شہزادہ ولیم و اہلخانہ کا ایڈیلیڈ کاٹیج چھوڑ کر فاریسٹ لاج منتقل ہونے کا اعلان، نئے پڑوسی پریشان
اشاعت کی تاریخ: 17th, August 2025 GMT
ایسا صرف ہمارے ملک میں ہی نہیں ہوتا کہ کوئی ہائی پروفائل شخصیت پڑوس میں آبسے تو اکثر پرانے پڑوسیوں کی زندگی دوبھر ہوجائے یا بسا اوقات انہیں وہاں سے منتقل ہونے پر مجبور کیا جانے لگے بلکہ ایسا برطانیہ میں بھی ممکن ہے جہاں سلطنت کے ولی عہد اور ان کے اہلخانہ پرانا گھر چھوڑ کر دوسری جگہ جا رہے ہیں اور وہاں کے پرانے پروسیوں سے جگہ چھوڑنے کے لیے کہا جا رہا ہے۔
شہزادہ ولیم اور شہزادی کیٹ اپنے 3 بچوں کے ہمراہ اس سال کے آخر میں ونڈسر گریٹ پارک میں واقع تاریخی فاریسٹ لاج میں منتقل ہو رہے ہیں۔ یہ اقدام نہ صرف رہائش کی تبدیلی ہے بلکہ ایک نئے باب کا آغاز ہے جس کے ذریعے وہ ایڈیلیڈ کاٹیج میں گزاری گئی چند تلخ یادوں کو پیچھے چھوڑنا چاہتے ہیں۔
برطانوی میڈیا کے مطابق کنسنگٹن پیلس کے ترجمان نے تصدیق کی ہے کہ ویلز فیملی بعد ازاں اس سال اپنے موجودہ گھر سے روانہ ہو گی۔ ذرائع کے مطابق شہزادہ اور شہزادی کے لیے ایڈیلیڈ کاٹیج کئی ناخوشگوار یادوں کی علامت بن چکا ہے۔
شہزادہ اور شہزادی موجودہ رہائشگاہ کیوں چھوڑنا چاہتے ہیں؟شہزادے اور ان کے اہل خانہ کے موجودہ گھر چھوڑنے کی وجہ یہ ہے کہ وہاں انہیں کچھ تلخ حالات کا سامنا کرنا پڑا۔
اگست 2022 میں اس گھر میں منتقل ہونے کے کچھ ہی ہفتوں بعد ملکہ الزبتھ دوم کا انتقال ہوا اور بعد ازاں سنہ 2024 میں شہزادی کیٹ کو کینسر کی تشخیص ہوئی جس کے بعد وہ اسی رہائشگاہ میں زیر علاج رہیں۔
ایک قریبی ذریعے نے بتایا کہ گزشتہ کچھ سالوں میں ایڈیلیڈ کاٹیج میں زندگی ان کے لیے خاصی مشکل رہی۔ اب یہ تبدیلی ایک نیا آغاز ایک اور نئی زندگی کی طرف قدم ہے، ایسی جگہ جہاں وہ زیادہ پرسکون اور مثبت ماحول میں رہ سکیں۔
تین سو 28 سالہ قدیم فاریسٹ لاج گریڈ II درجے کی 8 کمروں پر مشتمل شاندار جارجیائی عمارت ہے اور ایڈیلیڈ کاٹیج کے نزدیک ہی واقع ہے۔ اس عمارت کی مالیت تقریباً 1.
ان کی یہ شاہی نقل مکانی مکمل طور پر پرسکون نہیں رہی۔ حالیہ اطلاعات کے مطابق فاریسٹ لاج کے قریب واقع 2 گھروں میں مقیم خاندانوں کو رواں موسم گرما میں اچانک منتقل ہونے کے لیے کہا گیا جس پر وہ حیران رہ گئے۔ اگرچہ انہیں رسمی بے دخلی کے نوٹس نہیں دیے گئے لیکن انہیں متبادل میں گریٹ پارک میں ہی بہتر رہائش فراہم کی گئی ہے۔
ایک مقامی ذریعے نے اس پر تبصرہ کرتے ہوئے کہا کہ وہ مکانات فاریسٹ لاج کے بالکل قریب ہیں اور ظاہر ہے کہ اگر وہاں شاہی خاندان مقیم ہو گا تو وہ نہیں چاہیں گے کہ کوئی بھی عام شخص ان کے آس پاس رہے۔
شہزادہ ولیم اور شہزادی کیٹ اس گھر کو اپنا ’ہمیشہ کا گھر‘ سمجھتے ہیں اور اس کو ایک ایسی جگہ گردانتے ہیں جہاں وہ اپنے بچوں کے ساتھ لمبے عرصے تک رہ سکیں، یہاں تک کہ شہزادہ ولیم کی تخت نشینی کے بعد بھی۔
جوڑے کی یہ بھی خواہش ہے کہ ان کی نئی رہائشگاہ میں کوئی مستقل عملہ نہ ہو تاکہ خاندان کو مکمل نجی زندگی میسر آ سکے۔
کنسنگٹن پیلس نے ہفتہ 16 اگست کو تصدیق کی کہ شہزادہ اور شہزادی آف ویلز اپنے بچوں شہزادہ جارج، شہزادی شارلٹ اور شہزادہ لوئس کے ہمراہ ایڈیلیڈ کاٹیج چھوڑ کر فاریسٹ لاج منتقل ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانوی شاہی خاندان شہزادہ ولیم شہزادہ ولیم کی نئی رہائشگاہ شہزادی کیٹذریعہ: WE News
کلیدی لفظ: برطانوی شاہی خاندان شہزادہ ولیم شہزادی کیٹ شہزادہ ولیم فاریسٹ لاج شہزادی کیٹ اور شہزادی منتقل ہونے منتقل ہو رہے ہیں ہیں اور کے لیے
پڑھیں:
وزیرِخارجہ اسحاق ڈار اور سعودی وزیرِخارجہ شہزادہ فیصل بن فرحان کی ٹیلی فونک گفتگو، غزہ کی صورتحال پر تبادلہ خیال
اسلام آباد(ڈیلی پاکستان آن لائن)وزیرِخارجہ اسحاق ڈار اور سعودی وزیرِخارجہ شہزادہ فیصل بن فرحان کی ٹیلی فونک گفتگو ہوئی، دونوں وزرائے خارجہ نے غزہ کی صورتحال پر تبادلہ خیال کیا۔ترجمان دفتر خارجہ کے مطابق دونوں رہنماؤں نے علاقائی صورتحال بالخصوص غزہ صورتحال پر تبادلہ خیال کیا۔ترجمان نے بتایا کہ دونوں رہنماؤں نے نیویارک میں اسلامی ممالک کی امریکا سے مشاورت اور سفارتی کوششوں کا جائزہ لیا۔
ان کوششوں کا مقصد فوری اور پائیدار جنگ بندی، بلا رکاوٹ انسانی امداد اور غزہ میں دیرپا امن کا قیام ہے۔اسحاق ڈار نے سعودی وزیرِخارجہ کے مثبت کردار اور سفارتی کوششوں کو سراہا۔دونوں رہنماؤں نے امریکی صدر کی پیشکش اور حماس کے جواب پر بھی تبادلہ خیال کیا۔دونوں ممالک کے وزرائے خارجہ کے درمیان فلسطینی کاز کے لیے اپنی غیر متزلزل حمایت کا اعادہ کیا گیا اور عالمی برادری کے ساتھ قریبی رابطے جاری رکھنے پر اتفاق ہوا۔
بالاج قتل کیس کے مرکزی ملزم طیفی بٹ کی گرفتاری کی اندرونی کہانی سامنے آگئی
مزید :
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری