خیبر پختونخوا: سیلاب سے 427 مویشی بھی ہلاک، ’مویشیوں کے بغیر گزر بسر مشکل ہے‘
اشاعت کی تاریخ: 19th, August 2025 GMT
خیبر پختونخوا میں حالیہ سیلاب کے دوران جہاں 350 سے زائد انسانی جانیں ضائع ہوئیں وہیں مال مویشی اور کھڑی فصلوں کو بھی بڑے پیمانے پر نقصان پہنچا ہے۔
یہ بھی پڑھیں: خیبرپختونخوا میں بارشوں اور سیلاب سے 358 افراد جاں بحق، پی ڈی ایم اے رپورٹ جاری
15 اگست کی طوفانی بارشوں اور سیلابی ریلوں سے ہونے والے نقصانات کی پی ڈی ایم اے کی جانب سے جاری کردہ رپورٹ کے مطابق صوبے کے شمالی اضلاع میں بڑے پیمانے پر مویشی ہلاک ہوئے ہیں۔ رپورٹ کے مطابق اب تک 427 مویشی ہلاک ہو چکے ہیں۔
سوات میں لائیو اسٹاک کا سب سے زیادہ نقصانپی ڈی ایم اے کی رپورٹ کے مطابق سوات میں سیلاب سے لائیو اسٹاک کو سب سے زیادہ نقصان پہنچا ہے جہاں مجموعی طور پر 163 جانور ہلاک ہوئے۔ ان میں زیادہ تعداد گایوں کی ہے جبکہ بکریاں اور دیگر مویشی بھی شامل ہیں۔
رپورٹ میں مزید گیا کہ کئی مویشی خانے بھی تباہ ہوئے اور جانور سیلاب میں بہہ کر ہلاک ہوئے۔
شانگلہ، باجوڑ اور دیر میں بھی جانور ہلاکپی ڈی ایم اے نے رپورٹ میں لکھا ہے کہ مالاکنڈ ڈویژن کے اضلاع شانگلہ، باجوڑ اور دیر میں بھی مویشیوں کو سیلاب سے بڑا نقصان پہنچا ہے۔
رپورٹ کے مطابق دیر لوئر میں مجموعی طور پر 100 جانور ہلاک ہوئے، جبکہ شانگلہ میں 53 اور باجوڑ میں بادل پھٹنے سے آنے والے سیلاب میں 87 جانور بہہ کر مر گئے۔ یہ جانور مقامی لوگ دودھ اور دیگر ضروریات پوری کرنے کے لیے پالتے تھے۔
مزید پڑھیے: مشینری کی واپسی کے معاملے پر پنجاب حکومت کا عدم تعاون جاری ہے، خیبرپختونخوا وزرا
دیر لوئر میں آسمانی بجلی گرنے سے ایک بھینس، 8 گائیں اور 30 بکریاں ہلاک ہوئیں۔ اسی طرح مانسہرہ میں 16، مہمند میں ایک اور اپر دیر میں 2 جانور ہلاک ہوئے۔
فصلوں اور زمین کو نقصانپی ڈی ایم اے کی رپورٹ میں بتایا گیا کہ سیلاب اور بارشوں سے کئی ایکڑ پر کھڑی فصلیں بھی تباہ ہوئیں۔
’گاؤں میں مویشی کے بغیر گزر بسر مشکل ہے‘واضح رہے کہ صوبے کے بالائی اضلاع میں لوگوں کی زندگی کا انحصار زیادہ تر مال مویشی پر ہے۔ مقامی لوگ دودھ اور دیگر ضروریات کے لیے خود جانور پالتے ہیں۔
سوات کے رہائشی مزمل خان نے بتایا کہ سیلاب سے مویشیوں کو بھی شدید نقصان پہنچا ہے، خاص طور پر وہ جانور جو لوگوں نے گھروں میں پال رکھے تھے۔
ان کا کہنا تھا کہ دور دراز علاقوں میں مویشی کے بغیر زندگی گزارنا مشکل ہے۔ لوگ اپنی ضروریات پوری کرنے کے ساتھ ساتھ دودھ فروخت کر کے روزگار بھی کماتے ہیں۔
انہوں نے کہا کہ مقامی لوگ گھروں میں قیمتی نسل کی گائیں رکھتے ہیں اور انہیں لاکھوں روپے کا نقصان ہوا ہے۔ انہوں نے مزید کہا کہ اگر کوئی آسٹریلین گائے لیتا ہے تو اس کی قیمت 8 لاکھ روپے تک ہوتی ہے۔
مزمل خان نے حکومت سے مطالبہ کیا کہ وہ لوگوں کے لائیو اسٹاک کے نقصانات کا ازالہ کرے تاکہ عوام کو مشکلات کا سامنا نہ کرنا پڑے۔
سڑکوں اور پلوں کو بھی نقصانپی ڈی ایم اے کی رپورٹ کے مطابق صوبے میں بارشوں اور سیلاب سے 266 مقامات پر سڑکوں کو نقصان پہنچا ہے۔ سب سے زیادہ نقصان سوات، دیر، شانگلہ، باجوڑ، مانسہرہ اور کوہستان میں ہوا ہے۔
مزید پڑھیں: بارشوں اور سیلاب کا خدشہ: خیبرپختونخوا میں سرکاری و غیر سرکاری اسکول بند کرنے کا اعلان
رپورٹ کے مطابق صوبے میں مجموعی طور پر 49 پل بھی متاثر ہوئے ہیں۔ ان میں سے کچھ پلوں کو ہنگامی بنیادوں پر جزوی طور پر ٹریفک کے لیے بحال کر دیا گیا ہے جبکہ باقی کی مکمل بحالی کا کام جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ڈی ایم اے خیبرپختونخوا خیبرپختونخوا خیبرپختونخوا سیلاب کے پی لائیو اسٹاک کے پی میں مویشی ہلاک کے پی میں مویشیوں کا نقصان.ذریعہ: WE News
کلیدی لفظ: پی ڈی ایم اے خیبرپختونخوا خیبرپختونخوا خیبرپختونخوا سیلاب کے پی لائیو اسٹاک کے پی میں مویشیوں کا نقصان بارشوں اور سیلاب نقصان پہنچا ہے پی ڈی ایم اے کی رپورٹ کے مطابق لائیو اسٹاک جانور ہلاک ہلاک ہوئے میں مویشی سیلاب سے کے لیے
پڑھیں:
خیبر پختونخوا کی 13 رکنی کابینہ تشکیل، عمران خان کی ہدایات نظر انداز
خیبرپختونخوا کی 13 رکنی کابینہ کی تشکیل پر تحریک انصاف کے بانی چیئرمین عمران خان کی ہدایات کو نظرانداز کردیا گیا ہے۔ پارٹی ذرائع کے مطابق عمران خان نے صوبائی کابینہ کے ارکان کی تعداد 5 سے 8 رکھنے کی ہدایت کی تھی اور کہا تھا کہ کابینہ سنگل ڈیجٹ سے زیادہ نہ ہو، تاہم کابینہ کی تعداد 13 رکھی گئی ہے کابینہ سے جمعہ کو گورنر کے پی نے حلف لیا۔پارٹی کے ایک ذمہ دار رہنما نے بتایا کہ عمران خان نے اسد قیصر کے بھائی عاقب اللہ خان، شہرام ترکئی کے بھائی فیصل ترکئی اور سابق صوبائی وزیر شکیل خان کو کابینہ میں شامل نہ کرنے کی واضح ہدایات جاری کی تھیں لیکن عمران خان کی ہدایات کو نظر انداز کیا گیا۔ بانی چیئرمین نے پارٹی کے بعض سینئر اراکین کو کابینہ میں شامل کرنے کی ہدایت کی تھی جنہیں ماضی میں نظر انداز کیا گیا تھا۔صوبائی وزیر مینا خان آفریدی نے کہا کہ عمران خان نے کوئی ہدایات جاری نہیں کی تھیں بلکہ انھوں نے پیغام بھجوایا تھا کہ کابینہ مختصر رکھی جائے اور سہیل آفریدی اپنی کابینہ کا خود انتخاب کریں۔انھوں نے کہا کہ کابینہ میں کسی بھی وقت ردوبدل ہو سکتا ہے، عمران خان جس کو چاہیں کابینہ می شامل کر سکتے ہیں اور اگر کسی کو نکالنا چاہیں تو کسی بھی وزیر کو فارغ کرسکتے ہیں۔مینا خان نے کہا کہ کابینہ میں سینئر اور تجربہ کار وزراء بھی شامل ہیں جبکہ نوجوانوں کو بھی موقع دیا گیا ہے۔
امریکا میں عوامی احتجاج و غزہ پر مشترکہ حملے کی تیاری، علامہ عقیل انجم قادری کا خصوصی انٹرویو