کشتواڑ میں بادل پھٹنے سے 12 ہلاکتیں، مچائل ماتا یاترا کے راستے پر تباہی
اشاعت کی تاریخ: 14th, August 2025 GMT
جموں و کشمیر کے ضلع کشتواڑ کی تحصیل پڈر کے گاؤں چشوٹی میں جمعرات کو بادل پھٹنے کے واقعے میں کم از کم 12 افراد جاں بحق ہو گئے، جبکہ مزید ہلاکتوں کا خدشہ ظاہر کیا جا رہا ہے۔
یہ بھی پڑھیں:اتراکھنڈ کلاؤڈ برسٹ:ہلاکتوں کی تعداد 5 ہوگئی، بھارتی فوجیوں سمیت 100 لاپتہ
واقعہ دوپہر 12 سے 1 بجے کے درمیان پیش آیا، جب مچا ئل ماتا یاترا کے لیے بڑی تعداد میں زائرین جمع تھے۔ بادل پھٹنے سے پیدا ہونے والے سیلابی ریلے نے علاقے میں لگائے گئے لنگر کو شدید نقصان پہنچایا۔
وفاقی وزیر جتندر سنگھ اور جموں و کشمیر کے وزیرِ اعلیٰ عمر عبداللہ نے صورتِ حال پر تشویش کا اظہار کرتے ہوئے ریسکیو آپریشن تیز کرنے کی ہدایت کی۔
لیفٹیننٹ گورنر منوج سنہا نے سول انتظامیہ، پولیس، فوج، این ڈی آر ایف اور ایس ڈی آر ایف کو فوری طور پر امدادی سرگرمیاں تیز کرنے اور متاثرین کو ہر ممکن مدد فراہم کرنے کا حکم دیا۔
یہ بھی پڑھیں:کمراٹ: شدید بارش، بادل پھٹنے سے سیلابی صورتحال، سیاح محصور
چشوٹی گاؤں 9,500 فٹ کی بلندی پر اور کشتواڑ سے 90 کلومیٹر کے فاصلے پر واقع ہے، جہاں سے مچا ئل ماتا مندر تک 8.
اس وقت ملک کے کئی پہاڑی علاقوں میں شدید بارشوں، بادل پھٹنے اور لینڈ سلائیڈنگ کے واقعات ہو رہے ہیں، جن میں اتراکھنڈ اور ہماچل پردیش بھی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بادل پھٹنا جموں و کشمیر کشتواڑ مچائل ماتاذریعہ: WE News
کلیدی لفظ: بادل پھٹنا کشتواڑ مچائل ماتا بادل پھٹنے
پڑھیں:
ایف آئی اے کی کارروائی؛ انسانی اسمگلنگ میں ملوث اہم اشتہاری ملزم گرفتار
ایف آئی اے اینٹی ہیومن ٹریفکنگ سرکل کراچی نے انسانی اسمگلنگ میں ملوث ایک اہم اشتہاری ملزم کو گرفتار کرلیا۔
ترجمان ایف آئی اے کے مطابق یہ کارروائی ڈائریکٹر جنرل ایف آئی اے رفعت مختار کی ہدایت پر کی گئی، جس کے تحت انسانی اسمگلنگ میں ملوث نیٹ ورکس کے خلاف ملک گیر کریک ڈاؤن جاری ہے۔
ایف آئی اے حکام کے مطابق گرفتار ملزم محمد علی سمندر کے راستے پاکستانی شہریوں کو غیر قانونی طور پر بیرون ملک بھجوانے میں ملوث تھا۔ وہ شہریوں کو جیوانی کے راستے ایران اور عراق پہنچانے کا جھانسہ دیتا تھا۔ ملزم کی گرفتاری ایک متاثرہ شخص کی شکایت پر عمل میں لائی گئی، جس کو ملزم نے عراق میں ملازمت دلوانے کا وعدہ کرکے ڈیڑھ لاکھ روپے ہتھیائے تھے۔
ترجمان کے مطابق متاثرہ شہری کو بعد ازاں عراق سے ڈیپورٹ کرکے پاکستان واپس بھیجا گیا۔ تحقیقات سے انکشاف ہوا ہے کہ محمد علی جیوانی کے راستے بیرون ملک غیر قانونی سفر کروانے والے ایک منظم گروہ سے رابطے میں تھا۔
ایف آئی اے نے ملزم کے خلاف باقاعدہ مقدمہ درج کرکے مزید تفتیش شروع کردی ہے۔ ترجمان کا کہنا ہے کہ انسانی اسمگلنگ میں ملوث عناصر کے خلاف کارروائیاں بلا امتیاز جاری رہیں گی۔
کپل شرما سے بھتہ مانگنے والا گینگسٹر گرفتار