ایک طرف بھارت کو شکست دینے والے، دوسری جانب 9 مئی کے ذمہ دار: عطا تارڑ
اشاعت کی تاریخ: 17th, August 2025 GMT
وزیرآباد‘ اسلام آباد (نامہ نگار + اپنے سٹاف رپورٹر سے) این اے 66 کے ضمنی انتخاب کے سلسلہ میں پہلے انتخابی جلسہ و ورکر کنونشن میں وزیر اطلاعات و نشریات عطاء تارڑ نے خطاب کیا۔ انہوں نے کہا کہ ملک کو معاشی طور پر مستحکم کرنے والی جماعت مسلم لیگ (ن) ہے جس نے ملکی دفاع کو ناقابل تسخیر بنایا۔ ملک میں ایک طرف وہ لوگ ہیں جنہوں نے آپریشن بنیان مرصوص کے دوران پاکستان کا مؤقف دنیا کے سامنے کامیابی سے پیش کیا، جبکہ دوسری طرف وہ لوگ جو 9 مئی والے ہیں آپ اور ہم نے ترقی کے راستے کا انتخاب کرنے والوں کیساتھ چلنا ہے۔ ملک کے ساتھ چلنے والوں کے ساتھ چلنا ہے۔ ورکر کنونشن کے میزبان چوہدری مستنصر علی گوندل‘ سائرہ افضل تارڑ، شازیہ فرید، چوہدری بلال فاروق تارڑ، عدنان افضل چٹھہ، وقار احمد چیمہ، بیگم طلعت شوکت منظور، برگیڈیئر (ر) بابر علاؤالدین نے بھی خطاب کیا اور عطاء تارڑ کے بھائی بلال فاروق تارڑ کو ٹکٹ ملنے پر مبارکباد دی۔ بیگم طلعت شوکت چیمہ، عمر گوندل ، احمد شاہنواز چیمہ، عدنان انور چیمہ، حیدر گوندل، میاں مدثر نذیر، عنصر محمود سندھو، محمد ادریس سپال، خواجہ محمد شعیب، عمران اکرم ٹھکراء، میاں منصورالرحمن، ڈاکٹر فرح ادیبا گوندل و دیگر نے بھی خطاب کیا۔ مقررین نے کہا کہ وزیرآباد مسلم لیگ کا گڑھ رہا ہے اور حلقہ کے عوام مسلم لیگ ن کی قیادت سے والہانہ محبت کرتے ہیں۔ 18 ستمبر کو بلال فاروق تارڑ بھاری لیڈ سے ضمنی الیکشن میں کامیاب ہونگے۔ بلال فاروق تارڑ نے کہا کہ اہل وزیرآباد کو مایوس نہیں کروں گا۔ ترقی کا نیا دور شروع ہوگا، میں نہیں میرے ورکر میرے بھائی اور میرے حلقہ کے عوام ایم این اے ہوں گے۔ وزیر اطلاعات و نشریات عطاء اللہ تارڑ نے کہا کہ مسلم لیگ ن ایک نظریاتی اور اجتماعی سوچ کی حامل جماعت ہے جو ہمیشہ مشکل وقت میں عوام کے ساتھ کھڑی رہی ہے۔ میرے اس شہر اور اس حلقہ کے لوگ گواہ ہیں کہ مجھے اس حلقہ میں دو دفعہ گرفتار کیا گیا لیکن میں اپنے کارکنوں کو چھوڑ کر نہیں بھاگا۔ مقدمات کا سامنا کیا میرا آپ سے وعدہ ہے کہ اب وقت آگیا سیاست کو ڈرائنگ روم سے نکال کر گلی محلوں میں لے جائیں گے۔ میری پارٹی جانتی ہے اور آپ سب جانتے ہیں کہ جب پارٹی پر مشکل وقت تھا، میں نہ صرف قیادت بلکہ اپنے کارکنوں کے ساتھ کھڑا رہا۔ مخالفین کے دباؤ میں نہیں آیا۔ الیکشن کا باقاعدہ آغاز ہو گیا، ہم گلی محلے تک پہنچیں گے، اپنے ایک ایک کارکن تک خود چل کر جائیں گے اور ان کے حقوق کا تحفظ یقینی بنائیں گے۔ جو لوگ ان پر مقدمات درج کرانے کے دعوے کرتے تھے، وقت نے ان کی دوڑیں لگوا دیں۔ ایک طرف وہ لوگ ہیں جنہوں نے آپریشن بنیان مرصوص کے دوران پاکستان کا مؤقف دنیا کے سامنے کامیابی سے پیش کیا، جبکہ دوسری طرف وہ لوگ ہیں جو 9 مئی جیسے واقعات کے ذمہ دار ہیں جنہوں نے اپنے ہیروز کی یادگاروں پر حملہ کیا، ایک طرف بھارت کو شکست فاش دینے والے لوگ ہیں اور دوسری جانب 9 مئی والے وہ حلقے کے عوام کو کبھی مایوس نہیں کریں گے۔ قبل ازیں مسلم لیگ (ن) نے این اے 66 وزیرآباد کے لئے بلال فاروق تارڑ کو ٹکٹ جاری کر دیا جس کا نوٹیفکیشن جاری کر دیا گیا۔ وزیر اطلاعات عطاء اللہ تارڑ نے کہا کہ اللہ تعالیٰ کا شکر ہے ہم اپنے رب کے آگے سربسجود ہیں۔ نوازشریف اور وزیراعظم شہبازشریف کے شکر گزار ہیں۔ پارٹی نے ہم پر جس اعتماد کا اظہارکیا اس پر پورا اترنے کی کوشش کریں گے۔ سب کو ساتھ لیکر چلیں گے، پارلیمانی بورڈ کے تمام ارکان کا شکریہ ادا کرتے ہیں۔ یہ ٹکٹ پارٹی اورکارکنوں کی امانت ہے، وفاداری اور محنت سے چلیں گے۔ عطاء اللہ تارڑ نے پاکستان اور بنگلہ دیش کے درمیان بڑھتے ہوئے روابط پر اطمینان کا اظہار کرتے ہوئے کہا ہے کہ حکومت سیاسی، اقتصادی اور ثقافتی شعبوں میں بنگلہ دیش کے ساتھ تعاون کو مزید مضبوط بنانے کے لئے پرعزم ہے۔ یہ بات انہوں نے بنگلہ دیش کے ہائی کمشنر محمد اقبال حسین خان سے ملاقات میں کہی۔ ملاقات میں پاکستان۔ بنگلہ دیش تعلقات، خطے کی صورتحال اور میڈیا کے شعبے میں تعاون کے فروغ پر تفصیلی تبادلہ خیال ہوا۔ بنگلہ دیش کے ہائی کمشر محمد اقبال یونس نے دوطرفہ تعلقات کو مضبوط بنانے کی خواہش کا اعادہ کیا اور کہا کہ پاکستان اور بنگلہ دیش کے درمیان دوستی کا تاریخی بندھن ہمیشہ قائم رہے گا۔ اس موقع پر وفاقی سیکرٹری اطلاعات عنبرین جان اور پرنسپل انفارمیشن آفیسر مبشر حسن بھی موجود تھے۔ عطاء اللہ تارڑ نے ایکس پوسٹ میں کہا ہے ہر کامیاب حکمت عملی کے پیچھے پوری ٹیم کا ہاتھ ہوتا ہے۔ وزارت اطلاعات نے جس طریقے سے معرکہ حق کے دوران بیانیے کی جنگ لڑی الحمدللہ، اس میں بہت سے لوگوں کی کاوش ہے۔ عطاء اللہ تارڑ نے کہا کہ اس میں سے ایک شخص جس نے بھرپور محنت کی اور حکمت عملی کو کامیاب کرنے میں بھرپور کردار ادا کیا، ان کا نام تصور عرفات چوہدری ہے، میں ان کی خدمات کا معترف ہوں۔
.ذریعہ: Nawaiwaqt
کلیدی لفظ: عطاء اللہ تارڑ نے بلال فاروق تارڑ تارڑ نے کہا کہ بنگلہ دیش کے طرف وہ لوگ مسلم لیگ لوگ ہیں ایک طرف کے ساتھ
پڑھیں:
وفاقی وزیر عطا اللہ تارڑ کونشان امتیاز ،سیکرٹری اطلاعات عنبرین جان ،مبشر حسن اورراشد محمود ملک کو ستارہ امتیاز عطا
وفاقی وزیر عطا اللہ تارڑ کونشان امتیاز ،سیکرٹری اطلاعات عنبرین جان ،مبشر حسن اورراشد محمود ملک کو ستارہ امتیاز عطا WhatsAppFacebookTwitter 0 14 August, 2025 سب نیوز
اسلام آباد (سب نیوز)پاکستان کے 78ویں یوم آزادی کے موقع پر ایوان صدر میں شاندار تقریب کا انعقاد کیا گیا، جس میں نمایاں قومی خدمات انجام دینے والی سول و عسکری شخصیات کو مختلف اعزازات سے نوازا گیا۔
تقریب میں صدر مملکت، وزیر اعظم شہباز شریف، فیلڈ مارشل سید عاصم منیر، چیئرمین سینیٹ، اسپیکر قومی اسمبلی، بلاول بھٹو زرداری، آصفہ بھٹو زرداری اور دیگر اعلی شخصیات شریک ہوئیں۔وفاقی وزیر اطلاعات و نشریات عطا اللہ تارڑ کو حالیہ پاک بھارت کشیدگی کے دوران قومی بیانیہ عالمی سطح پر موثر اور کامیاب انداز میں پیش کرنے پر نشان امتیاز عطا کیا گیا۔ معرکہ حق کے دوران صحافت کے شعبے میں اہم کردار پرسیکرٹری اطلاعات و نشریات عنبرین جان ، پرنسپل انفارمیشن آفیسر مبشر حسن اور وزیراعظم کے تقریر نویس راشد محمود ملک کو ستارہ امتیاز سے نوازا گیا۔
واضح رہے کہ پاکستان اور بھارت کے درمیان کشیدہ صورتحال میں عطا اللہ تارڑ نے سول و عسکری اداروں کی جانب سے اطلاعات کی ترسیل میں کامل ہم آہنگی پیدا کر کے بھارت کے جھوٹے پروپیگنڈے کو کامیابی سے ناکام بنایا اور پاکستان کے موقف کو عالمی فورمز پر بھرپور انداز میں اجاگر کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرٹریڈنگ کارپوریشن نے 2لاکھ ٹن چینی کی درآمد کیلئے ایک اور ٹینڈر جاری کردیا ٹریڈنگ کارپوریشن نے 2لاکھ ٹن چینی کی درآمد کیلئے ایک اور ٹینڈر جاری کردیا چنیوٹ ، جشن آزادی پر وفاقی وزیر سرمایہ کاری بورڈ کا موٹرسائیکل سواروں کو مفت پیٹرول کا تحفہ بھارتی جارحیت کا منہ توڑ جواب دیا، کشمیریوں کی حمایت جاری رکھیں گے، امیر مقام انسانی حقوق کی سنگین خلاف ورزیاں، امریکی رپورٹ نے مودی سرکار کا کچا چٹھا کھول دیا عدالتی فیسوں میں اضافے پر سپریم کورٹ اور بار آمنے سامنے نئی دہلی میں پاکستانی ہائی کمیشن میں یومِ آزادی کی پروقار تقریب کا انعقادCopyright © 2025, All Rights Reserved
رابطہ کریں ہمارے بارے ہماری ٹیم
33 دہشت گردوں کو جہنم واصل کرنا پاک افواج کا عظیم کارنامہ ہے، حنیف عباسی