کراچی میں ضمنی انتخابات:نتائج پیپلزپارٹی کے حق میں جاری
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی(رپورٹ:منیرعقیل انصاری) اورنگی ٹاﺅن کی یوسی ون میں ٹی ایل پی کاامیدوار کامیاب ہوا‘ نتیجہ تیسرے نمبر پر پی پی امیدوارکے حق میں نکلا بلدیہ میں 10ووٹنگ بک غائب کرنے کاالزام‘ اورنگی میں جماعت اسلامی نے وارڈ4کا میدان مار لیا ۔
کراچی میں ہونے والے ضمنی بلدیاتی انتخابات میں پاکستان پیپلز پارٹی کو جتوادیاگیا،الیکشن کمیشن آف پاکستان کی جاری کردہ نتائج کے مطابق کراچی کی پانچ بلدیاتی نشستوں پربدھ کے روز ہونے والے ضمنی انتخابات میں ایک چیئرمین اور تین وائس چیئرمین کی نشست پر پاکستان پیپلز پارٹی اور جماعت اسلامی کے ایک کونسلر نے ضمنی الیکشن میں کامیابی حاصل کی ہے۔
تفصیلات کے مطابق ضلع شرقی ،غربی اور کیماڑی کی پانچ بلدیاتی نشستوں پر بدھ کے روز ہونے والے بلدیاتی ضمنی انتخابات میں ضلع غربی ،ٹاﺅن میونسپل کارپوریشن اورنگی ٹاﺅن یونین کمیٹی نمبر1چیئرمین کی نشست پر پاکستان پیپلز پارٹی کی امیدوار شہنیلا عامر 3801 ووٹ لیکر جیت گئی ہیں ،جبکہ اورنگی ٹاﺅن یونین کمیٹی نمبر7 ،وارڈ4سے کونسلر کی نشست پرسے جماعت اسلامی سے تعلق رکھنے والے امیدوار محمد بلال نصیر 791 لیکر کامیابی حاصل کی ہے،
ضلع شرقی ٹاﺅن میونسپل کار پوریشن سہراب گوٹھ یو سی8 میں وائس چیئرمین کی نشست پر پاکستان پیپلز پارٹی کے امیداور شیراز احمد 1790ووٹ لیکر کامیاب ہوئے،ٹاﺅن میونسپل کارپوریشن بلدیہ کیماڑی یوسی 8میں وائس چیئرمین کی نشست پر پاکستان پیپلز پارٹی سے تعلق رکھنے والے محمد فیصل نے3132ووٹ لیکر کامیابی حاصل کی ہے،
ٹاﺅن میونسپل کارپوریشن منگھو پیریو سی10میں وائس چیرمین کی نشست پر بھی پیپلز پارٹی کے ہی اسٹاپھن مسیح891 ووٹ لیکر کامیاب قرار پائے ہیں۔
واضح رہے کہ ضمنی بلدیاتی انتخابات میں ضلع شرقی ،غربی اور کیماڑی کی پانچ بلدیاتی نشستوں پر پیپلزپارٹی، جماعت اسلامی، ٹی ایل پی، جے یو آئی، پی ٹی آئی اور آزاد امیدوار مدمقابل تھے۔ ضلع غربی ٹی ایم سی منگھو پیر لیاری ایکسپریس وے یوسی 10 وائس چیئرمین کی نشست پر دس امیدوار تھے۔
ضلع غربی ٹی ایم سی اورنگی گلشن ضیاءیوسی ایک میں چیئرمین کی نشست پر 15امیدوار مدمقابل ، ضلع غربی ٹی ایم سی اورنگی یوسی شاہ ولی اللہ نگر کی یوسی ایک پر چیئرمین اور سات پر جنرل ممبر4 کی نشست کےلیے پانچ ، ضلع شرقی ٹی ایم سی سہراب گوٹھ نئی سبزی منڈی یو سی 8 میں وائس چیئرمین کی نشست پر سات امیدوار مدمقابل تھے۔
ذریعہ: Jasarat News
کلیدی لفظ: چیئرمین کی نشست پر پاکستان پیپلز پارٹی وائس چیئرمین کی نشست پر ٹاﺅن میونسپل جماعت اسلامی انتخابات میں ٹی ایم سی میں وائس
پڑھیں:
27 ویں آئینی ترمیم: پیپلزپارٹی نے آرٹیکل 243 میں تبدیلی کے سوا تمام نکات مسترد کردیے
data-id="863a0a8" data-element_type="widget" data-widget_type="theme-post-content.default">
پاکستان پیپلز پارٹی نے ستائیسویں آئینی ترمیم کی مجوزہ تجاویز میں سے ایک کے سوا تمام نکات کو مسترد کر دیا ہے۔ اس حوالے سے پیپلز پارٹی کی سینٹرل ایگزیکٹو کمیٹی (سی ای سی) کا اجلاس ہوا، جس میں ترمیم کے مختلف نکات پر تفصیلی مشاورت کی گئی۔
اجلاس کے بعد چیئرمین پیپلز پارٹی بلاول بھٹو زرداری نے پریس کانفرنس میں بتایا کہ ن لیگ کا ایک وفد پیپلز پارٹی سے ملاقات کے لیے آیا اور ستائیسویں آئینی ترمیم کی حمایت کی درخواست کی۔ انہوں نے کہا کہ مجوزہ ترمیم میں آئینی عدالت، این ایف سی، تعلیم، آبادی کی منصوبہ بندی، ایگزیکٹو مجسٹریسی نظام، ججوں کی تبادلے اور الیکشن کمیشن سے متعلق نکات شامل ہیں۔
بلاول بھٹو نے واضح کیا کہ حکومت آرٹیکل 243 میں تبدیلی لانا چاہتی ہے اور پارٹی نے صرف اسی تجویز کی حمایت کی ہے۔ ان کا کہنا تھا کہ صوبائی شیئر سے متعلق شق، این ایف سی فارمولے میں تبدیلی اور دیگر تمام نکات کو مکمل طور پر رد کر دیا گیا ہے۔
انہوں نے کہا کہ آئینی عدالت کے قیام کا تصور میثاقِ جمہوریت میں شامل تھا، تاہم پیپلز پارٹی کا مؤقف ہے کہ ایسی عدالت میں چاروں صوبوں کی برابر نمائندگی یقینی بنائی جائے۔ بلاول بھٹو نے بتایا کہ اس معاملے پر حتمی فیصلہ آج نمازِ جمعہ کے بعد ہونے والے سی ای سی اجلاس میں کیا جائے گا۔
افغان سرزمین کسی ملک کے خلاف استعمال نہیں ہوگی، ذبیح اللہ مجاہد