ن لیگی ایم پی اے چوہدری نعیم اعجاز کے گھر سی سی ڈی کا چھاپہ، 5 کروڑ روپے لے جانے کا الزام
اشاعت کی تاریخ: 8th, August 2025 GMT
پاکستان مسلم لیگ (ن) کے رکنِ صوبائی اسمبلی چوہدری نعیم اعجاز کے گھر گزشتہ رات سی سی ڈی پولیس نے چھاپہ مارا، جس پر انہوں نے سنگین الزامات عائد کیے ہیں۔
نجی ٹی وی کی رپورٹ کے مطابق چھاپے کے وقت چوہدری نعیم اعجاز اپنے اہلخانہ کے ہمراہ گھر سے باہر موجود تھے۔ ان کا کہنا ہے کہ سی سی ڈی اہلکاروں نے گھر میں داخل ہو کر نہ صرف توڑ پھوڑ کی، بلکہ مبینہ طور پر 5 کروڑ روپے کی نقد رقم بھی لے گئے۔
چوہدری نعیم نے مزید دعویٰ کیا کہ اہلکاروں نے گھر میں موجود تین ملازمین کو حراست میں لے لیا، جبکہ لوٹ مار اور بدسلوکی کا بھی الزام لگایا۔
رکن اسمبلی نے وضاحت دیتے ہوئے کہا کہ ان کا پراپرٹی کا کاروبار ہے اور وہ زمینوں کی خرید و فروخت کرتے ہیں۔ انہوں نے چھاپے سے متعلق تمام تفصیلات پولیس اسٹیشن میں رپورٹ کی صورت میں جمع کرا دی ہیں۔
واقعے پر تاحال سی سی ڈی یا متعلقہ اداروں کی جانب سے کوئی سرکاری بیان سامنے نہیں آیا۔
Post Views: 6.
ذریعہ: Daily Mumtaz
کلیدی لفظ: چوہدری نعیم سی سی ڈی
پڑھیں:
بلوچستان کے نظام میں انصاف کی کمی، تبدیلی لانا ضروری ہے، حافظ نعیم الرحمان
کوئٹہ میں تقریب سے خطاب کرتے ہوئے حافظ نعیم الرحمان نے کہا کہ ہم ٹیکس دیتے ہیں، اور حکومت کی ذمہ داری ہے کہ ہمیں تعلیم فراہم کرے۔ اسلام ٹائمز۔ جماعت اسلامی کے مرکزی امیر حافظ نعیم الرحمان نے کہا ہے کہ جو لوگ عوام کو تقسیم کرتے ہیں، اب وقت آ گیا ہے کہ ان کے خلاف اٹھ کھڑے ہوں۔ کوئٹہ میں منعقدہ تقریب سے خطاب کرتے ہوئے حافظ نعیم الرحمان نے بلوچستان کی ترقی اور نوجوانوں کے مستقبل پر بات کی اور کہا کہ بلوچستان کو اللہ تعالیٰ نے بے شمار وسائل سے نوازا ہے، لیکن یہاں انصاف کا نظام خراب ہے، جسے تبدیل کرنے کی ضرورت ہے۔ حافظ نعیم الرحمان نے بلوچستان کے نوجوانوں کو مخاطب کرتے ہوئے کہا کہ اگر نوجوان تعلیم حاصل کریں تو وہ نہ صرف اپنے علاقے کے لیے بلکہ پورے ملک کے لیے ایک اہم اثاثہ بن سکتے ہیں۔ ان کا کہنا تھا کہ ہمیں آج بلوچستان کا روشن مستقبل نظر آ رہا ہے اور یہ تعلیم ہی ہے جو نوجوانوں کو آگے بڑھنے میں مدد دے سکتی ہے۔ انہوں نے نوجوانوں سے کہا کہ وہ اپنی تعلیم کو اپنے علاقے کی ترقی کی بنیاد بنائیں۔
امیر جماعت اسلامی نے کہا کہ بلوچستان میں موجودہ نظام میں انصاف کی کمی ہے اور اس میں تبدیلی لانا ضروری ہے۔ انہوں نے کہا کہ جب تک ہم اس نظام کو نہیں بدلیں گے، ہمیں اپنے مسائل کا حل نہیں ملے گا۔ انہوں نے مزید کہا کہ جماعت اسلامی بلوچستان کے عوام کے حقوق کے لیے آواز اٹھائے گی اور اس علاقے کی ترقی کے لیے جدوجہد کرے گی۔ انہوں نے بلوچستان میں تعلیم کے شعبے کی حالت پر تشویش کا اظہار کرتے ہوئے کہا کہ بلوچستان کے تقریباً 45 فیصد بچے اسکولوں سے باہر ہیں۔ انہوں نے حکومت کی ذمہ داری پر زور دیتے ہوئے کہا کہ حکومت کو معیاری اور مفت تعلیم فراہم کرنا چاہیے، کیونکہ تعلیم تجارت نہیں ہونی چاہیے۔ امیر جماعت اسلامی نے اعلان کیا کہ جماعت اسلامی اپنے پروگرام کے تحت بلوچستان کے نوجوانوں کے لیے مفت کورسز فراہم کرے گی تاکہ وہ تعلیمی میدان میں اپنی صلاحیتوں کو اجاگر کر سکیں۔
انہوں نے کہا کہ وفاق اور چاروں صوبوں کی حکومتیں ہر سال 2 ہزار ارب روپے سے زائد رقم تعلیم کے شعبے پر خرچ نہیں کرتی ہیں، جو کہ ملک کے مستقبل کے لیے ایک سنگین مسئلہ ہے۔ انہوں نے مزید کہا کہ ہم ٹیکس دیتے ہیں، اور حکومت کی ذمہ داری ہے کہ ہمیں تعلیم فراہم کرے۔ ان کا کہنا تھا کہ حکومت نوجوانوں کو آئی ٹی پروگرامز میں سہولتیں فراہم کرے تو اس سے پاکستان کی برآمدات میں اضافہ ہو سکتا ہے۔ انہوں نے بلوچستان کے نوجوانوں کی صلاحیتوں کو سراہا اور کہا کہ بلوچستان کے نوجوان انتہائی باصلاحیت ہیں اور وہ پورے ملک کی ترقی میں اہم کردار ادا کر سکتے ہیں۔ انہوں نے مزید کہا کہ اگرچہ ہم جتنے بھی دکھوں اور مشکلات کا سامنا کر رہے ہیں، ہم ہمیشہ پاکستان کے ساتھ کھڑے ہیں۔
انہوں نے جماعت اسلامی کی آئندہ سیاسی سرگرمیوں کا ذکر کرتے ہوئے کہا کہ 21 سے 23 ستمبر کو لاہور کے مینار پاکستان پر ایک بڑا اجتماع منعقد کیا جائے گا۔ اس اجتماع کا مقصد عوامی مسائل کو اجاگر کرنا اور جماعت اسلامی کی عوامی حمایت کو مزید مستحکم کرنا ہے۔ انہوں نے اس موقع پر کہا کہ ہماری عوام ایک ہیں، لیکن کچھ عناصر انہیں ایک دوسرے سے دور کرتے ہیں۔ انہوں نے کہا کہ 78 سال کے دوران حکمرانوں نے ملک کی ترقی کے لیے کچھ نہیں کیا۔ تاہم جماعت اسلامی کا ماننا ہے کہ نوجوانوں کی محنت اور تعلیمی ترقی کے ذریعے پاکستان کو آگے بڑھایا جا سکتا ہے۔
سعودی ولی عہد کی دعوت پر وزیر اعظم شہباز شریف سرکاری دورے پر ریاض روانہ