رانا ثناء کو سینیٹر بنانے کا فیصلہ، پارٹی نے ٹکٹ جاری کر دیا: مریم اورنگزیب
اشاعت کی تاریخ: 19th, August 2025 GMT
اسلام آباد (نوائے وقت رپورٹ) پاکستان مسلم لیگ (ن) نے سینئر رہنما اور وفاقی وزیر رانا ثناء اللہ خان کو سینیٹر بنانے کا فیصلہ کر لیا۔ پنجاب کی سینئر وزیر اور انفارمیشن سیکرٹری پاکستان مسلم لیگ (ن) مریم اورنگزیب نے سماجی رابطے کی ویب سائٹ ایکس پر جاری اپنے بیان میں پارٹی کے فیصلے سے آگاہ کیا۔ اپنے پیغام میں انہوں نے کہا پاکستان مسلم لیگ (ن) کے صدر نواز شریف نے رانا ثناء اللہ خان کو پنجاب اسمبلی سے سینٹ کی جنرل نشست پر ٹکٹ جاری کر دیا۔ انہوں نے مزید کہا اعجاز چوہدری کی نااہلی سے خالی نشست پر انتخاب 9 ستمبر کو ہو گا۔
.ذریعہ: Nawaiwaqt
پڑھیں:
حکومت کا قانون سازی میں ساتھ نہیں دیں گے، سینیٹر پلوشہ خان
پاکستان پیپلز پارٹی (پی پی پی) کی سینیٹر پلوشہ خان نے کہا ہے کہ پنجاب کسی کی ملکیت نہیں، یہ لہجے ہمیں پھر بڑے سانحے کی طرف لے جائیں گے۔
جیو نیوز کے پروگرام کیپٹل ٹاک میں پلوشہ خان اور ن لیگی سینیٹر افنان اللّٰہ خان نے شرکت کی اور حکمران اتحاد کی بڑی جماعتوں کے حالیہ اختلافی نکات پر گفتگو کی۔
مسلم لیگ(ن) کے سینیٹر افنان اللّٰہ خان نے کہا ہے کہ پیپلز پارٹی سے معافی بنتی نہیں ہے، کچھ باتیں انہوں نے کیں اور کچھ ہم نے کیں۔
پی پی سینیٹر نے مزید کہا کہ مریم نواز اگر پانی کی بات نریندر مودی کو کہتی تو اچھا تھا، پنجاب کسی کی ملکیت نہیں،یہ لہجے پھربڑے سانحے کی طرف لے جائیں گے۔
انہوں نے یہ بھی کہا کہ یاد رکھیں حکومت کا جو یہ ڈھانچے کھڑا ہے اس میں پیپلز پارٹی کا بھی کردار ہے، ہم حکومت کا قانون سازی میں ساتھ نہیں دیں گے۔
پلوشہ خان نے کہا کہ اگر مریم نواز کو تنقید بری لگتی ہے تو ان کے بڑوں کو انہیں سمجھانا چاہیے کہ تنقید جمہوریت کا حسن ہے، وزیراعلیٰ پنجاب تنقید سن کر پریشان نہ ہوں۔
اُن کا کہنا تھا کہ آپ کو بےنظیر بھٹو پروگرام کے نام سے اتنی چڑ ہے تو اسی کا ڈیٹا استعمال کر کے آپ نے رمضان پیکیج بانٹا تھا۔
پی پی سینیٹر نے کہا کہ پنجاب جاتی امرا نہیں، جاتی امرا کا پانی اور زمین ان کی اپنی ہوگی، باقی پنجاب کسی کی ملکیت نہیں۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ