خیبر پختونخوا، ہیلی کاپٹر حادثے کی ابتدائی رپورٹ صوبائی حکومت کو موصول
اشاعت کی تاریخ: 15th, August 2025 GMT
ابتدائی رپورٹ کے مطابق ہیلی کاپٹر صبح 10 بج کر 30 منٹ پر باجوڑ سلارزئی کے لیے روانہ ہوا، امدادی کارروائیوں سے واپسی پر ہیلی کاپٹر مہمند میں حادثہ کا شکار ہوا ،حادثہ، خراب موسم اور شدید دھند کے باعث پیش آیا۔ اسلام ٹائمز۔ خیبر پختونخوا میں ہیلی کاپٹر حادثے کی ابتدائی رپورٹ صوبائی حکومت کو موصول ہو گئی۔ ابتدائی رپورٹ کے مطابق ہیلی کاپٹر صبح 10 بج کر 30 منٹ پر باجوڑ سلارزئی کے لیے روانہ ہوا، امدادی کارروائیوں سے واپسی پر ہیلی کاپٹر مہمند میں حادثہ کا شکار ہوا ،حادثہ، خراب موسم اور شدید دھند کے باعث پیش آیا۔ رپورٹ میں بتایا گیا کہ سرکاری ہیلی کاپٹر کا بلیک باکس تاحال نہیں مل سکا ہے جب کہ سرکاری حکام کا کہنا ہے کہ بلیک باکس کی تلاش جاری ہے، بلیک باکس کا ڈیٹا حادثہ کی وجوہات جاننے میں اہم کردار ادا کرے گا، بلیک باکس سے پائلٹس کی گفتگو سمیت دیگر اہم معلومات حاصل کی جائیں گئیں۔
سرکاری حکام نے کہا کہ ہنگامی حالات میں ہیلی کاپٹر میں سائرن بجے کہ نہیں یہ بھی تفصیل بلیک باکس سے لی جائے گی، حادثہ کی وجوہات جاننے کے لیے بنائی گئی تحقیقاتی ٹیم ہفتے کو جائے وقوعہ کا دورہ کرے گی۔دوسری جانب رپورٹ میں مزید بتایا گیا کہ ہیلی کاپٹر کو تلاش کرنے کے لیے ڈرون کیمروں کو بھی استعمال کیا گیا، حادثہ کی تصدیق 4 بج کر 45 منٹ پر ہوئی جس میں 5 افراد شہید ہوئے۔
ذریعہ: Islam Times
کلیدی لفظ: ابتدائی رپورٹ ہیلی کاپٹر بلیک باکس کے لیے
پڑھیں:
خیبر پختونخوا کابینہ میں مزید تبدیلیاں
وزیرِ اعلیٰ خیبر پختون خوا علی امین گنڈاپور—فائل فوٹوخیبر پختونخوا کابینہ میں مزید تبدیلیاں کر دی گئی ہیں۔
صوبائی وزیرِ ہائر ایجوکیشن مینا خان کا قلم دان تبدیل کرکے کمیونیکیشن اینڈ ورکس کا محکمہ تفویض کیا گیا ہے۔
پشاور خیبر پختونخوا میں 2 وزراء کے استعفوں کے بعد 10...
معاونِ خصوصی محمد سہیل آفریدی کو وزیر بناکر ہائر ایجوکیشن کا محکمہ ان کے حوالے کر دیا گیا ہے۔
اس سے قبل خیبر پختونخوا میں 2 وزراء کے استعفوں کے بعد 10 کابینہ ارکان کے محکمے تبدیل کر دیے گئے ہیں۔
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل