انٹراپارٹی الیکشن، نوابزادہ خالد حسین مگسی بلامقابلہ باپ پارٹی کے مرکزی صدر منتخب
اشاعت کی تاریخ: 28th, September 2025 GMT
کوئٹہ(ڈیلی پاکستان آن لائن)بلوچستان عوامی پارٹی کے انٹرا پارٹی انتخابات میں نئی قیادت سامنے آگئی، نوابزادہ خالد حسین مگسی بلامقابلہ مرکزی صدر اور سینیٹر منظور کاکڑ سیکریٹری جنرل منتخب ہوئے۔
نجی ٹی وی سما نیوز کے مطابق بلوچستان عوامی پارٹی کے انٹرپارٹی انتخابات میں بلامقابلہ صدر منتخت ہونے والے نوابزادہ خالد حسین مگسی نے مرکزی و صوبائی عہدیداروں کا اعلان کیا جن میں سینیٹر کہدہ بابر مرکزی سینیئر نائب صدر اور ضیا لانگو مرکزی سیکریٹری اطلاعات مقرر ہوئے۔ سردار صالح بھوتانی کو صوبائی صدر بلوچستان اور حاجی مٹھا خان کاکڑ کو صوبائی جنرل سیکریٹری بنایا گیا۔ زبیدہ جلال خواتین ونگ کی مرکزی صدر اور فرح عظیم شاہ صوبائی صدر منتخب ہوئیں۔
پی سی بی نے پہلی دفعہ کرکٹ سکوررز کیلئے کنٹریکٹ متعارف کروا دیئے
اس موقع پر صادق سنجرانی نے کہا کہ دوہزار اٹھارہ میں بی اے پی ایک وژن کے تحت بنی اور ہمیشہ صوبے کے عوام کی ترقی کے لیے کوشاں رہی ہے۔ ان کا کہنا تھا کہ بلوچستان کے حقوق کسی صورت نظرانداز نہیں ہوں گے۔ بی اے پی کسی ایسے عمل کا حصہ نہیں بنے گی جس میں عوام کی بھلائی شامل نہ ہو۔ انہوں نے کہا کہ صوبے کی ترقی اور نوجوانوں کے بہتر مستقبل کے لیے پارٹی ہمیشہ اپنی جدوجہد جاری رکھے گی۔
ذریعہ
ذریعہ: Daily Pakistan
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع