دنیا کے سب سے طویل معلق پل کی اٹلی میں تعمیر کا آغاز، مکمل کب ہوگا؟
اشاعت کی تاریخ: 7th, August 2025 GMT
اٹلی نے بالآخر دنیا کے سب سے طویل لٹکنے والے (معلق) پل کی تعمیر کی منظوری دے دی ہے، جس کا مقصد ملک کے مرکزی حصے کو جزیرہ سسلی سے جوڑنا ہے۔ 13.5 ارب یورو (تقریباً 15.6 ارب امریکی ڈالر) لاگت کا یہ منصوبہ کئی برسوں سے تاخیر اور تنازعات کا شکار رہا ہے۔
عالمی خبر رساں ادارے کے مطابق اطالوی حکومت نے اس عظیم الشان بنیادی ڈھانچے (انفراسٹرکچر) کے منصوبے کی منظوری دے دی ہے، جس کے بعد اب ابتدائی کام رواں سال ستمبر کے آخر یا اکتوبر کے آغاز میں شروع کردیا جائے گا، جبکہ باقاعدہ تعمیر اگلے سال متوقع ہے۔
یہ بھی پڑھیں: جارجیا میں ’ڈائمنڈ برج‘ کھول دیا گیا
یہ منصوبہ کئی دہائیوں سے سیاسی، ماحولیاتی اور سیکیورٹی خدشات کی بنا پر رکا ہوا تھا۔ ماہرین کو زلزلے، ماحولیاتی تباہی اور جرائم پیشہ تنظیموں (مافیا) کے ممکنہ کردار پر تحفظات تھے۔
تاہم اطالوی وزیر برائے نقل و حمل ماتیو سالوینی نے منصوبے کی منظوری کے بعد اس پل کو مغربی دنیا کا سب سے بڑا بنیادی ڈھانچے کا منصوبہ قرار دیا۔ ان کا کہنا تھا کہ ’تکنیکی لحاظ سے یہ ایک نہایت دلکش انجینئرنگ کا منصوبہ ہے۔ ‘
اٹلی کی وزیراعظم جیورجیا میلونی نے بھی پل کو عالمی سطح پر انجینئرنگ کی اعلیٰ مثال قرار دیا اور کہا کہ یہ اٹلی کی ترقی اور جدیدیت کی نشانی ہوگا۔
یہ بھی پڑھیں: چین نے دریائے برہما پتر پر میگا ڈیم کی تعمیر شروع کر دی، بھارت پریشانی کا شکار
انہوں نے کہا کہ یہ منصوبہ نہ صرف نقل و حمل کے نظام کو بہتر بنائے گا بلکہ جنوبی اٹلی میں سالانہ ایک لاکھ 20 ہزار ملازمتیں بھی پیدا کرے گا۔ اس کے ساتھ ساتھ سڑکوں اور دیگر بنیادی سہولیات کی بہتری کے لیے بھی اربوں یورو کی سرمایہ کاری کی جائے گی۔
یہ پل میسینا کی کھاڑی پر تعمیر کیا جائے گا، اس کی تکمیل 2032 سے 2033 کے درمیان متوقع ہے۔ مکمل ہونے پر یہ دنیا کا سب سے طویل لٹکنے والا پل ہوگا، جو تعمیراتی دنیا میں ایک نیا باب رقم کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اٹلی انفراسٹریکچر جیورجیا میلونی سسلی ماتیو سالوینی معلق پل وزیراعظم.ذریعہ: WE News
کلیدی لفظ: اٹلی انفراسٹریکچر جیورجیا میلونی سسلی معلق پل
پڑھیں:
نیو حب کینال منصوبہ مقررہ وقت سے پہلے مکمل، افتتاح کی تاریخ بھی سامنے آگئی
کراچی کی پانی کی ضروریات پوری کرنے کے لیے تعمیر کیا جانے والا اہم اور طویل المدتی منصوبہ نیو حب کینال مقررہ وقت سے قبل مکمل کرلیا گیا ہے، جسے شہر کے لیے ایک بڑی کامیابی اور تاریخی پیش رفت قرار دیا جا رہا ہے۔ یہ گزشتہ بائیس برسوں میں کراچی میں پانی کی فراہمی کا پہلا بڑا منصوبہ ہے۔
افتتاح سے قبل میئر کراچی بیرسٹر مرتضیٰ وہاب نے واٹر کارپوریشن کے افسران اور ماہرین کے ہمراہ نیو حب کینال کا تفصیلی دورہ کیا، مختلف سیکشنز کا معائنہ کیا، اور تکنیکی امور کا جائزہ لیا۔ اس موقع پر واٹر کارپوریشن کے اعلیٰ حکام، کنسلٹنٹس اور منصوبے کی انجینئرنگ ٹیم بھی موجود تھی۔ ماہرین نے منصوبے کو مکمل طور پر فعال اور محفوظ قرار دے دیا۔
میئر کراچی نے میڈیا سے گفتگو کرتے ہوئے سوشل میڈیا پر وائرل ہونے والی غیر مصدقہ ویڈیوز اور تصاویر کو من گھڑت اور گمراہ کن قرار دیا۔
ان کا کہنا تھا کہ یہ ویڈیوز دراصل واٹر کارپوریشن نے خود منصوبے کے مختلف مراحل کی دستاویزی ریکارڈنگ کے لیے بنائی تھیں۔ ’اگر کام میں واقعی کوئی خرابی ہوتی تو کیا ہم خود اس کی ویڈیو بناتے؟‘
مرتضیٰ وہاب نے کہاکہ منصوبے کی ویڈیو پرانی ہے اور افتتاح سے قبل ہر منصوبے میں ٹیسٹنگ کا عمل معمول کا حصہ ہوتا ہے تاکہ کسی ممکنہ خرابی کی بروقت اصلاح کی جا سکے۔
ان کے مطابق نیو حب کینال کی ٹیسٹنگ مرحلہ وار اور تکنیکی بنیادوں پر کی جا رہی ہے۔ ’ہم دو دو کلومیٹر کے سیکشن بنا کر پانی چھوڑتے ہیں تاکہ ہر پہلو سے نظام کی فعالیت کو جانچا جا سکے۔‘
انہوں نے مزید کہا کہ 13 اگست کو منصوبے کا افتتاح ہر صورت کیا جائے گا اور یہ کراچی کے شہریوں کے لیے پانی کی فراہمی کا ایک مستحکم ذریعہ ثابت ہوگا۔
دوسری جانب پراجیکٹ کنسلٹنٹ نے بھی سوشل میڈیا پر وائرل ویڈیو کو تقریباً 25 دن پرانا قرار دیتے ہوئے واضح کیا کہ اس کا موجودہ صورتحال سے کوئی تعلق نہیں۔ ان کے مطابق پرانی کینال میں جو شگاف دکھائے گئے وہ جان بوجھ کر کیے گئے تھے تاکہ تجرباتی بنیادوں پر پانی چھوڑ کر نظام کی کارکردگی کا اندازہ لگایا جا سکے۔
واٹر کارپوریشن کے سینیئر انجینیئر ڈاکٹر رافع صدیقی نے کہاکہ نیو حب کینال کراچی کی پانی کی ضروریات کو پورا کرنے میں نمایاں کردار ادا کرے گا۔ انہوں نے شہریوں سے اپیل کی کہ افواہوں پر یقین نہ کریں اور شہر کی ترقی میں اداروں کا ساتھ دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افتتاح پانی کی ضروریات تاریخ سامنے آگئی منصوبہ مکمل نیو حب کینال وی نیوز
پاک بحریہ کے پی این ایس شمشیر کی امریکی بحری جہاز کے ساتھ مشترکہ مشق