فیلڈ مارشل عاصم منیر کی قیادت میں پاکستان کی کامیابی پر دنیا حیران رہ گئی: مریم نواز
اشاعت کی تاریخ: 14th, August 2025 GMT
وزیراعلیٰ پنجاب مریم نواز نے کہا ہے کہ فیلڈ مارشل سید عاصم منیر کی قیادت میں پاکستان نے ایسی کامیابی حاصل کی کہ دنیا حیران رہ گئی۔ آج کا دن خصوصی طور پر شہدا کے نام ہے، وہ بیٹے جنہوں نے وطن کے لیے جانوں کا نذرانہ پیش کیا۔
جشن آزادی پاکستان کی تقریب سے خطاب کرتے ہوئے مریم نواز نے کہاکہ آج میں فیلڈ مارشل سید عاصم منیر کا شکریہ ادا کرتی ہوں اور انہیں خراج تحسین بھی پیش کرتی ہوں۔ انہوں نے ایئر چیف ظہیر احمد بابر سدھو کو بھی پاکستانی قوم کی طرف سے سلام کہا۔
یہ بھی پڑھیں: سبز ہلالی پرچم کا سب سے بڑا انسانی ماڈل، سکھر کے طلبہ نے تاریخ رقم کردی
انہوں نے کہا کہ شاہینوں نے ایک جان ہو کر دشمن کے خلاف سیسہ پلائی دیوار بن کر بہادری سے لڑائی لڑی۔
وزیراعلیٰ پنجاب نے کہاکہ دنیا بھی سمجھ گئی ہے کہ ’بنیان مرصوص‘ یعنی سیسہ پلائی دیوار کا کیا مطلب ہوتا ہے۔ اگر قوم تقسیم ہو کر لڑائی لڑتی تو یہ جنگ کبھی جیتی نہ جا سکتی تھی۔ دنیا حیران ہے کہ پاکستان نے رافیل طیارے کیسے مار گرائے۔
مریم نواز نے کہاکہ پاکستان نے اپنے سے کئی گنا بڑے ملک کو شکست دی ہے، ہمیں اپنی بہادر افواج پر فخر ہے۔ پاکستان ہمیشہ قائم و دائم رہے گا، یہ ملک ہمیں بہت سی قربانیوں کے بعد ملا ہے۔
انہوں نے مزید کہاکہ عہدہ انسان کو ایکسپوز کر دیتا ہے لیکن اگر نیت صاف ہو تو اللہ کامیابی دیتا ہے۔ 2018 میں ملک کی تنزلی شروع ہوئی تھی لیکن اب وطن ترقی کی راہ پر گامزن ہے، ہم پاکستان کو معاشی طور پر مضبوط بنائیں گے۔
یہ بھی پڑھیں: بلوچستان میں دہشتگردی کا خاتمہ قریب، امن کا سورج جلد طلوع ہوگا، وزیراعلیٰ سرفراز بگٹی
انہوں نے مزید کہاکہ نواز شریف نے اپنے ادوار میں ملک کو ترقی کی راہ پر گامزن کیا، اور انہوں نے ہی ایٹمی دھماکے کرکے وطن کا دفاع ناقابل تسخیر کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جشن آزادی پاکستان سید عاصم منیر فیلڈ مارشل معرکہ حق نواز شریف وطن عزیز وی نیو.
ذریعہ
ذریعہ: WE News
کلیدی لفظ: جشن ا زادی پاکستان فیلڈ مارشل معرکہ حق نواز شریف وی نیو فیلڈ مارشل مریم نواز انہوں نے
پڑھیں:
قومی انڈر-18 ٹیم نے ہاکی فائیو اے سائیڈ ورلڈ کپ کیلیے کوالیفائی کرلیا
پاکستان کی انڈر-18 ہاکی ٹیم نے شاندار کارکردگی کا مظاہرہ کرتے ہوئے مصر میں منعقد ہونے والے ہاکی فائیو اے سائیڈ ورلڈ کپ کے لیے باقاعدہ کوالیفائی کرلیا ہے۔
اس شاندار کامیابی کے ساتھ ہی پاکستان ٹیم نے ٹورنامنٹ کے فائنل میں بھی جگہ بنالی ہے جہاں اس کا مقابلہ 25 تاریخ کو روایتی حریف بھارت سے ہوگا۔
قومی جونیئر ٹیم نے پورے ایونٹ کے دوران بہترین ڈسپلن، جارحانہ کھیل اور بہترین حکمتِ عملی کا مظاہرہ کیا۔
پورے ایونٹ میں بہترین کارکردگی کا مظاہرہ کرتے ہوئے فائنل تک رسائی اور ورلڈکپ کا ٹکٹ حاصل کرنا پاکستان ہاکی کے روشن مستقبل کا واضح ثبوت ہے۔
پاکستان ہاکی فیڈریشن کے ترجمان نے کہا کہ پاکستان انڈر-18 ہاکی ٹیم کی یہ کامیابی قوم کے لیے ایک عظیم تحفہ ہے۔
انہوں نے مزید کہا کہ نوجوان کھلاڑیوں نے جس محنت اور جذبے کے ساتھ میدان میں گرین شرٹس کی نمائندگی کی ہے وہ قابلِ تحسین ہے۔ مصر ورلڈکپ کے لیے کوالیفائی کرنا ہماری جونیئر ہاکی ڈیویلپمنٹ پالیسی کی بڑی کامیابی ہے۔
ترجمان پی ایچ ایف نے قوم سے اپیل ہے کہ 25 تاریخ کو بھارت کے خلاف فائنل معرکے کے لیے ٹیم کے لیے خصوصی دعائیں کریں۔
پاکستان ہاکی فیڈریشن کے صدر محی الدین احمد وانی، ڈیویلپمنٹ کمیٹی، چیف سلیکٹر اور کوچنگ اسٹاف نے تمام کھلاڑیوں اور قوم کو اس اہم کامیابی پر مبارکباد پیش کی ہے اور امید ظاہر کی ہے کہ ٹیم فائنل بھی جیت کر ملک کا نام روشن کرے گی۔
پاکستان نے ورلڈ کپ 2028 کیلیے براہ راست کوالیفائی کر لیا