پی ٹی آئی نے ضمنی انتخابات میں کس کس کو ٹکٹ دینے کا فیصلہ کیا؟
اشاعت کی تاریخ: 24th, August 2025 GMT
پاکستان تحریک انصاف (پی ٹی آئی) کی سیاسی کمیٹی کا اجلاس 22 اگست کو منعقد ہوا جس میں تمام ممبران نے شرکت کی اور ملک کی مجموعی سیاسی صورتحال پر تفصیلی غور و خوص کیا۔ اجلاس میں بانی چیئرمین عمران خان کی ہدایات کے مطابق مختلف امور پر مشاورت کی گئی۔
عمران خان نے ضمنی انتخابات میں حصہ لینے کے معاملے کو سیاسی کمیٹی کے سپرد کیا تھا۔ سیاسی کمیٹی کے اراکین نے تفصیلی مشاورت کے بعد فیصلہ کیا ہے کہ پنجاب اسمبلی کے صوبائی حلقے پی پی 87 سے مُنزا فاطمہ اور احمد چٹھہ کے قومی اسمبلی کے حلقے این اے 66 سے عین احمد پاکستان تحریک انصاف کی امیدوار ہوں گی۔
یہ بھی پڑھیں: الیکشن کمیشن نے قومی و صوبائی اسمبلی کے ضمنی انتخابات کا شیڈول جاری کردیا
اجلاس میں طے کیا گیا کہ باقی نشستوں پر ہونے والے ضمنی انتخابات کے امیدواروں کے بارے میں پارٹی جلد فیصلہ کرے گی۔ یہاں یہ امر بھی اہم ہے کہ عمران خان نے یہ بھی کہا تھا کہ ضمنی حلقوں کے زمینی حقائق خیبر پختونخوا میں مختلف ہیں اور پنجاب میں کچھ اور۔ تاہم یہ فیصلہ بہت جلد عمران خان کی خدمت میں پیش کیا جائے گا۔
اجلاس میں اس امر پر بھی شدید تشویش کا اظہار کیا گیا کہ ہمارے کارکنان اور رہنماؤں کو مسلسل فسطائی ہتھکنڈوں کا نشانہ بنایا جا رہا ہے، اور حال ہی میں علیمہ خانم کے بیٹوں کو جس بھونڈے اور پرتشدد انداز میں گرفتار کیا گیا وہ موجودہ فاشزم کی بدترین مثال ہے اور اس کی سیاسی کمیٹی کی جانب سے بھرپور مذمت کی گئی۔
اجلاس کو یہ بھی بتایا گیا کہ ایڈووکیٹ علی بخاری نے اڈیالہ جیل میں چیئرمین عمران خان سے ملاقات کی۔ ملاقات کے دوران عمران خان نے واضح کیا کہ دونوں ایوانوں میں نیا قائد حزب اختلاف مقرر کرنے کا فیصلہ اس وقت تک مؤخر کیا جائے جب تک موجودہ قائد حزب اختلاف قومی اسمبلی عمر ایوب خان اور قائد حزب اختلاف سینیٹ شبلی فراز اپنے تمام قانونی آپشنز استعمال نہ کر لیں، کیونکہ اس وقت پشاور ہائیکورٹ نے دونوں کو عہدے سے ہٹانے کے خلاف حکم امتناعی دیا ہوا ہے۔
عمران خان نے اس عزم کا اظہار کیاکہ تحریک انصاف کی بھرپور کوشش ہوگی کہ یہ قانونی جنگ کامیابی کے ساتھ جیتی جائے۔ تاہم خدانخواستہ اگر ایسا نہ ہو سکا تو عمران خان نے قائد حزب اختلاف قومی اسمبلی کے لیے محمود خان اچکزئی اور قائد حزب اختلاف سینیٹ کے لیے اعظم خان سواتی کی نام دیے ہیں۔
یہ بھی پڑھیں: این اے 129 ضمنی انتخابات: حماد اظہر کے کاغذات نامزدگی کیوں واپس کیے گئے؟
یہ بات بھی واضح کی گئی کہ چونکہ ان سے ملاقاتیں مسلسل روکی جا رہی ہیں اس لیے مستقبل کی حکمت عملی کے تسلسل کو یقینی بنانے کے لیے یہ نام عمران خان نے دیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اعظم سواتی پاکستان تحریک انصاف پی ٹی آئی ٹکٹوں کا فیصلہ شبلی فراز ضمنی انتخابات عمر ایوب عمران خان رہائی محمود اچکزئی وی نیوز.ذریعہ: WE News
کلیدی لفظ: اعظم سواتی پاکستان تحریک انصاف پی ٹی ا ئی ٹکٹوں کا فیصلہ شبلی فراز ضمنی انتخابات عمر ایوب عمران خان رہائی محمود اچکزئی وی نیوز قائد حزب اختلاف ضمنی انتخابات تحریک انصاف اسمبلی کے یہ بھی
پڑھیں:
سلمان اکرم راجا کی اسپتال میں زیرعلاج شاہ محمود قریشی سے ملاقات، اہم مشاورت کی
پاکستان تحریک انصاف (پی ٹی آئی) کے مرکزی جنرل سیکریٹری سلمان اکرم راجا نے اسپتال میں زیر علاج پارٹی کے سینیئر رہنما شاہ محمود قریشی کی عیادت کی اور ان سے اہم ملاقات کی۔
شاہ محمود قریشی کی صحت اور علاج سے متعلق صورتحال کے پیش نظر سلمان اکرم راجا اسپتال پہنچے، جہاں انہوں نے سینیئر پی ٹی آئی رہنما کی خیریت دریافت کی۔
مزید پڑھیں: پی ٹی آئی کی اصل قیادت جیل میں ہے، باہر موجود لوگ متعلقہ نہیں: فواد چوہدری
اس موقع پر پی ٹی آئی رہنما شوکت بسرا اور ظہیر بابر بھی ان کے ہمراہ موجود تھے۔
ملاقات کے دوران دونوں رہنماؤں نے ملک کی موجودہ سیاسی صورتحال اور آئندہ کے لائحہ عمل پر گفتگو کی۔
میڈیا رپورٹس کے مطابق گفتگو میں پارٹی امور اور تازہ سیاسی پیش رفت پر بھی تبادلہ خیال ہوا۔
یاد رہے کہ چند روز قبل پی ٹی آئی کے سابق رہنماؤں جن میں فواد چوہدری، محمود مولوی اور عمران اسماعیل سمیت دیگر شامل تھے، نے بھی شاہ محمود قریشی سے اسپتال میں ملاقات کی تھی۔
ملاقات کے بعد انہوں نے موجودہ پی ٹی آئی قیادت پر تنقید کرتے ہوئے بانی چیئرمین عمران خان سے ملاقات اور ان کی رہائی کے لیے تحریک چلانے کا اعلان کیا تھا۔
فواد چوہدری نے اُس موقع پر کہا تھا کہ جب پاکستان عالمی سطح پر اہم کامیابیاں سمیٹ رہا ہے، ایسے میں ملک کے اندر سیاسی استحکام کی ضرورت ہے اور کشیدگی کا خاتمہ ہونا چاہیے۔
مزید پڑھیں: عمران خان نے پارٹی رہنماؤں سے ملاقات میں کیا ہدایات دیں؟ شیخ وقاص اکرم نے تفصیلات بتادیں
انہوں نے امید ظاہر کی تھی کہ سابق رہنما سنجیدگی کے ساتھ متحد ہو کر بانی پی ٹی آئی عمران خان کی رہائی کے لیے مؤثر تحریک چلا کر کامیابی حاصل کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سلمان اکرم راجا سیاسی صورت حال شاہ محمود قریشی ملاقات وی نیوز
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں