بیجنگ میں پاکستان اور چین کے مابین تخفیف اسلحہ پر مشاورت مکمل، اگلا دور اسلام آباد میں ہوگا
اشاعت کی تاریخ: 19th, August 2025 GMT
پاکستان اور چین کے درمیان اسلحہ کنٹرول، عدم پھیلاؤ اور تخفیف اسلحہ پر جاری 10واں دو طرفہ مشاورتی اجلاس بیجنگ میں اختتام پذیر ہوگیا، جس میں دونوں فریقین نے جنوبی ایشیا کی صورتحال، خصوصاً خطے کو درپیش سلامتی اور تذویراتی استحکام کے چیلنجز پر غور کیا۔
اجلاس کی صدارت پاکستان کی جانب سے وزارت خارجہ کے ڈویژن برائے اسلحہ کنٹرول، تخفیف اسلحہ اورعالمی سلامتی کے ایڈیشنل سیکریٹری سفیر طاہر اندرا بی نے کی، جبکہ چین کی وزارت خارجہ کے ڈائریکٹر جنرل برائے اسلحہ کنٹرول سن ژیابو نے اپنے وفد کی قیادت کی۔
عالمی اور علاقائی امن و سلامتی سے متعلق امور پر تفصیلی تبادلۂ خیال کرتے ہوئے اجلاس میں تخفیف اسلحہ اور عدم پھیلاؤ سے متعلق وسیع موضوعات زیر بحث آئے، جن میں اقوام متحدہ کی جنرل اسمبلی کی فرسٹ کمیٹی، کانفرنس آن ڈس آرمامنٹ اور اہم عالمی معاہدات جیسے بائیولوجیکل و ٹاکسن ویپنز کنونشن اورکیمیکل ویپنزکنونشن شامل تھے۔
اجلاس میں اس کے ساتھ ساتھ ابھرتی ہوئی ٹیکنالوجیز اورمصنوعی ذہانت کے سیکیورٹی مضمرات کا بھی جائزہ لیا گیا، اور مذاکرات میں ایٹمی ٹیکنالوجی اور خلا کے پُرامن استعمال میں دوطرفہ تعاون پر بھی تبادلہ خیال کیا گیا۔
مزید پڑھیں: پاکستان اور چین کی جنوبی ایشیا کے معاملات پر اہم مشاورت
اپنے دورہ بیجنگ کے دوران سفیر طاہر اندرابی نے چائنا آرمز کنٹرول اینڈ ڈس آرمامنٹ ایسوسی ایشن کے زیر اہتمام منعقدہ ایک انٹرایکٹو گول میز اجلاس میں بھی شرکت کی، جس میں سابق سفارتکاروں، ماہرین، اساتذہ اور تھنک ٹینک اراکین نے شرکت کی۔
وزارت خارجہ کے مطابق پاکستان اور چین کے درمیان یہ مکالمہ دوطرفہ اسٹریٹیجک تعلقات کا ایک اہم حصہ ہے، جو سلامتی، استحکام، اسلحہ کنٹرول اور تخفیف اسلحہ جیسے حساس معاملات پر بامعنی مشاورت کے لیے کلیدی پلیٹ فارم فراہم کرتا ہے۔
پاکستانی وزارت خارجہ کے مطابق اس ضمن میں اگلا اجلاس 2026 میں اسلام آباد میں منعقد ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابھرتی ہوئی ٹیکنالوجیز اسلحہ کنٹرول پاکستان تخفیف اسلحہ چائنا آرمز کنٹرول اینڈ ڈس آرمامنٹ ایسوسی ایشن چین دورہ بیجنگ طاہر اندرابی مصنوعی ذہانت وزارت خارجہ.ذریعہ: WE News
کلیدی لفظ: ابھرتی ہوئی ٹیکنالوجیز اسلحہ کنٹرول پاکستان تخفیف اسلحہ چائنا آرمز کنٹرول اینڈ ڈس آرمامنٹ ایسوسی ایشن چین طاہر اندرابی مصنوعی ذہانت پاکستان اور چین وزارت خارجہ کے اسلحہ کنٹرول تخفیف اسلحہ
پڑھیں:
پنجاب میں ایم ڈی کیٹ امتحان 26 اکتوبر کو منعقد ہوگا، انتظامات مکمل کر لیے گئے
data-id="863a0a8" data-element_type="widget" data-widget_type="theme-post-content.default">
لاہور: پنجاب کے میڈیکل اور ڈینٹل کالجوں میں داخلے کے لیے ایم ڈی کیٹ امتحان 26 اکتوبر کو منعقد ہوگا، جس کا انعقاد یونیورسٹی آف ہیلتھ سائنسز (یو ایچ ایس) کے زیر اہتمام صوبے کے 12 شہروں میں بیک وقت کیا جائے گا۔
یو ایچ ایس کے مطابق اس سال 50 ہزار 458 امیدواروں نے امتحان کے لیے رجسٹریشن کرائی ہے۔ امتحان کے شفاف اور پرامن انعقاد کو یقینی بنانے کے لیے یو ایچ ایس اور محکمہ اسپیشلائزڈ ہیلتھ کیئر نے تیاریاں مکمل کر لی ہیں۔
محکمہ اسپیشلائزڈ ہیلتھ کیئر نے 12 اضلاع کے ڈپٹی کمشنرز کو انتظامات کے حوالے سے مراسلے جاری کر دیے ہیں۔ امتحان کے روز لاہور سمیت 12 شہروں میں قائم 26 امتحانی مراکز پر ہائی الرٹ رہے گا، جبکہ ریسکیو 1122، نادرا، محکمہ صحت، ٹریفک پولیس اور سیکیورٹی ادارے ڈیوٹی پر موجود ہوں گے۔
مزید برآں، امتحانی مراکز کے اطراف میں دفعہ 144 نافذ کرنے کے لیے محکمہ داخلہ پنجاب کو بھی درخواست دی گئی ہے۔ امتحانی عملے کی تعیناتی کے لیے محکمہ ہائر ایجوکیشن اور محکمہ اسکول ایجوکیشن کو خط لکھ دیا گیا ہے جبکہ آئی جی پنجاب کو امن و امان کے خصوصی انتظامات کی ہدایت کی گئی ہے۔
یو ایچ ایس کا کہنا ہے کہ امتحان کے دوران شفافیت کو یقینی بنانے کے لیے سینئر فیکلٹی ممبران کو نگرانی کی ذمہ داریاں دی گئی ہیں، جبکہ امتحانی عملے کی سیکیورٹی کلیئرنس بھی مکمل کی جا رہی ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری