تاجروں کے مسائل کو حل کرنا ریاست کی ذمہ داری ہے، ثروت اعجاز قادری
اشاعت کی تاریخ: 16th, August 2025 GMT
حیدری مارکیٹ کا دورہ کرتے ہوئے سربراہ پی ایس ٹی نے کہا کہ حکومت کو تاجروں کے مسائل کو فوری طور پر اولین درجے میں شامل کرنا چاہیئے، ٹیکس اصلاحات اور تاجر برادری کو درپیش دیگر مسائل کے حل کے لیے حکومت کی جانب سے کوئی اقدامات نہیں کیے جا رہے ہیں۔ اسلام ٹائمز۔ پاکستان سنی تحریک کے چیئرمین انجینئر ثروت اعجاز قادری اور آل تاجران سندھ اتحاد رجسٹرڈ کے چیئرمین محمد کاشف صابرانی نے حیدری مارکیٹ کا دورہ کِیا آل تاجران سندھ اتحاد رجسٹرڈ کے مرکزی نائب صدر عبدالقادر سوریہ نے شاندار استقبال کِیا جبکہ کراچی ڈویژن کے صدر جاوید صدیقی،فنانس سیکرٹری آفرین صدیقی، سینئر نائب عبداللہ بٹرا، جوائنٹ سیکرٹری عثمان شیخ، ایونٹ کمیٹی کے کنوینر انور غوری، ساتھ کے نائب صدر سلمان رضوان، طیب قادری، اِخلاق حسین، احد فاروقی، حیدری مارکیٹ کے سینئر تاجر محمد سلیم گلیریا، عزیر الدین فاروقی، محمد امیم صابرانی اور دیگر موجود تھے۔ اس موقع پر پاکستان سنی تحریک کے مرکزی کوآرڈینیٹر محمد طیب حسین قادری پاکستان سنی تحریک کراچی ڈویژن کے شہباز رضا قادری اور دیگر بھی موجود تھے۔ ثروت اعجاز قادری کے حیدری مارکیٹ کے دورے کے موقع پر تاجر برادری نے مارکیٹ کے مسائل اور دیگر اہم ایشوز کی نشاندہی بھی کی۔
ثروت اعجاز قادری نے گفتگو کرتے ہوئے کہا کہ ملک کی تعمیر و ترقی میں تاجروں کا بھی بہت اہم کردار ہے، ملک کی معیشت کو چلانے کے لیے تاجر برادری دن رات محنت کرتی ہے، تاجروں کے مسائل کو حل کرنا ریاست کی ذمہ داری ہے، تاجروں کو حکومت نے مسائل میں الجھایا ہوا ہے کبھی کوئی نیا ٹیکس آ جاتا ہے تو کبھی کوئی نئی پالیسی، حکومت کو چاہیئے کہ کوئی بھی پالیسی بنانے سے پہلے تاجر برادری سے ضرور مشاورت کی جائے، حالیہ ٹیکس اصلاحات اور تاجر برادری کو درپیش دیگر مسائل کے خلاف تاجروں کا ایک آواز ہوکر حکومت سے کیے جانے والے تمام مطالبات درست ہیں، حکومت کو تاجروں کے مسائل کو فوری طور پر اولین درجے میں شامل کرنا چاہیئے، ٹیکس اصلاحات اور تاجر برادری کو درپیش دیگر مسائل کے حل کے لیے حکومت کی جانب سے کوئی اقدامات نہیں کیے جا رہے ہیں۔
ذریعہ: Islam Times
کلیدی لفظ: تاجروں کے مسائل کو ثروت اعجاز قادری حیدری مارکیٹ تاجر برادری
پڑھیں:
میڈیا کا کام حکومت سے سوال کرنا ہے نہ کہ اسکی تشہیر، ملکارجن کھڑگے
کانگریس صدر نے اپنے پیغام میں تمام صحافیوں اور میڈیا اہلکاروں کو نیشنل پریس ڈے کی مبارکباد دیتے ہوئے کہا کہ میڈیا ملک کے جمہوری اداروں کا محافظ ہے اور اسکی سب سے بڑی ذمہ داری ہے کہ وہ بے خوف ہوکر سچ سامنے لائے۔ اسلام ٹائمز۔ نیشنل پریس ڈے کے موقع پر کانگریس کمیٹی کے صدر ملکارجن کھڑگے اور کانگریس کے سرکاری ہینڈل نے آزاد، بے باک اور ذمہ دار صحافت کی اہمیت کو اجاگر کرتے ہوئے میڈیا کے کردار پر بھرپور روشنی ڈالی۔ دونوں بیانات میں کہا گیا کہ ایک مضبوط اور شفاف جمہوریت کے لئے ضروری ہے کہ پریس دباؤ سے آزاد ہو، سچ بولے اور حکومت کی ہر کارروائی پر سوال اٹھا سکے۔ ملکارجن کھڑگے نے ایکس پر جاری اپنے پیغام میں تمام صحافیوں اور میڈیا اہلکاروں کو نیشنل پریس ڈے کی مبارکباد دیتے ہوئے کہا کہ میڈیا ملک کے جمہوری اداروں کا محافظ ہے اور اس کی سب سے بڑی ذمہ داری ہے کہ وہ بے خوف ہو کر سچ سامنے لائے۔ انہوں نے کہا کہ میڈیا کا اصل کام صرف حکومت کے بیانیے کو بڑھانا یا اس کی ناکامیوں کو چھپانا نہیں بلکہ ہر قدم پر حکومت اور وزیر اعظم سے سوال کرنا ہے، کیونکہ یہی جمہوریت کی اصل روح ہے۔
ملکارجن کھڑگے نے کہا کہ میڈیا کو چاہیئے کہ وہ کسی خوف یا مصلحت کے بغیر کام کرے۔ انہوں نے اپنے پیغام میں کہا کہ ایک حقیقی آزاد پریس کبھی بھی حکومت کے تعصبات کا آلہ کار نہیں بنتا، بلکہ وہ حکومت کے ہر اقدام کو جانچتا ہے اور عوام کے سامنے حقائق رکھتا ہے۔ ادھر کانگریس کے آفیشل ہینڈل سے جاری بیان میں کہا گیا کہ ہندوستان کی جمہوریت ایک آزاد اور بے خوف پریس پر قائم ہے۔ بیان میں کہا گیا کہ کانگریس نے ہمیشہ پریس کی آزادی، شہریوں کے حقِ معلومات اور صحافیوں کے تحفظ کے لئے آواز اٹھائی ہے۔ کانگریس نے آزاد صحافت کو جمہوری عمل کا بنیادی ستون قرار دیا اور کہا کہ صحافیوں کو اپنے فرائض انجام دینے کے لئے ایسا ماحول فراہم کیا جانا چاہیے جہاں وہ دباؤ یا خطرے کے بغیر سچ کہہ سکیں۔
خیال رہے کہ نیشنل پریس ڈے ہر سال 16 نومبر کو منایا جاتا ہے۔ یہ وہ دن ہے جب 1966ء میں پریس کونسل آف انڈیا کا قیام عمل میں آیا تھا، جس کا بنیادی مقصد ملک میں پریس کی آزادی کا تحفظ کرنا اور صحافتی اقدار کی نگرانی کرنا ہے۔ یہ دن صحافیوں کے کردار، میڈیا کی آزادی اور عوام کو باخبر رکھنے کے عمل کی اہمیت یاد دلاتا ہے۔ نیشنل پریس ڈے کا مقصد یہ بھی ہے کہ صحافتی دنیا کو درپیش چیلنجز، خطرات اور دباؤ پر گفتگو کی جائے اور ایک ایسے ماحول کی وکالت کی جائے جہاں پریس آزادانہ طور پر اپنا فریضہ انجام دے سکے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن