فولڈ ایبل آئی فون 17 ایئر کب لانچ ہوگا، خصوصیات کیا ہیں؟
اشاعت کی تاریخ: 7th, August 2025 GMT
ایپل جلد اپنی نئی سیریز ’iPhone 17‘ متعارف کرانے جا رہا ہے، جس میں ایک خاص ماڈل آئی فون 17 ایئر کی بازگشت زوروں پر ہے، یہ ماڈل ایپل کی تاریخ کا سب سے پتلا اسمارٹ فون ہوسکتا ہے، جس کی موٹائی محض 5.5 ملی میٹر جبکہ اس کا ڈسپلے 6.6 انچ کا ہوگا۔
یہ بھی پڑھیں: ایپل صارفین کے لیے گوگل کا نیا فیچر، اہم سہولت دیدی
ماہرین کے مطابق ایپل کا یہ پتلا ڈیزائن مارکیٹنگ حکمت عملی کا حصہ ہوسکتا ہے، کیونکہ یہ خصوصیت صارفین کی مانگ کے بجائے برانڈ کی پہچان کو بڑھانے کے لیے اپنائی گئی ہے۔ تجزیہ کاروں کا کہنا ہے کہ ایپل اس فون کی مدد سے قیمتوں میں اضافہ کرتے ہوئے مصنوعی ذہانت (اے آئی) کی سست پیشرفت سے توجہ ہٹانے کی کوشش کرسکتا ہے۔
رپورٹس کے مطابق آئی فون ایپل کے مستقبل کے فولڈایبل اسمارٹ فون کی بنیاد رکھ سکتا ہے، جس کے بارے میں کہا جا رہا ہے کہ 2026 تک متعارف کروایا جائے گا، اور اس کی ممکنہ قیمت 2 ہزار امریکی ڈالر تک ہو سکتی ہے۔
یہ بھی پڑھیں: ایپل کا امریکا میں 100 ارب ڈالر کی سرمایہ کاری کا اعلان
دوسری جانب سام سنگ کی جانب سے فولڈایبل ٹیکنالوجی میں مسلسل جدت کا سلسلہ جاری ہے۔ حال ہی میں کمپنی نے گیلیکسی زیڈ فولڈ 7 اور S25 ایج متعارف کرائے، اور اب گیلیکسی جی فولڈ کے نام سے ایک ٹرائی فولڈ ڈیوائس کی جھلک بھی پیش کی جاچکی ہے، جو ممکنہ طور پر 2025 کے اختتام تک لانچ کی جائے گی۔
ماہرین کا ماننا ہے کہ اگرچہ ایپل اس میدان میں تاخیر سے قدم رکھ رہا ہے، تاہم جس طرح اس کے پہلے آئی فون اور ایپل واچ نے ٹیکنالوجی کی دنیا میں تہلکہ مچایا، ویسے ہی اس کا فولڈ ایبل فون بھی انٹرنیٹ پر دھوم مچا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی فون آئی فون 17 ایئر ایپل.ذریعہ: WE News
کلیدی لفظ: ا ئی فون ا ئی فون 17 ایئر ایپل ا ئی فون
پڑھیں:
صدر زرداری کو جے ایف تھنڈر 17 میں چینی تعاون پر بریفنگ: کاشغر فری ٹریڈ زون کا دورہ
اسلام آباد (نمائندہ خصوصی) صدر مملکت زرداری نے کاشغر کی تاریخی عیدگاہ مسجد کا دورہ کیا جو خطے کے مشہور مذہبی اور ثقافتی مقامات میں سے ایک ہے۔ صدر کا یہ دورہ پاکستان اور چین کے درمیان ثقافتی افہام و تفہیم کو فروغ دینے اور دوطرفہ تعلقات کو مضبوط بنانے میں بڑھتے ہوئے تعاون کی عکاسی کرتا ہے۔ کاشغر کی کمیونسٹ پارٹی کے سیکرٹری یاؤننگ اور امام میمتی جوبن نے صدر کا مسجد پہنچنے پر پرتپاک استقبال کیا اور مسجد کا دورہ کرایا۔ صدر کو مسجد کی تاریخی اہمیت اور ورثے پر بریفنگ بھی دی گئی۔ صدر نے عصر کی نماز ادا کی اور مسجد کے شاندار فنِ تعمیر کو سراہا۔ علاوہ ازیں سیرین ایئر کے مالک اور سی ای او ڈاکٹر یونچون یانگ نے کاشغر میں ملاقات کی اور انہیں پاکستان میں آپریشنز کے لیے ایئر لائن کے مستقبل کے منصوبوں سے آگاہ کیا۔ صدر مملکت نے کہا کہ سیرین ایئر کو اپنے بیڑے میں طیاروں کی تعداد میں اضافہ کرنا چاہیے تاکہ ایئر لائن کے نیٹ ورک اور رابطے کو مضبوط کیا جا سکے۔ انہوں نے صدر مملکت کو پاکستان میں سیرین ایئر کے آپریشنز میں مزید سرمایہ کاری کرنے کے اپنے عزم کا یقین دلایا۔ ڈاکٹر یانگ نے جے ایف 17 ایویونکس پر پاک فضائیہ کے ساتھ کمپنی کے اشتراکی منصوبوں پر بھی روشنی ڈالی۔ دوسری جانب کاشغر فری ٹریڈ زون کا دورہ کیا ،صدر کا استقبال کاشغر کے کمیونسٹ پارٹی سیکرٹری یاو ننگ نے کیا، صدر کو زون کے قیام اور ترقی کے بارے میں بریفنگ دی گئی۔ صدر نے وسط ایشیائی ممالک، یورپ، جنوبی کوریا اور جاپان کے سٹالز کا معائنہ کیا۔ صدر کو ڈیجیٹل ٹریڈ سینٹر اور ای کامرس نمائش گاہ کے بارے میں آگاہ کیا گیا۔ زرداری نے کاشغر یونیورسٹی کا دورہ کیا، صدر کا استقبال پارٹی سیکرٹری ڈنگ بانگ وین اور طلباء و اساتذہ نے کیا ،کاشغر کے پارٹی سیکرٹری یاو ننگ بھی اس موقع پر موجود تھے۔ صدر کو سی پیک سینٹر کے بارے میں بھی بریفنگ دی گئی، صدر نے پاکستانی طلباء سے ملاقات کی اور ان کے تعلیمی و رہائشی حالات دریافت کیے۔ طلباء نے بتایا کہ تعلیم، ہاسٹل اور وظیفہ مکمل طور پر چینی حکومت فراہم کرتی ہے۔ صدر نے طلباء پر زور دیا کہ وہ محنت سے پڑھیں اور پاک چین دوستی کو مزید مضبوط کریں۔
وزیراعلیٰ خیبرپختونخوا علی امین گنڈاپور اپنے ہی ساتھیوں پر برس پڑے