وزیرِاعظم کی ملائیشیاء کو گوشت برآمد کرنے کے لیے ٹھوس لائحہ عمل تشکیل دینے کی ہدایت
اشاعت کی تاریخ: 27th, September 2025 GMT
اسلام آباد:
وزیرِاعظم نے ملائیشیاء کو پاکستانی بیف برآمد کرنے کے لیے ٹھوس لائحہ عمل تشکیل دینے کی ہدایت کردی۔
وزیراعظم محمد شہباز شریف نے نیویارک سے ویڈیو لنک کے ذریعے پاکستان اور ملائیشیاء کے مابین تجارت کے فروغ کے حوالے اجلاس کی صدارت کی۔
وزیراعظم نے کہا کہ پاکستان اور ملائیشیاء کے مابین دیرینہ برادرانہ تعلقات ہیں جو دہائیوں پر محیط ہیں، ملائیشیاء نے پاکستان کا ہر مصیبت میں ساتھ دیا جس کو پاکستان قدر کی نگاہ سے دیکھتا ہے، پاک ملائیشیاء تجارت کے حوالے سے بے پناہ استعداد موجود ہے جس سے بھرپور فائدہ اٹھانے کیلئے اقدامات کر رہے ہیں۔
وزیراعظم نے ہدایت دی کہ پاکستانی بیف کی ملائیشیاء میں برآمد کیلئے متعلقہ ادارے قابل عمل و ٹھوس منصوبہ بندی تشکیل دیں۔
اجلاس میں پاکستان اور ملائیشیاء کے مابین تجارتی تعلقات کا تفصیلی جائزہ لیا گیا۔ اجلاس میں وزیرِاعظم کو ملائشیاء میں پاکستانی برآمدی استعداد کے حوالے سے تفصیلی بریفنگ دی گئی۔
وزیرِ اعظم نے ملائشیاء پاکستان تجارت بالخصوص پاکستانی بیف کی ملائیشیاء برآمد کے حوالے سے ٹھوس لائحہ عمل تشکیل دے کر پیش کرنے کی ہدایت کی۔
.ذریعہ: Express News
کلیدی لفظ: کے حوالے
پڑھیں:
شہباز شریف کا عالمی برادری سے کلائمیٹ فائنانس کے وعدے پورے کرنے کا مطالبہ
وزیرِاعظم شہباز شریف نے عالمی برادری پر زور دیا ہے کہ وہ ماحولیاتی مالیات یعنی کلائمیٹ فائنانس کے حوالے سے اپنے کیے گئے وعدوں کو پورا کرے۔
وہ نیویارک میں اقوام متحدہ کے سیکریٹری جنرل انتونیو گوتیریس اور برازیل کے صدر کی جانب سے بلائے گئے خصوصی ماحولیاتی اجلاس سے خطاب کر رہے تھے۔
یہ بھی پڑھیں: کلائمیٹ فنانسنگ پر پاکستان سے بات چیت کامیاب، 1.3 ارب ڈالر ملیں گے، آئی ایم ایف
وزیرِاعظم نے زور دیتے ہوئے کہا کہ قرضوں پر مبنی مالیاتی امداد کمزور اور متاثرہ ممالک جیسے پاکستان کو درپیش ماحولیاتی تباہی کا حل نہیں ہو سکتی۔
انہوں نے اجلاس کے شرکا کو یاد دلایا کہ پاکستان اب بھی 2022 کے تباہ کن سیلابوں کے اثرات سے نبردآزما ہے، جن میں 30 ارب ڈالر سے زائد کا نقصان ہوا اور لاکھوں افراد بے گھر ہوئے۔
مزید پڑھیں: پاکستان میں زرعی اور ماحولیاتی ایمرجنسی: اس کا مطلب اور فائدہ کیا ہے؟
انہوں نے بتایا کہ اس سال کے شدید مون سون بارشوں نے بھی 50 لاکھ سے زائد افراد کو متاثر کیا، 4100 دیہات تباہ کر دیے اور ایک ہزار سے زیادہ جانیں لے لیں۔
وزیرِاعظم نے اس حقیقت کی نشاندہی کی کہ عالمی گرین ہاؤس گیسوں میں انتہائی کم حصہ ڈالنے کے باوجود پاکستان ماحولیاتی تبدیلی کے سب سے بڑے متاثرین میں شامل ہے۔
مزید پڑھیں:
انہوں نے کہا کہ اخراج میں 50 فیصد کمی کے مجموعی ہدف کے تحت پاکستان اپنی غیرمشروط 15 فیصد کمی کے وعدے پر عملدرآمد کرچکا ہے۔
وزیرِاعظم نے اعلان کیا کہ پاکستان 2035 تک توانائی کے مجموعی نظام میں قابلِ تجدید اور پن بجلی کا حصہ بڑھا کر 62 فیصد کرے گا، ٹرانسپورٹ کے 30 فیصد حصے کو صاف اور پائیدار نظام میں منتقل کرے گا اور ایک ارب درخت لگانے کی مہم کو آگے بڑھائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ انتونیو گوتیریس توانائی ٹرانسپورٹ خصوصی ماحولیاتی اجلاس شہباز شریف عالمی برادری کلائمیٹ فائنانس ماحولیاتی مالیات نیویارک وزیر اعظم
شہباز اور 6 مسلم رہنما کل ٹرمپ سے ملیں گے