبارتازہ ترین - این این آئی۔ 07 اگست2025ء)ملک میں چینی کی بلا تعطل فراہمی نہ ہونے کی وجہ سامنے آگئی، حکومت اور شوگر ملز مالکان کے درمیان معاہدیکے باعث چینی ذخیرہ کی گئی۔
(جاری ہے)
ذرائع کے مطابق گزشتہ ماہ حکومت اور شوگرملز مالکان کے درمیاں چینی کی قیمت کا فارمولا طے پایا تھا معاہدے کے تحت جولائی کیلئے چینی کی ایکس ملز قیمت ایک 165 روپے فی کلوگرام مقرر کی گئی۔
ہر ماہ چینی کی ایکس مل قیمت میں دو روپے فی کلو اضافے پر بھی اتفاق ہوا تھا۔ معاہدے کے تحت اگلے تین ماہ میں چینی کی ایکس مل قیمت 171 روپے فی کلو تک ہونی ہے۔ ذرائع کے مطابق قیمتوں میں طے شدہ اضافے کے پیش نظر چینی کی سپلائی محدود ہو رہی ہے۔حکومت چھاپوں اور جرمانوں کے باجود چینی کی سپلائی اور قیمت کو معمول پر لانے میں ناکام ہے۔.ذریعہ: UrduPoint
کلیدی لفظ: تلاش کیجئے چینی کی
پڑھیں:
نیویارک کے صرف ساڑھے 9 فٹ چوڑے گھر کی حیران کن قیمت سامنے آگئی
data-id="863a0a8" data-element_type="widget" data-widget_type="theme-post-content.default">
امریکی شہر نیویارک کی گہما گہمی اور بلند عمارتوں کے درمیان ایک ایسا گھر بھی موجود ہے جو اپنی انوکھی ساخت اور غیرمعمولی قیمت کے باعث عالمی توجہ کا مرکز بن گیا ہے۔
بین الاقوامی خبر رساں اداروں کے مطابق صرف ساڑھے 9 فٹ چوڑا یہ گھر دیکھنے میں جتنا تنگ دکھائی دیتا ہے، اندر سے اتنا ہی کشادہ، روشن اور خوبصورت ہے۔ اس منفرد مکان کو ’’مایلے ہاؤس‘‘ کے نام سے جانا جاتا ہے اور یہ تاریخی بیڈ فورڈ اسٹریٹ پر واقع ہے، جہاں کبھی ہالی وڈ کے مشہور اداکاروں کا آنا جانا رہتا تھا۔
یہ گھر 152 سال پرانا ہے اور اب اسے نیویارک کی جائیداد مارکیٹ میں 41 لاکھ 90 ہزار امریکی ڈالرز یعنی ایک ارب 18 کروڑ پاکستانی روپے سے زائد میں فروخت کے لیے پیش کیا گیا ہے۔ اتنی قیمتی اور نایاب پراپرٹی ہونے کے باعث اس گھر کی شہرت نہ صرف نیویارک بلکہ دنیا بھر میں پھیل چکی ہے۔
مایلے ہاؤس کا طرزِ تعمیر منفرد ڈچ انداز میں ہے۔ 3 منزلوں پر مشتمل یہ گھر دیکھنے والوں کو اپنی خوبصورتی اور فن تعمیر کے حسین امتزاج سے متاثر کرتا ہے۔ گھر کے عقب میں ایک چھوٹا مگر دلکش باغ موجود ہے، جو شہری شور سے دور ایک پرسکون گوشہ فراہم کرتا ہے۔
اسی طرح اندر داخل ہوں تو فرش سے لے کر چھت تک نصب شیشے کے فرنچ دروازے اور متعدد کھڑکیاں روشنی کا خوبصورت منظر پیش کرتی ہیں۔
اس کے اندر 3 کشادہ بیڈروم، 2 خوبصورت باتھ رومز اور 4 آتش دان نصب ہیں جو سرد موسم میں گھر کو آرام دہ بناتے ہیں۔ اگرچہ گھر کی چوڑائی صرف ساڑھے 9 فٹ ہے، مگر ڈیزائن اس طرح تیار کیا گیا ہے کہ جگہ کی کمی محسوس نہیں ہوتی۔ اس کی کشادگی اور اندرونی آرائش دیکھنے والے کو حیرت میں ڈال دیتی ہے۔
دلچسپ بات یہ ہے کہ یہ مکان سیاحوں کے لیے بھی ایک کشش بن چکا ہے۔ روزانہ درجنوں لوگ اس کے سامنے تصاویر کھنچوانے کے لیے آتے ہیں، گویا یہ نیویارک کی ایک علامتی پہچان بن چکا ہو۔
اس منفرد جائیداد کو 2023 میں ایک امریکی ڈاکٹر نے 34 لاکھ ڈالرز میں خریدا تھا اور بتایا جاتا ہے کہ ان کی بیٹی یہاں اکثر وقت گزارتی تھی۔ اب محض ایک سال بعد اس گھر کی قیمت میں تقریباً 8 لاکھ ڈالرز کا اضافہ ہوچکا ہے، جو نیویارک کی پراپرٹی مارکیٹ کی تیزی کا واضح ثبوت ہے۔
اوگرا نے ایل پی جی کی قیمت میں کمی کردی، گھریلو سلنڈر 69 روپے 44 پیسے سستا ہوگیا