ایشیا کپ فائنل: پاک انڈیا ہائی وولٹیج میچ سے قبل دبئی پولیس نے اردو میں کیا ہدایات جاری کردیں؟
اشاعت کی تاریخ: 28th, September 2025 GMT
ایشیا کپ کا ہائی وولٹیج فائنل پاکستان اور بھارت کے درمیان اتوار کو دبئی میں کھیلا جائے گا جس کے لیے دبئی پولیس نے سکیورٹی انتظامات مکمل کر لیے ہیں اور شائقین کی سہولت کے لیے اردو میں خصوصی ہدایات جاری کی ہیں۔
پولیس کے مطابق شائقین کو مشورہ دیا گیا ہے کہ وہ میچ شروع ہونے سے کم از کم 3 گھنٹے قبل اسٹیڈیم پہنچیں جبکہ ہر ٹکٹ صرف ایک بار داخلے کے لیے کارآمد ہوگا۔ میچ کے دوران اسٹیڈیم سے باہر نکلنے کے بعد دوبارہ داخلے کی اجازت نہیں ہوگی۔
یہ بھی پڑھیے: ایشیا کپ فائنل: ایونٹ کا سب سے بڑا ٹاکرا، پاکستان اور بھارت آج دبئی میں مدمقابل ہوں گے
انتظامیہ نے آتش گیر مواد، اسلحہ، لیزر پوائنٹرز، آتش بازی کا سامان، ٹرائی پوڈ، سیلفی اسٹک اور شیشے کی اشیا اسٹیڈیم میں لانے پر مکمل پابندی عائد کر دی ہے۔ اسی طرح سیاسی بینرز یا غیر منظور شدہ پلے کارڈ بھی داخل نہیں کیے جائیں گے۔ پولیس نے شائقین سے اپیل کی ہے کہ وہ تعاون کریں تاکہ فائنل ایک محفوظ اور پُررونق ماحول میں منعقد ہو سکے۔
ادھر پاکستان اور بھارت کے درمیان اس تاریخی ٹاکرے کا جوش و خروش عروج پر پہنچ گیا ہے۔ منتظمین نے تصدیق کی ہے کہ دبئی انٹرنیشنل کرکٹ اسٹیڈیم کی 28 ہزار نشستوں کی تمام ٹکٹیں فروخت ہو چکی ہیں اور اسٹیڈیم ‘ہاﺅس فل’ ہو گیا ہے۔
یہ بھی پڑھیے: ایشیا کپ فائنل: پاکستان کا بدلے کا عزم، بھارت کی ہیٹ ٹرک کی تیاری
ٹورنامنٹ کے دوران دونوں ٹیموں کے مابین کھیلے گئے مقابلوں نے پہلے ہی بڑے ہجوم کو اپنی طرف متوجہ کیا تھا، 14 ستمبر کے گروپ میچ میں 20 ہزار اور 21 ستمبر کے سپر فور میچ میں 17 ہزار تماشائی موجود تھے۔ تاہم فائنل کے لیے بے مثال مانگ نے تمام سابقہ ریکارڈ توڑ دیے ہیں۔
پاکستان نے 25 ستمبر کو سپر4 مرحلے میں بنگلہ دیش کو 11 رنز سے شکست دے کر بھارت کے خلاف فائنل کے لیے کوالیفائی کیا۔ یہ پہلا موقع ہے کہ ایشیا کپ کی تاریخ میں دونوں روایتی حریف فائنل میں آمنے سامنے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
asia cup final PAK INDIA MATCH ایشیا کپ پاک انڈیا میچ.ذریعہ: WE News
کلیدی لفظ: ایشیا کپ پاک انڈیا میچ ایشیا کپ کے لیے
پڑھیں:
ایشیا کپ فائنل سے قبل پاکستان اور بھارت کے کپتانوں کی ٹرافی شوٹ منسوخ
ایشیا کپ 2025 کے فائنل سے قبل روایتی ٹرافی شوٹ منسوخ کر دیا گیا ہے۔ منتظمین نے تصدیق کی ہے کہ پاکستان اور بھارت کے کپتان فائنل سے پہلے ٹرافی کے ساتھ مشترکہ فوٹو سیشن نہیں کریں گے۔
اے اسپورٹس کے مطابق باضابطہ فوٹو سیشن کا کوئی شیڈول تیار نہیں کیا گیا، البتہ امکان ظاہر کیا جا رہا ہے کہ میچ سے کچھ دیر قبل اس حوالے سے حتمی فیصلہ کیا جا سکتا ہے۔
???? پاکستان کرکٹ ٹیم کے کھلاڑیوں نے متفقہ فیصلہ کیا کہ بھارتی کپتان کے ساتھ فائنل سے قبل ٹرافی فوٹوشوٹ نہیں کرنا ہے۔ #AsiaCup #PakistanCricket
— Arfa Feroz Zake (@ArfaSays_) September 27, 2025
یہ ٹورنامنٹ میں دونوں ٹیموں کے درمیان تیسری ملاقات ہوگی، تاہم میدان میں تعلقات کشیدہ رہے ہیں۔ گروپ اسٹیج کے میچ میں بھارتی کپتان سوریہ کمار یادو نے ٹاس کے وقت پاکستان کے کپتان سلمان علی آغا سے مصافحہ کرنے سے گریز کیا تھا۔
مزید پڑھیں: ایشیا کپ، بنگلہ دیشی شائقین بھارت کے خلاف پاکستان کی حمایت میں سامنے آگئے
اسی میچ میں بھارت کی فتح کے بعد بھارتی کھلاڑی، بشمول یادو اور شیوم دوبے، سیدھا ڈریسنگ روم چلے گئے اور دروازے بند کرلیے، جبکہ پاکستانی کھلاڑی میدان میں روایتی مصافحے کے منتظر رہے۔
21 ستمبر کو سپر فور مرحلے کے میچ میں بھی دونوں ٹیموں کے درمیان قبل از میچ اور بعد از میچ مصافحہ نہیں ہوا، جس سے تعلقات میں تناؤ مزید نمایاں ہو گیا۔
دبئی انٹرنیشنل کرکٹ اسٹیڈیم میں ایشیا کپ کے فائنل میں کل پاکستان اور بھارت مدمقابل ہوں گے۔ یہ پہلا موقع ہے کہ 41 سالہ تاریخ میں دونوں حریف ٹیمیں ایشیا کپ کے فائنل میں آمنے سامنے ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بھارت پاکستان ٹرافی شوٹ منسوخ
سعودی عرب سے معاہدہ وزیراعظم کی محنت کا نتیجہ ہے، حنیف عباسی