میڈونا کی پوپ سے اپیل؛ اس سے قبل بہت دیر ہوجائے، غزہ کے بچوں کو بچائیں
اشاعت کی تاریخ: 13th, August 2025 GMT
عالمی شہرت یافتہ امریکی گلوکارہ میڈونا نے پوپ آف ویٹیکن پوپ لیو سے غزہ کا دورہ کرنے اور جنگ سے متاثرہ بچوں کے لیے امدادی راستے کھلوانے کے لیے کردار ادا کرنے اپیل کی ہے۔
موسیقی کی دنیا کی 66 سالہ اسٹار نے سوشل میڈیا پلیٹ فارم "ایکس” (سابقہ ٹوئٹر) پر جذباتی پیغام شیئر کرتے ہوئے لکھا کہ آپ ہمارے درمیان وہ واحد شخصیت ہیں جنہیں کوئی غزہ جانے سے روک نہیں سکتا۔
انھوں نے مزید کہا ہے کہ ہمیں اب مکمل طور پر انسانی امداد کے دروازے کھلوانے ہوں گے تاکہ غزہ کے معصوم بچوں کو بچا سکیں۔ اب ہمارے پاس وقت نہیں بچا ہے۔
امریکی گلوکارہ نے یہ بھی اعلان کیا کہ وہ اپنے بیٹے روکّو رچی کی 25 ویں سالگرہ کے موقع پر غزہ میں کام کرنے والی امدادی تنظیموں کو عطیات دیں گی۔
Politics Cannot impact Change.
Only alertness Can. Therefore we am Reaching out to a Man of God.
Today is my Son Rocco’s birthday.
I feel a best present we can give to him as a Mother – is to ask everybody to do what they can to assistance save a trusting children held in the… pic.twitter.com/y2B3BsXAMt
— Madonna (@Madonna) August 11, 2025
انھوں نے مزید لکھا کہ بطور ماں، میرے لیے یہ سب سے خوبصورت تحفہ ہوگا کہ میں دنیا بھر کے لوگوں سے اپیل کروں کہ وہ غزہ کے بچوں کی مدد کے لیے اپنی استطاعت کے مطابق کردار ادا کریں۔
میڈونا کے اس پیغام پر عالمی ادارہ صحت (WHO) کے ڈائریکٹر جنرل نے شکریہ ادا کرتے ہوئے کہا کہ انسانیت اور امن کی بات کرنا آج کے دور میں بہت ضروری ہے۔ میڈونا، آپ کی ہمدردی اور متاثرہ بچوں کے ساتھ یکجہتی بہت معنی رکھتی ہے۔
میڈونا کی اس اپیل پر موجودہ پوپ لیو کا کوئی ردعمل سامنے نہیں آیا ہے تاہم انھوں نے متعدد بار اپیل کی ہے کہ غزہ میں انسانی حقوق کو یقینی بنانے اور طاقت کے استعمال گریز کیا جائے۔
TagsShowbiz News Urdu
ذریعہ: Al Qamar Online
پڑھیں:
فضائی آلودگی بچوں کی بصارت کو بھی نقصان پہنچانے لگی، تحقیق
data-id="863a0a8" data-element_type="widget" data-widget_type="theme-post-content.default">
لندن: ایک نئی تحقیق میں انکشاف ہوا ہے کہ فضائی آلودگی نہ صرف سانس کی بیماریوں اور اموات کا باعث بنتی ہے بلکہ بچوں کی بصارت (آنکھوں کی بینائی) پر بھی منفی اثر ڈال رہی ہے۔
تحقیق کے مطابق نائٹروجن ڈائی آکسائیڈ جیسے خطرناک اخراج دنیا بھر میں پہلے ہی سالانہ 16 ہزار قبل از وقت اموات اور 30 ہزار نئے دمے کے کیسز سے منسلک ہیں، تازہ نتائج نے یہ بھی ثابت کیا ہے کہ ٹریفک سے پیدا ہونے والی آلودگی، خصوصاً نائٹروجن ڈائی آکسائیڈ اور باریک پارٹیکیولیٹ میٹر (PM2.5)، بچوں میں دور کی نگاہ کمزور (مائیوپیا) ہونے کا خطرہ بڑھا دیتی ہے۔
یہ تحقیق برطانیہ کی یونیورسٹی آف برمنگھم میں کی گئی جس کے نتائج نے ماہرین کو تشویش میں مبتلا کر دیا ہے، آلودگی میں کمی لانا بچوں میں مائیوپیا کے عمل کو سست کر سکتا ہے، یعنی اگر ماحول صاف ہو تو بچوں کی نظر کے مسائل کسی حد تک ٹل سکتے ہیں۔
جامعہ سے تعلق رکھنے والے شریک نگراں پروفیسر زونگبو شی نے کہاکہ جہاں پہلے یہ سمجھا جاتا تھا کہ جینیات اور زیادہ اسکرین ٹائم بچپن میں نظر کی کمزوری کے بنیادی اسباب ہیں، یہ تحقیق اپنی نوعیت کی پہلی ہے جو فضائی آلودگی کو بھی ایک بڑا خطرہ قرار دیتی ہے۔
یونیورسٹی کے مطابق تحقیق میں ہزاروں بچوں کے ڈیٹا کا تجزیہ کیا گیا، جس میں یہ بات سامنے آئی کہ ٹریفک سے متاثرہ علاقوں میں رہنے والے بچوں کو بصارت کی زیادہ مشکلات پیش آئیں۔
ماہرین صحت کا کہنا ہے کہ یہ نتائج نہ صرف والدین کے لیے انتباہ ہیں بلکہ حکومتوں کے لیے بھی چیلنج ہیں کہ وہ شہری علاقوں میں آلودگی پر قابو پانے کے لیے ہنگامی اقدامات کریں۔
ان کے مطابق مستقبل میں فضائی آلودگی صرف سانس یا دل کی بیماریوں تک محدود نہیں رہے گی بلکہ نئی نسل کی آنکھوں اور سیکھنے کی صلاحیت کو بھی متاثر کر سکتی ہے۔
سرمایہ کاری اور تجارت بڑھانے کیلئے قابلِ عمل منصوبے تیار کیے جائیں، وزیراعظم کی ہدایت