4 روزہ جنگ کے بعد عالمی فورمز پر پاکستان کی جیت، بلاول بھٹو کو اعلیٰ ترین سول اعزاز دینے کا فیصلہ
اشاعت کی تاریخ: 14th, August 2025 GMT
وفاقی حکومت نے پاکستان پیپلز پارٹی کے چیئرمین بلاول بھٹو زرداری کو ملک کے سب سے بڑے سویلین اعزاز ’نشانِ پاکستان‘ سے نوازنے کا فیصلہ کیا ہے۔
یہ بھی پڑھیں:سابق وزیراعظم ذوالفقار بھٹو کو بعد از وفات نشان پاکستان سے نواز دیا گیا
یہ اعزاز بلاول بھٹو زرداری اور ان کے وفد کو آج ایک خصوصی تقریب میں دیا جائے گا۔
معروف نیوز چینل کے رپورٹر سلیمان سعادت خان کے مطابق بلاول بھٹو زرداری کو یہ اعزاز بھارت کے خلاف جنگ کے بعد عالمی فورمز پر پاکستان کا مؤقف مؤثر انداز میں اجاگر کرنے پر دیا جا رہا ہے۔
انہوں نے بتایا کہ بلاول نے بھارتی جارحیت کے تناظر میں یورپی پارلیمنٹ سمیت مختلف بین الاقوامی پلیٹ فارمز پر پاکستان کا امن بیانیہ بھرپور انداز میں پیش کیا۔
یاد رہے کہ بھارت کے خلاف جنگ کے بعد وزیرِاعظم شہباز شریف نے بلاول بھٹو زرداری کی قیادت میں ایک پارلیمانی کمیٹی تشکیل دی تھی، جس کا مقصد عالمی سطح پر پاکستان کے مؤقف کو اجاگر کرنا تھا۔
یہ بھی پڑھیں:صدر مملکت کی جانب سے سعودی نیول چیف کو نشان پاکستان (ملٹری) کا اعزاز
بلاول کی قیادت میں پاکستانی وفد نے امریکا کے اہم اراکینِ کانگریس سمیت کئی عالمی رہنماؤں سے ملاقاتیں کیں اور خطے کے امن کے لیے پاکستان کے عزم کو واضح کیا۔
بھارت نے پہلگام واقعے کو جواز بنا کر پاکستان پر جارحیت کی تھی، جس کا پاکستان نے بھرپور جواب دیتے ہوئے نہ صرف 6 بھارتی جنگی طیارے گرائے بلکہ متعدد ایئر فیلڈز کو بھی تباہ کیا۔
4 روزہ جنگ میں بھارت نے امریکا سے مدد طلب کی، جس کے بعد دونوں ممالک کے درمیان جنگ بندی ممکن ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلاول بھٹو معرکہ حق نشان پاکستان.
ذریعہ
ذریعہ: WE News
کلیدی لفظ: بلاول بھٹو معرکہ حق نشان پاکستان بلاول بھٹو زرداری نشان پاکستان پر پاکستان کے بعد
پڑھیں:
صدر آصف علی زرداری سے بلوچستان کے صوبائی وزراء کی ملاقات
ویب ڈیسک: صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع