گوادر میں صوبائی اور وفاقی محکموں کو زمینوں کی الاٹمنٹ کی تفصیلات سامنے آگئیں
اشاعت کی تاریخ: 8th, August 2025 GMT
بلوچستان کے ضلع گوادر میں صوبائی اور وفاقی محکموں کو زمینوں کی الاٹمنٹ کی تفصیلات سامنے آگئیں۔
بلوچستان کے محکمہ ریونیو کی جانب سے صوبائی اسمبلی میں جمع کرائی گئی تفصیلات جیو نیوز کو موصول ہوگئیں جس کے مطابق ضلع گوادر میں 56613 ایکٹر اراضی صوبائی اور وفاقی محکموں کو الاٹ کی گئی۔
تحصیل گوادر میں 17542 ایکٹر، تحصیل پسنی میں 1675 ایکٹر اراضی الاٹ کی گئی، دستاویزات کے مطابق تحصیل جیوانی میں 4876 ایکٹر، تحصیل اورماڑہ میں 31014 ایکٹر اور گوادر کی تحصیل سنٹسر میں 1505 ایکٹر زمین صوبائی اور وفاقی محکموں اور اداروں کو دی گئی۔
دستاویزات کے مطابق گوادر میں انڈسٹریل اسٹیٹ اور ایکسپورٹ پروسیسنگ زون کو 4000 ایکٹر اراضی الاٹ کی گئی۔
گوادر میں پنجاب، سندھ اور کے پی کے ہاؤسز بنانے کیلئے بھی زمین الاٹ کی گئیْ
اس کے علاوہ گوادر میں ہی ایک نجی ہاؤسنگ اسکیم کو 2700 ایکٹر اراضی کی الاٹمنٹ کی گئی۔
.ذریعہ: Jang News
کلیدی لفظ: صوبائی اور وفاقی محکموں ایکٹر اراضی الاٹ کی گئی گوادر میں
پڑھیں:
لاہور، صوبائی وزیر لیبر سے کامیاب مذاکرات کے بعد اساتذہ کا دھرنا ختم
لاہور:پنجاب کے اساتذہ کے احتجاجی دھرنے کے خاتمے کے بعد، صوبائی وزیر لیبر منشاء اللہ بٹ نے سول سکرٹریٹ میں اساتذہ و ملازمین کے نمائندگان سے مذاکرات کیے۔
وزیر اعلی پنجاب مریم نواز اور سینئر صوبائی وزیر مریم اورنگزیب کی ہدایت پر ہونے والے مذاکرات میں صوبائی وزیر نے اساتذہ کے مسائل حل کرنے کی یقین دہانی کرائی جس کے بعد دھرنا ختم کر دیا گیا۔
صوبائی وزیر منشاء اللہ بٹ نے اساتذہ سے کہا کہ ان کے مسائل ترجیحی بنیادوں پر حل کیے جائیں گے اور اس سلسلے میں کل اساتذہ کے نمائندگان ان سے ان کے دفتر میں ملاقات کریں گے۔
وزیر لیبر نے کہا کہ پنجاب حکومت ہمیشہ ملازمین کے مسائل کو اہمیت دیتی ہے اور ان کے حل کے لیے ہر ممکن کوشش کی جائے گی۔
اساتذہ نے وزیر لیبر کی آمد پر ان کا خیرمقدم کیا اور یقین دہانی پر دھرنا ختم کر دیا۔
رینجرز نے لیاری گینگ کے مطلوب کارندے کو گرفتار کرلیا