قوم اس آزمائش کی گھڑی میں مصیبت زدہ شہریوں کے ساتھ کھڑی ہے، صدر زرداری
اشاعت کی تاریخ: 15th, August 2025 GMT
سٹی42: صدر آصف علی زرداری نے خیبر پختونخوا کے علاقوں بٹگرام، بونیر اور ملک کے دوسرے بالائئی علاقوں میں جمعرات اور جمعہ کی درمیانی شب طوفانی بارشوں اور سیلاب سے بھاری جانی نقصانات پر شدید صدمہ اور افسوس کا اظہار کیا ہے اور ریاست کے تمام اداروں کو مصیبت زدہ شہریوں کی مدد کے لئے امدادی سرگرمیاں تیز کرنے کی ہدایت کی ہے۔
صدر آصف علی زرداری نے ملک کے مختلف حصوں میں حالیہ بارشوں اور طوفانی سیلاب سے ہونے والے جانی نقصان پر گہرے دکھ کا اظہار کرتے ہوئے کہا کہ قوم اس آزمائش کی گھڑی میں مصیبت زدہ شہریوں کے ساتھ کھڑی ہے۔
جشن معرکہ حق 75 روپے کا یادگاری سکے کا اجرا کردیا گیا
ایک بیان میں صدر آصف علی زرداری نے جاں بحق ہونے والوں کے پسماندگان سے دلی تعزیت کا اظہار کیا اور دعا کی کہ اللہ پاک مرحومین کو جنت الفردوس میں اعلیٰ مقام عطا فرمائیں۔
امدادی سرگرمیاں تیز کرنے کی ہدایت
صدر آصف علی زرداری نے متعلقہ حکام کو ہدایت کی کہ وہ متاثرہ علاقوں میں امدادی سرگرمیاں تیز کریں اور متاثرہ افراد کی مدد اور بحالی کے لیے تمام ضروری اقدامات کو یقینی بنائیں۔ صدر نے زور دے کر کہا، "متاثرہ لوگوں کو ریلیف اور مدد فراہم کرنے کے لیے ہر ممکن اقدامات کیے جائیں۔
سیلاب زدہ عوام کے ریسکیو کیلئے تمام وسائل بروئے کار لائیں، وزیراعظم کی ہدایت
صدر مملکت نے یہ بھی ہدایت کی کہ زخمیوں کو فوری طبی امداد فراہم کی جائے۔
Waseem Azmet.ذریعہ: City 42
کلیدی لفظ: علی زرداری
پڑھیں:
خیبرپختونخوا میں سیلاب سے تباہی، وزیراعظم ہاؤس میں خصوصی سیل قائم، فوری اقدامات کی ہدایت
اسلام آباد:خیبرپختونخوا میں بارش اور سیلاب سے ہونے والی تباہی کے پیش نظر وزیراعظم ہاؤس میں خصوصی سیل قائم کردیا گیا ہے اور وزیراعظم شہباز شریف نے کے پی اور آزاد کشمیر سمیت بارش سے متاثرہ علاقوں میں فوری اور بھرپور امدادی کارروائی کی ہدایت کردی ہے۔
وفاقی وزیر اطلاعات ونشریات عطا اللہ تارڑ نے بتایا کہ وزیراعظم شہباز شریف نے این ڈی ایم اے کو آزاد جموں و کشمیر اور خیبر پختونخوا میں سیلاب اور بارشوں سے متاثرہ علاقوں میں بھرپور امدادی کارروائیاں کرنے کی ہدایت کی ہے۔
انہوں نے کہا کہ وزیراعظم شہباز شریف سیلابی صورت حال سے مکمل طور پر آگاہ ہیں اور امدادی کارروائیوں کے لیے ہدایات جاری کر رہے ہیں اور انہوں نے چیئرمین ایم ڈی ایم اے لیفٹیننٹ جنرل انعام حیدر کو خیبر پختونخوا اور آزاد کشمیر کی حکومتوں سے مسلسل رابطہ رکھنے اور امدادی سرگرمیوں کو تیز کرنے کی ہدایت کی ہے۔
وزیر اطلاعات نے کہا کہ وزیراعظم ہاؤس میں ایک خصوصی سیل بھی قائم کیا گیا ہے جو این ڈی ایم اے سے 24 گھنٹے رابطے میں ہے۔
انہوں نے بتایا کہ حالیہ بارشوں اور سیلابی صورت حال کے دوران وزیراعظم شہباز شریف نے تین مرتبہ این ڈی ایم اے کا دورہ کر کے ذاتی طور پر ریسکیو اور ریلیف اقدامات کا جائزہ لیا، حکومت کا فوکس ریلیف اور ریسکیو اقدامات پر ہے۔
ان کا کہنا تھا کہ خیبر پختونخوا میں جاری ریسکیو اور ریلیف آپریشن میں تمام ادارے وسائل بروئے کار لا رہے ہیں، خیبر پختونخوا میں انسانی جانوں کو محفوظ بنانے کے لیے اقدامات کیے جا رہے ہیں، این ڈی ایم اے کے پیشگی آگاہی نظام سے خیبر پختونخوا سمیت تمام صوبائی حکومتوں کو باقاعدگی سے آگاہی فراہم کی جا رہی ہے۔
عطا اللہ تارڑ نے کہا کہ این ڈی ایم اے کا کمانڈ اینڈ کنٹرول سینٹر 24 گھنٹے فعال ہے اور صورت حال پر کڑی نظر رکھے ہوئے ہے۔
مظفرگڑھ: قوت گویائی، سماعت سے محروم لڑکی سے زیادتی میں ملوث 2 ملزمان گرفتار