کس صوبے میں سب سے زیادہ گدھے؟ زراعت شماری کی تفصیلات جاری
اشاعت کی تاریخ: 10th, August 2025 GMT
اسلام آباد (نیوز ڈیسک) حکومت کی تازہ ترین زراعت شماری 2024 میں ملک کے مختلف صوبوں میں گدھوں کی تعداد کا انکشاف ہوا ہے، اور اعداد و شمار کے مطابق پنجاب سب سے آگے ہے۔
رپورٹ کے مطابق پنجاب میں گدھوں کی تعداد 24 لاکھ تین ہزار تک پہنچ چکی ہے، جو باقی تمام صوبوں سے واضح فرق کے ساتھ سب سے زیادہ ہے۔ اگر تقابل کیا جائے تو پنجاب میں بلوچستان سے سترہ لاکھ 73 ہزار، خیبر پختونخوا سے سولہ لاکھ 21 ہزار اور سندھ سے تیرہ لاکھ 22 ہزار زیادہ گدھے موجود ہیں۔
اعداد و شمار کے مطابق سندھ دس لاکھ 81 ہزار گدھوں کے ساتھ دوسرے نمبر پر ہے، جبکہ خیبر پختونخوا سات لاکھ 82 ہزار کے ساتھ تیسرے نمبر پر آتا ہے۔ بلوچستان میں گدھوں کی تعداد سب سے کم یعنی چھ لاکھ 30 ہزار ریکارڈ کی گئی ہے۔
دلچسپ بات یہ ہے کہ وفاقی دارالحکومت اسلام آباد میں صرف چار ہزار گدھے موجود ہیں۔ مجموعی طور پر پاکستان میں گدھوں کی آبادی اب 49 لاکھ تک جا پہنچی ہے۔
Post Views: 2.
ذریعہ
ذریعہ: Daily Mumtaz
کلیدی لفظ: میں گدھوں کی
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی