اربعین حسینیؑ، آئی ایس او کراچی کے تحت مرکزی جلوس میں مولانا ناظر تقوی کی زیر اقتداء نماز باجماعت
اشاعت کی تاریخ: 15th, August 2025 GMT
دوران نماز اپنے خطاب میں مرکزی صدر آئی ایس او فخر نقوی نے کہا کہ اربعین ایک عالمی نہضت ہے اور رہبر معظم آیت اللہ سید علی خامنہ ای اس کے قائد ہیں، آج عالمی سطح پر اسلامی تحریکوں کی منظم پیشرفت سے امریکا اور اسرائیل بوکھلاہٹ کا شکار ہیں۔ اسلام ٹائمز۔ امامیہ اسٹوڈنٹس آرگنائزیشن پاکستان کراچی ریجن کی جانب سے مرکزی جلوس اربعین حسینیؑ کے موقع پر باجماعت نماز ظہرین کا اہتمام کیا گیا۔ ہزاروں عزاداران سید الشہداء نے مولانا سید ناظر عباس تقوی کی اقتداء میں بندو خان ہوٹل کے سامنے ایم اے جناح روڈ باجماعت نماز ظہرین ادا کی۔ دورانِ نماز ظہرین مرکزی صدر آئی ایس او پاکستان فخر عباس نقوی نے عزاداران سید الشہداء سے خطاب کرتے ہوئے کہا کہ اربعین امام حسینؑ ایک عالمی تحریک ہے، جو کربلا سے ظہور امام مہدی کا راستہ ہے، عراق میں لاکھوں زائرین نجف اور بصرہ سے پیدل کربلا کی جانب مارچ کرتے ہیں، جبکہ لاکھوں عاشقانِ اہلبیتؑ دنیا بھر سے کربلا معلیٰ کا رخ کرتے ہیں اور امامِ وقت سے تجدید عہد کرتے ہیں۔ انہوں نے کہا کہ افسوس کا مقام ہے کہ پاکستان میں اس سال اس عظیم اجتماع کو روکنے کی کوشش کی گئی، جس کے باعث ہزاروں زائرین اربعین پر عراق روانہ نہ جا سکے، پاکستانی شہریوں کو سیکیورٹی فراہم کرنا حکومت کا آئینی فریضہ ہے۔
فخر عباس نقوی نے کہا کہ پنجاب سمیت ملک کے مختلف علاقوں میں مشی اربعین کو روکنے کی کوشش اس بات کا ثبوت ہے کہ دشمن آج بھی نام حسینؑ سے خوفزدہ ہے۔ عالمی حالات پر گفتگو کرتے ہوئے فخر عباس نقوی نے کہا کہ اربعین ایک عالمی نہضت ہے اور رہبر معظم آیت اللہ سید علی خامنہ ای اس کے قائد ہیں، آج عالمی سطح پر اسلامی تحریکوں کی منظم پیشرفت سے امریکا اور اسرائیل بوکھلاہٹ کا شکار ہیں، اگر یہ سمجھتے ہیں کہ حزب اللہ کو غیر مسلح کرکے شہید مقاومت سید حسن نصراللہ کے مشن کو روکا جا سکتا ہے تو یہ ان کی خام خیالی ہے۔ جبری گمشدگیوں پر بات کرتے ہوئے انہوں نے کہا کہ پاکستان کو آزادی حاصل کیے 78 برس ہو چکے ہیں اور یہ ملک ایک مضبوط و مستحکم ریاست کے طور پر دنیا کے نقشے پر موجود ہے، لیکن افسوس کہ آج بھی اس قوم کے بیٹوں کو جبری طور پر لاپتہ کیا جاتا ہے، کئی سال گزر جانے کے باوجود ان کا کچھ پتہ نہیں چلتا اور خانوادہ شیعہ لاپتہ افراد شدید کرب و تکلیف میں ہیں، کئی اسیروں کے والدین اس دنیا سے رخصت ہو چکے ہیں۔
فخر عباس نقوی نے کہا کہ ہمارا مطالبہ ہے کہ تمام بے گناہ اسیروں کو فوری طور پر رہا کیا جائے۔ یوم آزادی کے حوالے سے فخر عباس نقوی نے کہا کہ "پاکستان نے اپنے 78 سال آزادی اور وقار کے ساتھ مکمل کیے ہیں اور آئی ایس او پاکستان نے ہمیشہ اس مملکتِ خداداد میں نوجوانوں کی تعلیم و تربیت کیلئے بھرپور کوششیں کی ہیں۔نماز کے اختتام پر شرکاء نے رہبر معظم اور شہداء مقامات کی تصاویر کے ساتھ شیطانِ وقت کے خلاف بھرپور احتجاج ریکارڈ کروایا اور امریکا، اسرائیل اور ہندوستان کے پرچم نذر آتش کیے۔
ذریعہ: Islam Times
کلیدی لفظ: فخر عباس نقوی نے نقوی نے کہا کہ ایس او
پڑھیں:
صمود فلوٹیلا پر اسرائیلی جارحیت اور بربریت کی شدید مذمت کرتے ہیں، ثقلین علی جعفری
اپنے مذمتی بیان میں اصغریہ اسٹوڈنٹس آرگنائزیشن کے مرکزی صدر نے کہا کہ اقوامِ متحدہ اور انسانی حقوق کے عالمی ادارے فی الفور اسرائیلی مظالم کا نوٹس لیں، صمود فلوٹیلا کے تمام گرفتار شرکاء کی فوری رہائی کو یقینی بنائیں۔ اسلام ٹائمز۔ اصغریہ اسٹوڈنٹس آرگنائزیشن پاکستان کے مرکزی صدر ثقلین علی جعفری کا کہنا ہے کہ غزہ کے مظلوم عوام کے ساتھ اظہارِ یکجہتی کرتے ہوئے ’’صمود فلوٹیلا‘‘ پر اسرائیلی جارحیت اور بربریت کی شدید مذمت کرتے ہیں۔ اپنے مذمتی بیان میں ثقلین علی جعفری نے کہا کہ "صمود فلوٹیلا" کے قافلے پر اسرائیلی فورسز کی جانب سے حملہ اور اس میں شریک عالمی شخصیات بالخصوص پاکستانی سینیٹر مشتاق احمد اور دیگر رفقاء کو گرفتار کرنا ناصرف انسانی حقوق کی خلاف ورزی ہے بلکہ عالمی قوانین کی کھلی توہین بھی ہے۔ انہوں نے کہا کہ ہم واضح کرتے ہیں کہ انسانیت کی خدمت اور مظلوم فلسطینی عوام کے حق میں اٹھنے والی آواز کو دبانا اسرائیل اور اس کے سرپرستوں کے مکروہ عزائم کو آشکار کرتا ہے۔
ثقلین علی جعفری نے کہا کہ دنیا کے ضمیر کو جھنجوڑنے والے یہ افراد انسانیت کے سچے ہیرو ہیں، جن کی قربانیوں کو تاریخ ہمیشہ یاد رکھے گی۔ انہوں نے کہا کہ اصغریہ اسٹوڈنٹس آرگنائزیشن مطالبہ کرتی ہے کہ اقوامِ متحدہ اور انسانی حقوق کے عالمی ادارے فی الفور اسرائیلی مظالم کا نوٹس لیں، تمام گرفتار شرکاء کی فوری رہائی کو یقینی بنائیں اور فلسطینی عوام کو اُن کا حقِ آزادی دلوانے میں اپنا کردار ادا کریں، فلسطین کی آزادی تک ہماری حمایت اور جدوجہد جاری رہے گی۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ