عوام ایکسپریس چند روز میں دوسری بار حادثے کا شکار، ایک مسافر جاں بحق 19 زخمی
اشاعت کی تاریخ: 17th, August 2025 GMT
لودھراں ( اُردو پوائنٹ اخبارتازہ ترین۔ 17 اگست 2025ء ) عوام ایکسپریس چند روز میں دوسری بار حادثے کا شکار ہوگئی جس کے نتیجے میں ایک مسافر جاں بحق 19 زخمی ہوگئے۔ تفصیلات کے مطابق پشاور سے کراچی کی طرف جانے والی عوام ایکسپریس ٹرین کو صوبہ پنجاب میں لودھراں جنکشن کے قریب خوفناک حادثہ پیش آیا، رات گئے حادثے کا شکار ہونے والی ٹرین آگے کھڑی ہوئی مال گاڑی کے انجن سے جا ٹکرائی، اس حادثے کے نتیجے میں ایک مسافر جاں بحق اور 19 افراد زخمی ہوگئے، جن میں سے دو کی حالت تشویش ناک بتائی گئی ہے، زخمیوں اور لاش کو فوری طور پر ڈی ایچ کیو ہسپتال منتقل کردیا گیا۔
ریسکیو حکام کا کہنا ہے کہ تصادم کے باعث عوام ایکسپریس کی 5 بوگیاں ریلوے ٹریک سے اترگئیں، جن میں سے تین کو شدید نقصان پہنچا، حادثے کی اطلاع ملتے ہی امدادی ٹیمیں جائے وقوعہ پر پہنچ گئیں اور بوگیوں میں پھنسے مسافروں کو نکال کر ہسپتال منتقل کیا، تاہم حادثے کے باعث اپ اور ڈاؤن ٹریک پر ٹرینوں کی آمدورفت متاثر نہیں ہوئی اور بعد ازاں عوام ایکسپریس کو بھی مرمت اور کلیئرنس کے بعد دوبارہ روانہ کردیا گیا۔(جاری ہے)
خیال رہے کہ چند روز قبل ایک حادثہ رحیم یار خان کے قریب ہوا تھا جہاں عوام ایکسپریس حدثے کا شکار ہوئی جس کی وجہ سے عوام ایکسپریس کی 3 بوگیاں پٹری سے اترگئی تھیں، حادثے کا شکار بوگیوں کو ٹرین سے الگ کر دیا گیا، جس کو اس وقت حادثہ ہوا جب ٹرین پشاور سے کراچی جا رہی تھی کہ اس دوران خان پور سٹی پھاٹک پر حادثے کا شکار ہوئی، حادثے کی وجہ فوری طور پر معلوم نہیں ہوسکی، حادثے میں کوئی جانی نقصان نہیں ہوا تاہم ڈاؤن ٹریک پر ٹرینوں کی آمد و رفت معطل ہوگئی تھی۔ .ذریعہ: UrduPoint
کلیدی لفظ: تلاش کیجئے عوام ایکسپریس حادثے کا شکار
پڑھیں:
کوٹری: مال بردار ٹرین کا انجن پٹڑی سے اتر گیا، کراچی جانے والی ٹرینیں متاثر
data-id="863a0a8" data-element_type="widget" data-widget_type="theme-post-content.default">
جامشورو: کوٹری ریلوے اسٹیشن کے قریب ایک ریل حادثہ پیش آیا، جس میں ایک مال بردار ٹرین کا انجن اچانک پٹڑی سے اتر گیا۔
حادثے کے بعد کراچی جانے والا ڈاؤن ٹریک مکمل طور پر معطل ہوگیا جس کے باعث درجنوں مسافر گاڑیاں متاثر ہوئیں۔ ریلوے حکام نے فوری کارروائی کرتے ہوئے انجن کو ٹرین سے علیحدہ کر کے بحالی کا کام شروع کیا۔
ریلوے ذرائع کے مطابق ڈاؤن ٹریک بند ہونے کے بعد حیدرآباد اسٹیشن پر کئی مسافر ٹرینیں روک لی گئیں، جن میں خیبر میل ایکسپریس، ذکریا ایکسپریس اور دیگر شامل ہیں۔ اسی دوران پنجاب سے کراچی آنے والی متعدد گاڑیاں بھی متاثر ہوئیں اور انہیں عارضی طور پر حیدرآباد اسٹیشن پر کھڑا کیا گیا۔
حادثے کے مقام پر کئی گھنٹوں بعد کرین کی مدد سے انجن کو دوبارہ پٹڑی پر چڑھانے کا عمل شروع کیا گیا۔ ریلوے حکام کا کہنا ہے کہ جیسے ہی انجن کو ہٹا کر ٹریک کلیئر کر لیا جائے گا، متاثرہ ٹرینوں کی آمد و رفت فوری طور پر بحال کر دی جائے گی۔
انتظامیہ کے مطابق خوش قسمتی سے اس واقعے میں کوئی جانی نقصان نہیں ہوا، تاہم حادثے کی وجوہات جاننے کے لیے باقاعدہ انکوائری شروع کر دی گئی ہے تاکہ مستقبل میں اس طرح کے واقعات سے بچا جا سکے۔
ریلوے حکام کا کہنا ہے کہ بحالی کے عمل کے دوران مسافروں کو زیادہ سے زیادہ سہولت دینے کی کوشش کی جا رہی ہے، لیکن ڈاؤن ٹریک بند ہونے سے نظامِ آمدورفت بری طرح متاثر ہوا ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری