یوکرین کا روس کے بڑے ایٹمی پلانٹ پر ڈرون حملہ، بدترین آتشزدگی
اشاعت کی تاریخ: 24th, August 2025 GMT
ماسکو:
یوکرین نے روس کے سب سے بڑے جوہری پلانٹس میں سے ایک پلانٹ پر ڈرون حملہ کیا اور اوست لوگا فیول ایکسپورٹ ٹرمینل پر بدترین آگ لگ گئی ہے۔
خبرایجنسی رائٹرز کی رپورٹ کے مطابق روسی عہدیداروں نے بتایا کہ یوکرین نے روس پر ڈرون حملہ کردیا ہے، جو روس کے سب سے بڑے جوہری پلانٹس میں سے ایک پر گرا اور ٹرمینل پر آگ لگی ہے۔
روس کی وزارت دفاع نے بتایا کہ روس کے ایک درجن سے زیادہ مقامات پر یوکرین کے تقریباً 95 ڈرونز ناکارہ بنا دیے گئے۔
بیان میں کہا گیا کہ کرسک جوہری پلانٹ یوکرین کی سرح سے محض 60 کلومیٹر دور ہے جہاں ایئرڈیفنس نے ایک ڈرون مار گرایا جس سے پلانٹ کے قریب دھماکا ہوا اور اس کے نتیجے میں ٹرانسفارمر کو نقصان پہنچا اور ری ایکٹر نمبر 3 پر سرگرمیاں 50 فیصد کم ہوگئی ہیں۔
پلانٹ کی جانب سے کہا گی اکہ تابکاری کی سطح معمول کے مطابق ہے اور آگ سے کسی قسم کا نقصان نہیں ہوا جبکہ دو دیگر ری ایکٹرز پاور جنریشن کے بغیر کام کر رہے ہیں اور تیسرے کی معمول کی ری پیئرنگ کی جا رہی ہے۔
صوبائی گورنر الیگزینڈر ڈروزڈینکوکی جانب سے جاری بیان میں کہا گیا کہ خلیج فن لینڈ پر ایک ہزار کلومیٹر شمال میں روسی خطے لینن گراڈ میں اوسٹ لوگا کے علاقے کی فضا سے یوکرین کے 10 ڈرونز مار گرائے گئے ہیں۔
بیان میں کہا گیا کہ نواٹیک کے زیرانتظام ٹرمینل میں گرائے گئے ڈرونز کے ملبے میں آگ لگی جہاں انتہائی ایکسپورٹ ٹرمینل اور پروسیسنگ کمپلیکس ہے۔
انہوں نے کہا کہ فائر فائٹرز ار ایمرجنسی سروسز آگ پر قابو پانے کی کوشش کر رہی ہیں تاہم کسی کے زخمی ہونے کی اطلاع نہیں ہے۔
روسی سول ایوی ایشن اتھارٹی نے بتایا کہ حملوں کے بعد روس کے کئی ائیرپورٹس پر پروازیں روک دی گئیں، جس میں لینن گراڈ ریجن میں واقع ایئرپورٹ پلکوو بھی شامل ہے۔
اقوام متحدہ کی جوہری ایجنسی انٹرنیشنل اٹامک انرجی ایجنسی (آئی اے ای اے) نے بیان میں کہا کہ وہ ان رپورٹس سے آگاہ ہیں کہ مذکورہ پلانٹ پر ٹرانسفارمر پر عسکری سرگرمی کے دوران آگ لگی ہے۔
آئی اے ای اے نے اپنے بیان میں زور دیا کہ تمام جوہری تنصیبات کو ہر وقت محفوظ رکھنا چاہیے۔
ادھر سمارا ریجن کے گورنر نے بتایا کہ یوکرین نے روس کے جنوبی شہر سیزران میں انڈسٹریل انٹرپرائز پر بھی ڈرون حملہ کیا، جس میں ایک بچہ زخمی ہوا ہے۔
یوکرین نے روس پر ڈرون حملہ اپنے یوم آزادی کے موقع پر کیا جو سوویت یونین سے 1991 میں حاصل کی تھی۔
دوسری طرف یوکرین اور روس کے درمیان امن معاہدے کے لیے بھی مذاکرات جاری ہیں لیکن یوکرین کی جانب سے بڑا ڈرون حملہ کیا گیا ہے۔
.
ذریعہ
ذریعہ: Express News
کلیدی لفظ: یوکرین نے روس میں کہا پر ڈرون حملہ روس کے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار