کراچی میں یوم آزادی کی رنگا رنگ تقریبات، ایکسپو سینٹر میں معرکہ حق مشاعرہ
اشاعت کی تاریخ: 9th, August 2025 GMT
وزیر بلدیات سندھ سعید غنی نے بتایا ہے کہ 12 اگست کو ایکسپو سینٹر میں “معرکہ حق” کے موضوع پر مشاعرے کا انعقاد ہوگا، جہاں شہری جشن آزادی کی خوشیاں بھرپور انداز میں منائیں گے۔ نیشنل اسٹیڈیم میں خواتین اور فیملیز کے لیے الگ انکلوژر کا بھی انتظام کیا گیا ہے تاکہ ہر عمر کے لوگ آرام دہ ماحول میں شرکت کرسکیں۔
کراچی میں پریس کانفرنس میں وزیر بلدیات نے شہریوں پر زور دیا کہ وہ جشن آزادی کی تقریبات میں بھرپور حصہ لیں اور اس تاریخی موقع کو جوش و خروش سے منائیں۔ انہوں نے کہا کہ 13 اگست کو نیشنل اسٹیڈیم میں سب سے بڑا ایونٹ ہوگا جس میں مختلف ثقافتی اور تفریحی پروگرام شامل ہوں گے۔
مزید پڑھیں: معرکہ حق میں بھارت کو شکست کے بعد 14 اگست کی اہمیت میں اضافہ ہوگیا، عظمیٰ بخاری
سعید غنی نے ماضی کے مشاعروں کو یاد کرتے ہوئے کہا کہ کراچی ہمیشہ سے مشاعروں کا شہر رہا ہے اور یہ مشاعرہ بھی تاریخ رقم کرے گا۔ انہوں نے حیدرآباد میں رانی باغ میں ہونے والے پروگرام کی تعریف کی اور کہا کہ یہ پاکستان کی تاریخ کے بڑے کنسرٹس میں شمار ہوگا۔
وزیر بلدیات سندھ نے کہا کہ سندھ کے شہری جشن آزادی کی تقریبات میں بھرپور شرکت کر رہے ہیں اور 12 اگست کو مزار قائد پر رات میں لیزر لائٹ شو کا بھی انعقاد کیا جائے گا۔ اسی دوران فریئر ہال میں 3 روزہ فیملی فیسٹیول بھی جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعید غنی کراچی معرکہ حق یومِ آزادی.ذریعہ: WE News
کلیدی لفظ: کراچی معرکہ حق یوم آزادی معرکہ حق آزادی کی کہا کہ
پڑھیں:
وزیراعلیٰ سندھ کی خصوصی بچوں کے ساتھ ’معرکہ حق‘ تقریبات میں شرکت، اتحاد و شمولیت کا پیغام
وزیراعلیٰ سندھ سید مراد علی شاہ نے 78ویں یومِ آزادی کے موقع پر خصوصی بچوں کے ساتھ 2 اہم تقریبات میں شرکت کی، جو “معرکہ حق” کے عنوان سے قائداعظم ہاؤس میوزیم اور مزارِ قائد پر منعقد ہوئیں۔ ان تقریبات کا مقصد شمولیت، قومی وحدت اور آزادی کی قدر کو اجاگر کرنا تھا۔
تقریب کا آغاز قائداعظم میوزیم میں ہوا جہاں مختلف اداروں سے تعلق رکھنے والے خصوصی بچوں نے ملی نغمے پیش کیے، پرچم کشائی کی اور چاروں صوبوں کی ثقافت کو اجاگر کرنے والے رنگا رنگ پروگراموں میں حصہ لیا۔ وزیراعلیٰ نے بچوں کے ساتھ اسٹیج پر نغمے گائے، کیک کاٹا اور انہیں بھرپور داد دی۔
وزیراعلیٰ نے کہا کہ “یہ خصوصی بچے ہماری تقریبات کی جان ہیں، ان کی خوشی، امید اور توانائی پورے معاشرے کو روشنی فراہم کرتی ہے۔” انہوں نے حکومت کے عزم کا اعادہ کیا کہ خصوصی تعلیم اور بحالی کے مراکز کو ہر ضلع میں وسعت دی جائے گی، اور ان بچوں کے لیے فنی تربیتی پروگرام مزید بہتر بنائے جائیں گے۔
مزید پڑھیں: پیپلز پارٹی ہمیشہ حکومت اور مسلح افواج کے شانہ بشانہ کھڑی رہی ہے، مراد علی شاہ
بعد ازاں، وزیراعلیٰ سندھ اپنی کابینہ کے اراکین اور خصوصی بچوں کے ساتھ مزارِ قائد پر پہنچے جہاں انہوں نے پھولوں کی چادر چڑھائی، ملی نغمے سنے اور ملک کی سلامتی کے لیے دعا کی۔ ایک جذباتی لمحے میں، وزیراعلیٰ نے ایک بچی کو اپنے ساتھ اسٹیج پر کھڑا کر کے یکجہتی کا پیغام دیا۔
انہوں نے تقریب سے خطاب کرتے ہوئے کہا کہ ہم نے مئی میں بھارتی جارحیت کا بھرپور جواب دیا اور پاکستان نے شاندار کامیابی حاصل کی۔ قوم کو افواج پاکستان پر فخر ہے۔
وزیراعلیٰ نے اعلان کیا کہ 13 اگست کی رات نیشنل اسٹیڈیم کراچی میں یومِ آزادی کی خصوصی تقریب ہوگی جس میں خصوصی افراد کے لیے سہولتیں اور خوشگوار ماحول فراہم کیا جائے گا۔
صوبائی وزیر ثقافت سید ذوالفقار علی شاہ نے بچوں کی کارکردگی کی تعریف کرتے ہوئے کہا کہ یہ بچے ملک سے محبت کا سچا عکس ہیں، ان کی شرکت ہماری تقریبات کو بامعنی بناتی ہے۔ تقریبات کا اختتام ملی نغموں، تالیوں اور جوش و خروش کے نعروں کے ساتھ ہوا، جو ایک زیادہ شمولیتی، ہم آہنگ اور متحد پاکستان کے عزم کی عکاسی کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سید مراد علی شاہ قائداعظم ہاؤس میوزیم مزار قائد معرکہ حق وزیراعلیٰ سندھ
بی جے پی کی ہدایت پر لاکھوں ووٹروں کو ووٹ دینے کے حق سے محروم کیا جارہا ہے، پرینکا چترویدی