روس ملٹری تھیم پارک کے سابق سربراہ کو تعمیراتی فراڈ پر 5 سال قید
اشاعت کی تاریخ: 17th, August 2025 GMT
روس کی مقامی عدالت نے ملٹری تھیم پارک “پیٹریاٹ پارک” کے سابق ڈائریکٹر ویچسلاو احمدوف کو ریاستی تعمیراتی معاہدوں میں دھوکا دہی کے الزام میں 5 سال قید کی سزا سنا دی۔
ماسکو ٹائمز کے مطابق احمدوف اور وزارت دفاع کے سابق اعلیٰ اہلکار ولادیمیر شیسٹیروف کو گزشتہ برس گرفتار کیا گیا تھا۔ ان پر پیٹریاٹ پارک کی تعمیراتی سرگرمیوں میں کرپشن اور دستاویزات میں جعلسازی کے الزامات تھے۔
مزید پڑھیں: صدر ٹرمپ نے روس-یوکرین کے درمیان جاری ہولناک جنگ کے خاتمے کا فارمولہ پیش کر دیا
بعد ازاں دونوں نے اعتراف جرم کرتے ہوئے سابق نائب وزیر دفاع پاویل پوپووف کے خلاف گواہی دی۔ شیسٹیروف کو گذشتہ ماہ 6 سال قید کی سزا سنائی گئی تھی۔
اوڈنتسوو شہر کی عدالت نے احمدوف کو بڑے پیمانے پر فراڈ اور جعلسازی کا مرتکب قرار دیتے ہوئے 5 سال قیدِ بامشقت، 3 لاکھ روبل (قریباً 3,700 ڈالر) جرمانہ اور 2 سال کے لیے کسی بھی سرکاری عہدے پر فائز ہونے پر پابندی عائد کی تھی۔
عدالت نے ان کے تمام ریاستی اعزازات بھی واپس لے لیے تھے۔ استغاثہ نے ان کے لیے 6 سال قید اور 6 لاکھ روبل جرمانے کی سفارش کی تھی۔
مزید پڑھیں: روس ایران میں چھوٹے جوہری توانائی کے پلانٹس بنائے گا؟
عدالتی فیصلے کے تحت وزارت دفاع کو سول مقدمے میں 1.
تحقیقات کے مطابق سابق نائب وزیر دفاع پوپووف نے احمدوف اور شیسٹیروف کو ماسکو ریجن میں اپنی نجی جائیداد پر ایک مکمل 2 منزلہ گھر، گیراج، گیسٹ ہاؤس اور باتھ ہاؤس تعمیر کروانے کی ہدایت دی تھی۔
26 ملین روبل (3 لاکھ 20 ہزار ڈالر) کی تعمیر کو پیٹریاٹ پارک کے منصوبوں میں ظاہر کیا گیا اور سرکاری کاغذات میں جعلی اندراج کیا گیا۔
مزید پڑھیں: امریکا نے روسی کرپٹو اسکیم میں گرفتاریوں پر 60 لاکھ ڈالر انعام رکھ دیا
پوپووف کے خلاف رشوت، اختیارات کے ناجائز استعمال، دھوکا دہی اور غیر قانونی اسلحہ رکھنے کے متعدد مقدمات زیر سماعت ہیں۔ یہ گرفتاریاں گزشتہ برس وزارت دفاع میں بڑے پیمانے پر کی گئی انسدادِ کرپشن کارروائیوں کا حصہ ہیں۔
پیٹریاٹ پارک، جو ماسکو کے مغرب میں 60 کلومیٹر دور کوبینکا میں واقع ہے، روسی فوج کا ایک تھیم پارک اور نمائش گاہ ہے، جہاں ہتھیاروں اور فوجی سازوسامان کی نمائش کے ساتھ ساتھ آرمی کے نام سے ایک عظیم گرجا گھر بھی قائم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس روس ملٹری تھیم پارک روسی ملٹری تھیم پارک ماسکو ٹائمز
ذریعہ
ذریعہ: WE News
کلیدی لفظ: روس ملٹری تھیم پارک روسی ملٹری تھیم پارک ماسکو ٹائمز سال قید
پڑھیں:
گوگل کی مالک کمپنی الفابیٹ کا اے آئی پر 80 ارب ڈالر خرچ کرنے کا بڑا فیصلہ
اسلام آباد: مری میں بیچلرز کے داخلے پر پابندی سے متعلق سوشل میڈیا پر گردش کرنے والے دعوؤں کی حقیقت سامنے آگئی ہے۔ مختلف پلیٹ فارمز پر یہ خبریں وائرل ہو رہی تھیں کہ عیدالاضحیٰ سے قبل مری میں غیر شادی شدہ مردوں یا بیچلرز کے داخلے پر مکمل پابندی عائد کر دی گئی ہے، تاہم سرکاری وضاحت نے ان دعوؤں کو غلط قرار دے دیا ہے۔
سوشل میڈیا پوسٹس میں دعویٰ کیا جا رہا تھا کہ دفعہ 144 کے نفاذ کے بعد مری شہر میں صرف فیملیز کو داخلے کی اجازت ہوگی جبکہ بیچلرز کو مکمل طور پر روک دیا گیا ہے۔ تاہم ضلعی انتظامیہ کے مطابق ایسی کوئی پابندی پورے مری شہر پر نافذ نہیں کی گئی۔
انتظامیہ کا کہنا ہے کہ پابندی صرف مال روڈ کے مخصوص حصے تک محدود تھی، جہاں سیاحوں کے رش اور نظم و ضبط کو برقرار رکھنے کے لیے اکیلے آنے والے مردوں اور بیچلرز گروپس کے داخلے پر عارضی پابندی لگائی گئی تھی۔ فیملیز کو معمول کے مطابق مال روڈ جانے کی اجازت دی گئی تھی۔
ایڈیشنل ڈپٹی کمشنر (جنرل) مری کامران صغیر کے مطابق دفعہ 144 کا اطلاق صرف مال روڈ تک محدود تھا اور 31 مئی تک نافذ رہی۔ ان کا کہنا تھا کہ مری شہر میں آنے والے تمام سیاحوں کے لیے راستے کھلے تھے اور بیچلرز کے شہر میں داخلے پر کوئی مکمل پابندی نہیں تھی۔
ضلعی انتظامیہ کی جانب سے جاری نوٹیفکیشن میں بھی واضح کیا گیا تھا کہ یہ اقدام صرف سیاحتی سہولیات بہتر بنانے اور ہجوم کو منظم رکھنے کے لیے کیا گیا تھا۔
اس طرح مری میں بیچلرز کے داخلے پر پابندی کے حوالے سے وائرل ہونے والا دعویٰ حقیقت کے برعکس ثابت ہوا۔ مری بدستور تمام سیاحوں کے لیے کھلا ہے جبکہ پابندی صرف مال روڈ کے مخصوص علاقے تک محدود رہی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ