‘تنقید محرومی اور احساسِ کمتری کی عکاسی ہے،’ عمران عباس اور ببرک شاہ آمنے سامنے
اشاعت کی تاریخ: 24th, August 2025 GMT
اداکار عمران عباس نے حالیہ تنقیدی بیانات پر جواب دیتے ہوئے کہا ہے کہ دوسروں کی منفی رائے اکثر ان کی اپنی محرومیوں اور احساسِ کمتری کو ظاہر کرتی ہے۔
چند روز قبل ایک ٹی وی پروگرام میں اداکار ببرک شاہ نے اپنے کیریئر اور دیگر فنکاروں پر بات کرتے ہوئے کہا تھا کہ عمران عباس فلمی کرداروں کے لیے موزوں نہیں لگتے اور ان کی شخصیت ٔاسکرین پر مردانہ تاثر نہیں چھوڑتی۔
یہ بھی پڑھیے: عمران عباس اپنی پہلی پنجابی فلم ’جی وے سوہنیا‘ میں کراس بارڈر عاشقی کے لیے تیار
ببرک شاہ نے اسی شو میں فواد خان کو بھی ’اوور ریٹڈ‘ قرار دیا تھا اور کہا تھا کہ فلمی دنیا میں ان سے بلاوجہ بڑی توقعات وابستہ کی جاتی ہیں۔
تاہم عمران عباس نے مداحوں کے ساتھ براہِ راست گفتگو میں بغیر کسی کا نام لیے اس تنقید پر اپنا مؤقف پیش کیا۔ ان کا کہنا تھا کہ دنیا کچھ بھی کہے، وہ اپنے مقام پر مطمئن ہیں کیونکہ اللہ تعالیٰ نے انہیں ان کی صلاحیتوں سے بڑھ کر نوازا ہے۔ ‘اس لیے دوسروں کی باتوں کی پرواہ کرنا میرے لیے بے معنی ہے۔’
یہ بھی پڑھیے: جمیل فخری کے بیٹے کو امریکا میں کیسے قتل کیا گیا؟ ببرک شاہ اور راشد محمود نے تفصیلات بتادیں
عمران عباس نے مزید کہا کہ اکثر وہی افراد دوسروں پر طنز کرتے ہیں جو اپنی ذاتی زندگی میں ناکام یا محرومی کا شکار ہوتے ہیں۔ جب یہ لوگ دوسروں کے چہرے یا شخصیت پر تنقید کرتے ہیں تو دراصل یہ اپنی سوچ اور اندرونی کمیوں کو عیاں کرتے ہیں۔
اداکار کے مطابق شوبز کی دنیا میں بھی یہی اصول لاگو ہوتا ہے کہ جو لوگ آپ کی برائیاں کر رہے ہوتے ہیں، ان کی اپنی زندگی پر نظر ڈالیں تو معلوم ہوتا ہے کہ وہ خود کس حد تک پیچھے رہ گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکاری ببرک شاہ عمران عباس.ذریعہ: WE News
کلیدی لفظ: اداکاری ببرک شاہ ببرک شاہ
پڑھیں:
ایٹمی ہتھیاروں سے لیس شرپسند ملک دنیا کے امن کیلئے خطرہ ہے، عباس عراقچی
اپنے ایک بیان میں ایرانی وزیر خارجہ کا کہنا تھا کہ امریکا کا جوہری تجربات دوبارہ شروع کرنے کا فیصلہ غیر ذمہ دارانہ ہے، ایک شرپسند ملک جوہری ہتھیاروں کے تجربات دوبارہ شروع کر رہا ہے۔ اسلام ٹائمز۔ ایران کے وزیرِ خارجہ سید محمد عباس عراقچی کی جانب سے امریکی جوہری تجربات دوبارہ شروع کرنے کے فیصلے پر ردِعمل کا اظہار کیا گیا ہے۔ عباس عراقچی نے اپنے ایک بیان میں کہا کہ امریکا کا جوہری تجربات دوبارہ شروع کرنے کا فیصلہ غیر ذمہ دارانہ ہے، ایک شرپسند ملک جوہری ہتھیاروں کے تجربات دوبارہ شروع کر رہا ہے، ان کا کہنا تھا کہ ایٹمی ہتھیاروں سے لیس شرپسند ملک دنیا کے امن کے لیے خطرہ ہے۔
واضح رہے کہ امریکی صدر ڈونلڈ ٹرمپ کی جانب سے 33 سال بعد امریکی ایٹمی ہتھیاروں کے تجربات دوبارہ سے بحال کرنے کا حکم دیا گیا ہے۔ ٹرمپ نے کہا کہ امریکہ اپنے جوہری ہتھیاروں کی جانچ برابری کی بنیاد پر فوراً شروع کرے گا۔ برطانوی نیوز ایجنسی کے مطابق ڈونلڈ ٹرمپ کی جانب سے یہ فیصلہ چین و روس کے بڑھتے جوہری پروگراموں کے ردِعمل میں کیا گیا۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا