امریکا نے غزہ میں جنگ کے خاتمے اور فلسطینی ریاست کے قیام پر مبنی 21 نکاتی منصوبہ پیش کر دیا
اشاعت کی تاریخ: 28th, September 2025 GMT
امریکا نے غزہ جنگ کے خاتمے اور مستقبل میں فلسطینی ریاست کے قیام کے لیے 21 نکاتی منصوبہ پیش کر دیا ہے۔
اس منصوبے میں فوری طور پر یرغمالیوں کی رہائی، فلسطینیوں کو غزہ میں ہی رہنے کی ترغیب دینے اور پرامن حماس اراکین کو عام معافی دینے جیسے نکات شامل ہیں۔ یہ منصوبہ اقوام متحدہ کی جنرل اسمبلی کے موقع پر چند عرب اور مسلم ممالک کو پیش کیا گیا۔
یہ بھی پڑھیے: غزہ میں عبوری انتظامیہ کے لیے ٹونی بلیئر کا ممکنہ کردار، امریکی منصوبہ کیا ہے؟
امریکی تجویز میں غزہ کو ایک ’غیر انتہا پسند، دہشت گردی سے پاک زون‘ میں بدلنے، تعمیرِ نو، روزگار کے مواقع فراہم کرنے اور بین الاقوامی نگرانی میں امداد کی تقسیم جیسے نکات شامل ہیں۔ منصوبے کے مطابق اسرائیل کو فوجی کارروائی روک کر بتدریج غزہ سے انخلا کرنا ہوگا جبکہ تمام یرغمالیوں کی واپسی کے بعد فلسطینی قیدیوں کی رہائی بھی عمل میں لائی جائے گی۔
منصوبے میں کہا گیا ہے کہ پرامن رہنے کا حلف لینے والے حماس کے کارکنان کو معافی دی جائے گی جبکہ چھوڑ کر جانے والوں کو محفوظ راستہ فراہم کیا جائے گا۔ غزہ کا انتظام فلسطینی ماہرین پر مشتمل ایک عبوری سیٹ اپ کے حوالے کیا جائے گا جس کی نگرانی امریکا، عرب اور یورپی شراکت داروں پر مشتمل کمیٹی کرے گی۔
امریکی تجویز کے تحت ایک اقتصادی زون قائم ہوگا، غزہ میں روزانہ کم از کم 600 ٹرک امداد بھیجی جائے گی اور بنیادی ڈھانچے کی بحالی کی جائے گی۔ ساتھ ہی ایک بین الاقوامی سیکیورٹی فورس غزہ میں تعینات کی جائے گی جو فلسطینی پولیس کو تربیت دے گی۔
منصوبے میں یہ بھی کہا گیا ہے کہ اسرائیل غزہ کو ضم یا مستقل قبضے میں نہیں لے گا۔ مزید یہ کہ قطر کے کردار کو تسلیم کیا جائے گا اور دوحہ کو مستقبل میں حملوں کا نشانہ نہ بنانے کی یقین دہانی دی گئی ہے۔
یہ بھی پڑھیے: امریکا نے غزہ جنگ بندی قرارداد ویٹو کر دی، پاکستان اور حماس کا شدید ردعمل
امریکی حکام کے مطابق اس منصوبے کے ذریعے مستقبل میں فلسطینی ریاست کے قیام کی راہ ہموار کی جا سکتی ہے تاہم اس حوالے سے کوئی واضح ٹائم لائن نہیں دی گئی۔
اسرائیلی وزیراعظم نیتن یاہو نے اقوام متحدہ میں تقریر کے دوران ایک بار پھر دو ریاستی حل کی مخالفت کی اور کہا کہ یروشلم کے قریب فلسطینی ریاست قائم کرنا ایسے ہے جیسے نائن الیون کے بعد نیویارک کے پاس القاعدہ کو ریاست دے دی جائے۔
اس کے باوجود سابق صدر ڈونلڈ ٹرمپ نے امید ظاہر کی ہے کہ مذاکرات مثبت سمت میں جا رہے ہیں اور آئندہ دنوں میں کسی بڑے پیش رفت کا اعلان کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
21 نکاتی منصوبہ اسرائیل امریکا جنگ بندی غزہ فلسطین.
ذریعہ
ذریعہ: WE News
کلیدی لفظ: 21 نکاتی منصوبہ اسرائیل امریکا فلسطین فلسطینی ریاست جائے گی
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
ٹی20 ورلڈ کپ 2026: پاکستان نے سپر 8 کے لیے جگہ پکی کر لی