جشن آزادی؛ کراچی میں میوزیکل کانسرٹ کی تقریب، شہریوں کیلیے ٹریفک پلان جاری
اشاعت کی تاریخ: 13th, August 2025 GMT
کراچی:
جشن آزادی اور معرکہ حق کی خوشی میں نیشنل اسٹیڈیم کراچی میں میوزیکل کانسرٹ کی تقریب کے انعقاد کے پیش نظر ٹریفک پولیس نے خصوصی ٹریفک پلان جاری کر دیا۔
تقریب میں شرکت کرنے کے لیے آنے والے شہریوں کے لیے ایکسپو سینٹر اور چائنا گراؤنڈ میں پارکنگ کے انتطامات کیے گئے ہیں، اسٹیکر والی گاڑیاں نیشنل اسٹیڈیم میں گیٹ نمبر1 اور گیٹ نمبر11 سے داخل ہو سکیں گی۔
تفصیلات کے مطابق 78 ویں جشن آزادی اور معرکہ حق کی خوشی میں نیشنل اسٹیڈیم کراچی میں میوزیکل نائٹ کی تقریب کا انعقاد کیا جا رہا ہے۔
تقریب کے پیش نظر ٹریفک پولیس کراچی کی جانب سے خصوصی ٹریفک پلان و پارکنگ کے انتظامات کیے گئے ہیں، جن گاڑیوں کو اسٹیکر جاری ہوئے ہیں وہ نیشنل اسٹیڈیم میں گیٹ نمبر1 اور گیٹ نمبر11 سے داخل ہوں گیں۔ تقریب میں آنے والے شرکاء کے لیے ایکسپو سینٹر اور چائنا گراؤنڈ میں پارکنگ کے انتطامات کیے گئے ہیں۔
ضلع وسطی حسن اسکوائر پل سے اتر کر ایکسپو سینٹر گیٹ نمبر 1 سے اندر داخل ہوکر شہری اپنی گاڑی یا موٹر سائیکل پارک کریں گے اور بذریعہ شٹل بس سروس انہیں نیشنل اسٹیڈیم پہنچایا جائے گا۔
ضلع جنوبی، ضلع شرقی اور ملیر کے رہائشی براستہ کارساز، نیوٹاؤن اور راشد منہاس روڈ، ملینئیم مال سے جانب اسٹیڈیم روڈ سے چائنا گراؤنڈ نزد نیشنل اسٹیڈیم میں اپنی گاڑی و موٹر سائیکل کھڑی کرکے تقریب میں شرکت کر سکتے ہیں۔ سر شاہ سلیمان روڈ، نیشنل اسٹیڈیم روڈ، حبیب ابراہیم رحمت اللہ روڈ اور کارساز روڈ پر ٹریفک کا شدید دباؤ ہوگا۔
پروگرام میں شرکت کے علاوہ حضرات سے گزارش ہے کہ وہ زحمت و پریشانی سے بچنے کے لیے متبادل راستوں کا انتخاب کریں۔
ٹریفک پولیس کے مطابق لیاقت آباد سے براستہ حسن اسکوائر فلائی اوور سے شارع فیصل جانے والے شہری حسن اسکوائر فلائی اوور سے یونیورسٹی روڈ سے شہید ملت روڈ کا راستہ اختیار کریں۔ کارساز سے لیاقت آباد جانے والے شہری راشد منہاس روڈ اور نیپا کا ر استہ اختیار کریں۔ یونیورسٹی روڈ ایکسپو سینٹر ٹرننگ سے جانب کارساز سے شارع فیصل جانے کے لیے شہید ملت روڈ کا راستہ اختیار کریں۔
ضلع وسطی، شرقی، ملیر، جنوبی اور غربی والے شہری لیاری ایکسپریس وے مرزا آدم خان چوک، ماڑی پور سے سہراب گوٹھ دونوں جانب استعمال کر سکتے ہیں۔ بس، منی بس اور دیگر کمرشل گاڑیوں کو کارساز، ڈرگ روڈ، ملینئیم مال، ایکسپو سینٹر ٹرننگ اور نیو ٹاؤن سے ٹریفک کو متبادل راستوں کی جانب بھیجا جائے گا۔
ٹریفک پولیس کے مطابق سہراب گوٹھ سے جانب نیپا، لیاقت آباد نمبر 10 سے حسن اسکوائر، پی پی چورنگی سے یونیورسٹی روڈ ہر قسم کی ہیوی ٹریفک کا داخلہ ممنوع ہوگا۔
ٹریفک پولیس نے عوام الناس سے گزارش کی ہے کہ زحمت و پریشانی سے بچنے کے لیے قانون نافذ کرنے والے اداروں اور ٹریفک پولیس سے تعاون کریں، دی جانے والی ہدایات پر عمل کریں۔ اپنی گاڑیوں و موٹر سائیکلوں کو کسی سروس روڈ یا مین روڈ پر کھڑی نہ کریں بلکہ دیے گئے پارکنگ مقامات پر ہی پارک کریں۔
کسی بھی پریشانی کی صورت میں رہنمائی کے لیے ٹریفک پولیس رہنما 1915 ملائیں جہاں ہمارے نمائندے آپ کی رہنمائی کے لیے موجود ہیں۔
.ذریعہ: Express News
کلیدی لفظ: نیشنل اسٹیڈیم ایکسپو سینٹر ٹریفک پولیس حسن اسکوائر والے شہری کے لیے
پڑھیں:
پاک فو ج اور آرام باغ ٹریڈرز الائنس کے اشتراک سے تقریب کا انعقاد
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) پاک فوج کے سلیکشن اینڈ ریکروٹمنٹ سینٹر کراچی کے زیراہتمام اور آرام باغ ٹریڈرز الائنس کے اشتراک سے ایک خصوصی تقریب کا انعقاد کیا گیا۔تقریب کا مقصد نوجوانوں کو پاک فوج میں بھرتی اور انتخاب کے عمل سے متعلق آگاہی فراہم کرنا تھا۔ یہ پروگرام پاک فوج کی قومی سطح پر جاری ’’آو ¿ٹ ریچ اور میڈیا انگیجمنٹ مہم‘‘کا ایک اہم حصہ ہے۔تقریب کے مہمان خصوصی کرنل زکی اسلم تھے، جنہوں نے اپنے خطاب میں کہا کہ پاکستان آرمی میں ملک کے ہر صوبے کے نوجوانوں کا کردار نہایت اہم ہے۔ ہمیں خاص طور پر کراچی اور بلوچستان کے نوجوانوں کے جذبہ حب الوطنی اور وطن سے والہانہ محبت پر فخر ہے۔ بلوچ نوجوانوں کی بڑھتی ہوئی دلچسپی اس بات کا ثبوت ہے کہ وہ ملک کے دفاع اور ترقی میں بھرپور کردار ادا کرنا چاہتے ہیں۔انہوں نے مزید کہا کہ فوج میں بھرتی کا عمل جاری ہے، سپاہی کے لیے عمر کی حد 17 سے 23 سال مقرر ہے جبکہ 23 نومبر اس کی آخری تاریخ ہے۔ پاک فوج کے دروازے کراچی کے نوجوانوں کے لیے ہمیشہ کھلے ہیںاور تاجر برادری عوامی سطح پر اس آگاہی مہم میں ہمارا قیمتی ساتھ دے سکتی ہے۔تقریب میں آرام باغ ٹریڈرز الائنس کی جانب سے صدر شیخ سہیل احمد، اول نائب صدر خرم دلاور، جنرل سیکرٹری وقار احمد خان، جوائنٹ سیکرٹری احسان نظیر، فنانس سیکرٹری ممتاز عالم، انفارمیشن سیکرٹری کاشف مرزا، آفس سیکرٹری عمران عبدالوہاب، لاء سیکرٹری کاشف قریشی اور عبدالرحمن خان (کنوینر، اسمال ٹریڈرز فیڈریشن آف پاکستان چیمبر آف کامرس اینڈ انڈسٹری) نے الائنس کی نمائندگی کی۔اس موقع پر تاجر برادری کے دیگر نمایاں رہنما بھی شریک ہوئے جن میں آصف سخی (نائب صدر ایف پی سی سی آئی)، شرجیل گوپلانی، رضوان عرفان، سلیم میمن، رانا وحید، جاوید ارشاد، عبدالقادر نورانی، زاہد امین، اسماعیل لالپوریہ، عمیر خان، حافظ کلیم الدین، حافظ رافح، محمد زکی اور یوسف پاکستانی شامل تھے۔تاجر رہنماو ¿ں نے اپنے خطابات میں کراچی کے نوجوانوں کو پاک فوج میں زیادہ سے زیادہ شمولیت کی ترغیب دی اور کہا کہ جس دل میں وطن کی محبت ہو اس کے لیے وردی صرف لباس نہیں بلکہ ایک عزت اور ایک عہد ہے۔ جب نوجوان وردی پہنتا ہے تو دشمن کی آنکھوں میں خوف اور قوم کے دل میں فخر بھرتا ہے۔انہوں نے کہا کہ پاک فوج میں آئی ٹی، انجینئرنگ، ہیلتھ اور دیگر پیشہ ورانہ شعبوں میں نوجوانوں کے لیے شاندار مواقع دستیاب ہیں۔شرکائے تقریب نے بلوچ برادران کی شرکت کو محبت، احترام اور قومی یکجہتی کی علامت قرار دیا۔تقریب کے اختتام پر پاکستان کی ترقی، امن اور استحکام کے لیے خصوصی دعا کی گئی۔
پاک فوج کے سلیکشن اینڈ ریکروٹمنٹ سینٹر کراچی کے زیراہتمام اور آرام باغ ٹریڈرز الائنس کے اشتراک سے خصوصی تقریب میں مہمان موجود ہیں
پاکستان اور ترکیے کی وزارت داخلہ کا انسداد دہشت گردی سمیت مختلف شعبوں میں تعاون بڑھانے کا فیصلہ