چینی وزیر خارجہ کا دورہ بھارت
اشاعت کی تاریخ: 16th, August 2025 GMT
اسلام آباد (اُردو پوائنٹ ۔ DW اردو۔ 16 اگست 2025ء) چینی وزیرخارجہ یانگ یی اگلے ہفتے بھارت کے دورے کے دوران دونوں ممالک کے درمیان سرحدی تنازعات اور سرحدی تجارت کی بحالی کے موضوعات پر گفتگو کریں گے۔
بیجنگ میں چینی وزارت خارجہ کی جانب سے جاری کردہ ایک بیان میں کہا گیا ہے کہ ملکی وزیرخارجہ وانگ یی 18 سے 20 اگست تک نئی دہلی کی دعوت پر بھارت کا دورہ کریں گے اور چینی بھارتی سرحدی مسئلے پر 24 ویں خصوصی نمائندہ اجلاس میں شرکت کریں گے۔
ماضی میں بھی ہمالیائی سرحدی دروں کے راستے دونوں ہمسایہ ممالک کے درمیان تجارت کا حجم عموماً کم رہا ہے، مگر اس کا دوبارہ آغاز علامتی لحاظ سے اہمیت رکھتا ہے۔
یہ تجارت 2020 میں دونوں ممالک کے درمیان مہلک سرحدی جھڑپوں کے بعد روک دی گئی تھی۔
(جاری ہے)
وانگ یی کے بھارتی ہم منصب جے شنکر جولائی میں بیجنگ کا دورہ کر چکے ہیں۔
ایشیا کی یہ دونوں بڑی اقتصادی طاقتیں طویل عرصے سے خطے میں اسٹریٹیجک اثر و رسوخ کے لیے آپس میں مقابلہ کر رہی ہیں۔
تاہم امریکی صدر ڈونلڈ ٹرمپ کی تجارتی پابندیوں سے پیدا ہونے والی عالمی تجارتی اور جغرافیائی سیاسی ہلچل کے بعد انہوں نے تعلقات بہتر بنانے کی کوشش کی ہے۔ حالیہ ہفتوں میں چینی اور بھارتی حکام نے کہا ہے کہ دونوں ممالک سرحدی تجارت کی بحالی پر بات کر رہے ہیں۔
دونوں ہمسایہ ممالک کے درمیان براہ راست پروازوں کی بحالی اور سیاحتی ویزوں کے اجرا کے معاہدوں کو بھی تعلقات کی ازسر نو تعمیر کی کوشش کا حصہ سمجھا جا رہا ہے۔
ادارات: مقبول ملک
.ذریعہ: UrduPoint
کلیدی لفظ: تلاش کیجئے ممالک کے درمیان
پڑھیں:
پاکستان میں 4 ممالک کے نئے سفیر تعینات؛صدرمملکت کو اسناد پیش کیں
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان میں چارممالک آسٹریلیا،ماریشس،ڈنمارک،امارات کے نئے سفیر تعینات کردیئے گئے ،صدرِ مملکت آصف علی زرداری کو سفیروں نے اپنی اسنادِ سفارت پیش کردیں۔
ایوانِ صدر آمد پر غیر ملکی سفیروں کو پاک افواج کے چاق و چوبند دستے نے گارڈ آف آنر پیش کیا، صدر نے نئے تعینات سفیروں کو مبارک باد دیتے ہوئے دو طرفہ تعلقات کے مزید فروغ کی امید ظاہر کی۔
صدر نے آسٹریلیا کے ہائی کمشنر ٹم کین سے ملاقات میں تجارت، سرمایہ کاری اور تعلیم کے شعبوں میں تعاون بڑھانے پر زور دیتے ہوئے کہا کہ آسٹریلیا میں پاکستانی طلبہ اور کمیونٹی دونوں ممالک کے درمیان پل کا کردار ادا کر رہے ہیں۔
اُنہوں نے ماریشس کے ہائی کمشنر منصور کریم بخش سے ملاقات میں تجارت، سرمایہ کاری، زراعت، دفاع اور پارلیمانی روابط کے فروغ پر گفتگو کی اور کہا ماریشس کے ساتھ دیرینہ دوستانہ تعلقات مشترکہ ورثے اور ثقافتی ہم آہنگی پر مبنی ہیں۔
آصف زرداری کی ڈنمارک کی سفیر مایا مورٹینسن سے بھی ملاقات ہوئی جس میں تجارت، زراعت، ڈیری، ٹیکنالوجی اور انفراسٹرکچر میں تعاون بڑھانے پر بات چیت کی گئی، اُنہوں نے ڈنمارک کی پاکستان کے گرین ٹرانزیشن اور موسمیاتی تغیر کے ایجنڈے کی حمایت کو سراہا۔
صدرِ مملکت نے امارات کے سفیر سالم محمد سالم البواب الذابی سے ملاقات میں دو طرفہ تجارت، سلامتی اور دفاعی تعاون بڑھانے کی ضرورت کا اعادہ کرتے ہوئے کہنا تھا کہ پاکستان اور امارات کے تاریخی تعلقات باہمی اعتماد اور مشترکہ امن و خوشحالی کے جذبے پر قائم ہیں۔
27ویں آئینی ترمیم، اپوزیشن کا قومی اسمبلی اجلاس سے واک آؤٹ