خیبر پختونخوا میں ہماری ترجیح سرچ اینڈ ریسکیو آپریشن ہے، بیرسٹر گوہر
اشاعت کی تاریخ: 16th, August 2025 GMT
ایک نجی ٹی وی چینل کے پروگرام میں گفتگو کرتے ہوئے چیئرمین پی ٹی آئی کا کہنا تھا کہ بارشوں سے لوگوں کا بہت نقصان ہوا ہے، سیلاب سے بونیر، شانگلہ سمیت دیگر علاقے متاثر ہوئے ہیں۔ اسلام ٹائمز۔ چیئرمین پی ٹی آئی بیرسٹر گوہر نے کہا ہے کہ خیبر پختونخوا میں ہماری ترجیح سرچ اینڈ ریسکیو آپریشن ہے۔ ایک نجی ٹی وی چینل کے پروگرام میں گفتگو کرتے ہوئے بیرسٹر گوہر کا کہنا تھا کہ بارشوں سے لوگوں کا بہت نقصان ہوا ہے، سیلاب سے بونیر، شانگلہ سمیت دیگر علاقے متاثر ہوئے ہیں۔
انہوں نے کہا کہ ہماری ترجیح سرچ اینڈ ریسکیو آپریشن ہے، یہ وقت سیاست نہیں ایک دوسرے کی مدد کرنے کا ہے، صوبائی حکومت نے بروقت ہیلی کاپٹر امدادی سرگرمیوں کے لیے بھیجا۔ چیئرمین پی ٹی آئی کا مزید کہنا تھا کہ وفاقی حکومت کے ساتھ ابھی کوئی رابطہ نہیں ہوا۔
ذریعہ: Islam Times
پڑھیں:
خیبر پختونخوا کابینہ میں تبدیلی، پی ٹی آئی کے سرکردہ رہنما علی امین گنڈا پور کے نشانے پر
کارکردگی کے نام پر خیبر پختونخوا کابینہ سے نکالے گئے ممبران کا پشاور جلسے کے واقعات سے کیا تعلق ہے؟ اصل معاملہ کیا ہے؟
وزیراعلیٰ خیبر پختونخوا علی امین گنڈاپور نے بانی چیئرمین پاکستان تحریک انصاف (پی ٹی آئی) سے ملاقات کے بعد کابینہ کی کارکردگی اور ردوبدل کے نام پر 2 اہم وزرا سے استعفیٰ لیا۔ تاہم، پارٹی کے اندرونی معاملات سے باخبر رہنماؤں کا دعویٰ ہے کہ دونوں کو پشاور جلسے میں وزیراعلیٰ کے ساتھ جو کچھ ہوا، اس کی سزا کے طور پر نکالا گیا ہے۔
وزیراعلیٰ علی امین گنڈاپور نے پشاور جلسے کے فوراً بعد پیر کے روز اڈیالہ جیل میں بانی چیئرمین سے 2 گھنٹے طویل ملاقات کی تھی۔ ترجمان خیبر پختونخوا حکومت کے مطابق علی امین نے عمران خان کو سیاسی اور حکومتی معاملات پر تفصیلی بریفنگ دی اور وزیراعلیٰ کو کابینہ کے حوالے سے کسی بھی فیصلے کا مکمل اختیار دیا گیا۔
مزید پڑھیں: فیصلہ سازی کور کمیٹی کرتی ہے، علیمہ خان یا گنڈاپور کا سیاسی کردار نہیں، لطیف کھوسہ
ملاقات کے بعد پشاور واپسی پر ہی کابینہ کے 2 اہم وزرا کے استعفے آئے، جنہیں علی امین نے کابینہ کی معمول کی ردوبدل کا حصہ قرار دیا لیکن اندرونی باخبر ذرائع اسے سیاسی انتقام بتا رہے ہیں۔
’یہ سب پشاور جلسے میں علی امین کے خلاف محاذ آرائی کا نتیجہ ہے‘پی ٹی آئی کے ایک سرگرم رہنما نے نام ظاہر نہ کرنے کی شرط پر بتایا کہ کابینہ میں اچانک تبدیلی کا آغاز پشاور جلسے کے بعد ہوا اور اس حوالے سے عمران خان کی مکمل حمایت حاصل ہے۔
ان کا کہنا تھا کہ پشاور جلسے کے دوران علی امین گنڈا پور سخت ناراض ہوئے کیونکہ جب وہ تقریر کے لیے آئے تو پنڈال میں شور شرابہ شروع ہو گیا، ان کے خلاف نعرے بازی ہوئی، جوتے دکھائے گئے اور بوتلیں پھینکی گئیں۔
پی ٹی آئی رہنما نے بتایا کہ جلسے کے تمام انتظامات علی امین کی ذاتی میڈیا ٹیم کر رہی تھی اور تمام کیمرے بھی اسی ٹیم کے تھے، جن کی مدد سے ان افراد کی نشاندہی کی گئی جن کا تعلق صوابی اور مردان سے نکلا۔
مزید پڑھیں: پی ٹی آئی کی آن بان شان سمجھے جانے والے علی امین گنڈاپور کی مقبولیت میں کمی کیوں آئی؟
ان کے مطابق علی امین گنڈاپور سمجھتے ہیں کہ ان کے خلاف محاذ آرائی کے ذمہ دار صوبائی کابینہ کے کچھ لوگ ہیں، جنہیں وزیراعلیٰ کے مخالف عاطف خان گروپ کی سرپرستی حاصل ہے۔ شہرام ترکئی اور اسد قیصر بھی کسی نہ کسی طرح اسی گروپ کا حصہ ہیں۔
ان کا کہنا تھا کہ ویڈیو کلپس کی مدد سے محاذ آرائی کرنے والوں کی نشاندہی کے بعد اسد قیصر اور شہرام ترکئی کو بتایا گیا کہ ان کے بھائیوں کو کابینہ سے نکالا جا رہا ہے، جس پر دونوں نے استعفیٰ دینے کی یقین دہانی کرائی۔ وزیراعلیٰ ہاؤس میں ہونے والے واقعات سے باخبر ایک اور سینئر رہنما نے بھی اس کی تصدیق کی۔
یاد رہے کہ کابینہ سے نکالے گئے فیصل ترکئی کا تعلق صوابی کے بااثر ترکئی خاندان سے ہے اور وہ سابق صوبائی وزیر شہرام ترکئی کے چھوٹے بھائی ہیں جبکہ عاقب اللہ، اسد قیصر کے بھائی ہیں۔
’فیصل ترکئی نوجوان اور فعال وزیر تھے‘پی ٹی آئی کے سینئر رہنما نے بتایا کہ پارٹی کے اندر بھی کچھ کابینہ ممبران کی کارکردگی بہتر نہ ہونے اور بعض وزرا پر کرپشن کے الزامات کی خبریں تھیں، لیکن فیصل ترکئی کا نام ان میں شامل نہیں تھا۔ فیصل ترکئی کا نام اچانک سامنے آیا ہے۔ ان کے خلاف کوئی شکایت یا الزام نہیں تھا۔ وہ نوجوان اور بہت فعال وزیر تھے۔
مزید پڑھیں: علیمہ خان پی ٹی آئی کو کمزور کرنے کی خاطر ایم آئی کے لیے کام کررہی ہیں، علی امین گنڈاپور کا الزام
انہوں نے مزید بتایا کہ عاقب اللہ کی وزارت میں ان کے بڑے بھائی اسد قیصر کی مبینہ مداخلت کی اطلاعات تھیں، جس پر علی امین خوش نہیں تھے۔ تاہم اسد قیصر نے اس تاثر کی تردید کی ہے۔
’کچھ کابینہ ممبران پر ناقص کارکردگی اور کرپشن کے الزامات ہیں۔‘پی ٹی آئی رہنما نے بتایا کہ علی امین گنڈاپور نے کابینہ کے کچھ ممبران کو ناقص کارکردگی اور کرپشن کے حوالے سے پہلے ہی خبردار کر دیا تھا۔ 5 کابینہ ممبران کے خلاف شکایات موجود ہیں، لیکن ابھی تک ان کے خلاف کوئی کارروائی نہیں کی گئی۔ ان میں مالاکنڈ، مردان اور ہزارہ ریجن کے ممبران شامل ہیں۔
ان کے مطابق کارکردگی کے نام پر نکالے گئے وزرا سیاسی انتقام کا نشانہ بنے۔ تاہم پی ٹی آئی ذرائع نے واضح نہیں کیا کہ پشاور جلسے میں علی امین سے بد تمیزی میں ان کا کتنا کردار تھا، لیکن ان کا کہنا تھا کہ علی امین نے سیاسی مخالف گروپ کو نشانہ بنایا۔
بتایا گیا کہ وزیراعلیٰ نے گزشتہ رات کابینہ میں مزید تبدیلی کی، وزرا کے قلمدان بدلے اور باجوڑ سے منتخب رکن کو کابینہ میں شامل کیا۔
’کابینہ میں ردوبدل مشاورت سے کی گئی۔‘عمران خان سے ملاقات کے بعد علی امین گنڈاپور نے تفصیلی ویڈیو بیان جاری کیا، جس میں انہوں نے علیمہ خان اور کابینہ میں تبدیلی پر بات کی۔
مزید پڑھیں: علی امین گنڈاپور نے علیمہ خان سے متعلق عمران خان کو کیا بتایا؟ تفصیلات آگئیں
علی امین کا کہنا تھا کہ عمران خان نے انہیں مکمل اختیار دیا ہے اور کابینہ سے 2 وزرا کو فارغ کرنے سے پہلے ان کو آگاہ کیا گیا۔ تاہم انہوں نے یہ نہیں بتایا کہ ان وزرا کو کیوں نکالا گیا۔ ان کا کہنا تھا کہ سب مل کر ایک ٹیم کی طرح کام کرتے رہیں گے۔
’یہ ہومیوپیتھک کابینہ ہے‘سیاسی تجزیہ کاروں کے مطابق اس وقت علی امین پی ٹی آئی میں مضبوط ترین رہنما ہیں اور بطور وزیراعلیٰ انہیں عمران خان کی مکمل حمایت حاصل ہے۔
صحافی عارف حیات کے مطابق خیبر پختونخوا میں پی ٹی آئی علی امین اور عاطف خان گروپ میں سخت مخالفت موجود ہے، اور صوبائی صدارت عاطف خان گروپ کے جنید اکبر کو دیے جانے کے بعد معاملات مزید گمبھیر ہوئے ہیں۔
ان کے مطابق علی امین اپنے مخالفین کی آواز برداشت نہیں کرتے اور اسی وجہ سے کابینہ میں کوئی ایسا شخص باقی نہیں رہا جو ان کے سامنے بات کر سکے۔ علی امین نے آہستہ آہستہ اپنی کابینہ کو ہومیوپیتھک کابینہ بنا دیا ہے، جس میں سارے فیصلے وہ خود کرتے ہیں اور سب ان کی ہاں میں ہاں ملاتے ہیں۔
مزید پڑھیں: اسٹیبلشمنٹ کے ساتھ تنازع ختم؟ عمران خان علی امین گنڈاپور ملاقات کے بعد بیرسٹر سیف کا بڑا دعویٰ
عارف حیات نے کہا کہ علی امین نے پارٹی میں مخالفین پر سب سے پہلا وار مالاکنڈ سے منتخب رکن شکیل خان کو کابینہ سے نکال کر کیا تھا، جو عاطف خان گروپ سے تعلق رکھتے تھے اور وزیراعلیٰ کے سامنے کھل کر بولتے تھے۔ اب کابینہ میں کوئی ایسا نہیں رہا جو ان کی پالیسیوں پر اعتراض کرے۔ یہ مکمل ہومیوپیتھک کابینہ ہے۔
عمران خان اپنی بہن کی شکایات کرنے والے علی امین سے مطمئن ہیں؟پی ٹی آئی کے سینئر رہنما نے دعویٰ کیا ہے کہ عمران خان نے کابینہ میں تبدیلی کا اختیار علی امین کو دیا ہے، لیکن ساتھ ہی انہیں یہ بھی کہا ہے کہ وہ اپنے معاملات درست کریں اور کارکردگی بہتر بنائیں۔
ان کے مطابق علی امین کے خلاف بھی عمران خان کو جیل میں مکمل رپورٹ ملتی ہے اور علیمہ خان بھی علی امین کے سخت مخالف ہیں۔ علی امین کو کہا گیا ہے کہ وہ 2 مہینوں میں کارکردگی بہتر کریں اور پارٹی کو کمزور کرنے کے بجائے مضبوط بنائیں۔
مزید پڑھیں: ایشیا کپ میں انڈیا کیخلاف پاکستان کی پے در پے شکست پر علی امین گنڈاپور برس پڑے
صوبائی کابینہ میں حالیہ ردوبدل اور نکالے گئے وزرا کے حوالے سے مؤقف لینے کے لیے ترجمان صوبائی حکومت سے بار بار رابطہ کرنے کی کوشش کی گئی، تاہم کوئی جواب نہ مل سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گنڈاپور
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ