پاکستان ویمن ٹیم کی منیبہ اور فاطمہ کو عمدہ کارکردگی کا صلہ مل گیا
اشاعت کی تاریخ: 13th, August 2025 GMT
کراچی:
آئی سی سی ویمنز ٹی 20 رینکنگ میں پاکستانی خواتین کرکٹرز کو بھی عمدہ کارکردگی پر ترقی مل گئی۔
پاکستان کی نمائندگی کرنے والی منیبہ علی اور فاطمہ ثنا نے حالیہ آئرلینڈ کے خلاف سیریز میں اپنی بہترین کارکردگی کے باعث عالمی رینکنگ میں پوزیشن بہتر بنائی ہے۔
سیریز کے آخری میچ میں منیبہ علی نے ناقابل شکست سنچری سے پاکستان کو فتح دلائی تھی، انھیں اس کارکردگی کا صلہ رینکنگ میں تین درجے ترقی کی صورت میں ملا اور وہ 32 ویں نمبر پر پہنچ گئیں۔
اسی طرح، آل راؤنڈر فاطمہ ثنا نے بھی اپنی صلاحیتوں سے پاکستان کو فائدہ پہنچایا، انھوں نے بیٹنگ رینکنگ میں چار درجے ترقی حاصل کی اور 59ویں نمبر پر پہنچ گئیں۔
اگرچہ پاکستان کی اسپنر سعدیہ اقبال کو سیریز میں وکٹیں کم ملیں لیکن وہ اب بھی ٹی ٹوئنٹی بولنگ کی رینکنگ میں دوسرے نمبر پر موجود ہیں۔
آئرلینڈ کی آل راؤنڈر اورلا پرینڈرگسٹ نے پاکستان کے خلاف شاندار پرفارمنس کے بعد رینکنگ میں نمایاں ترقی حاصل کر لی جبکہ آسٹریلیا کی فاسٹ بولر اینابیل سدھرلینڈ پہلی بار ٹی ٹوئنٹی بولرز کی عالمی درجہ بندی میں نمبر ون بن گئی ہیں۔
حالیہ تین میچوں کی سیریز میں آئرلینڈ نے پاکستان کو 1-2 سے شکست دی جس میں 23 سالہ پرینڈرگسٹ نے بیٹنگ اور بولنگ دونوں شعبوں میں شاندار کھیل پیش کیا، دائیں ہاتھ کی بیٹر نے مجموعی طور پر 144 رنز72 کی اوسط سے اسکور کیے اور اپنی کارآمد میڈیم پیس بولنگ سے چار اہم وکٹیں بھی حاصل کیں، جس کی بدولت وہ پلیئر آف دی سیریز قرار پائیں۔
آئی سی سی کی تازہ ترین رینکنگ میں پرینڈرگسٹ بیٹنگ میں 8 درجے ترقی پا کر 19ویں نمبر پر پہنچ گئی ہیں جبکہ آل راؤنڈرز کی فہرست میں بھی 3 درجے بہتری کے ساتھ چھٹے نمبر پر آگئی ہیں، ان کی ٹیم کی کپتان لورا ڈیلینی بیٹنگ رینکنگ میں 5 درجے ترقی کے بعد 50ویں پوزیشن پر پہنچیں جبکہ ربیکا اسٹوکل 5 زینے اوپر چڑھ کر 77ویں نمبر پر آگئیں۔
بولرز کی رینکنگ میں بڑی تبدیلی اس وقت آئی جب آسٹریلیا کی اینابیل سدھرلینڈ بغیر کوئی نیا میچ کھیلے پہلی بار نمبر ون پوزیشن پر پہنچ گئیں، مارچ میں نیوزی لینڈ کے خلاف 4 وکٹیں لینے کے بعد سے وہ ٹی ٹوئنٹی فارمیٹ میں نہیں کھیلیں لیکن ان کے 736 پوائنٹس برقرار رہے جبکہ دیگر ٹاپ بولرز کے پوائنٹس میں کمی آئی۔
.
ذریعہ
ذریعہ: Express News
کلیدی لفظ: پر پہنچ گئی
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ