مریم نواز شریف کا تھائی لینڈ میں پرتپاک استقبال، شینا وترا خاندان کی شرکت
اشاعت کی تاریخ: 25th, August 2025 GMT
وزیراعلیٰ پنجاب مریم نواز شریف کے اعزاز میں تھائی لینڈ کے سابق وزیراعظم اور ٹیلی کمیونیکیشن کے شعبے کی نمایاں کاروباری شخصیت تھاکسن شینا وترا نے عشائیہ دیا۔ اس موقع پر تھائی لینڈ کی کم عمر ترین سابق خاتون وزیراعظم پائیتونگترن شینا وترا بھی شریک تھیں۔
تقریب میں تھاکسن شینا وترا اور ان کی صاحبزادی نے وزیراعلیٰ پنجاب مریم نواز شریف کا پرتپاک خیر مقدم کیا اور پاکستان مسلم لیگ (ن) کے قائد و سابق وزیراعظم محمد نواز شریف کے ییے نیک تمناؤں کا پیغام بھی پہنچایا۔
یہ بھی پڑھیں: پنجاب میں جدید شہری ترقی کے لیے مریم نواز کا جاپانی ماڈل اپنانے کا فیصلہ
تھائی لینڈ کے دونوں سابق وزرائے اعظم نے وزیراعلیٰ مریم نواز شریف کے ترقیاتی وژن اور اقدامات کو سراہتے ہوئے کہا کہ آپ اور آپ کے والد کی عوامی جدوجہد متاثر کن ہے۔
A dinner reception was hosted in honor of Punjab Chief Minister Maryam Nawaz Sharif by former Prime Minister of Thailand and renowned telecommunication entrepreneur, Thaksin Shinawatra.
The event was also attended by Thailand’s youngest-ever former female Prime Minister,… pic.twitter.com/99Fk8ytq7w
— PMLN (@pmln_org) August 25, 2025
وزیراعلیٰ پنجاب مریم نواز شریف نے تھاکسن شینا وترا اور پائیتونگترن شینا وترا کی تھائی لینڈ اور عوام کی ترقی کے لیے کاوشوں کو خراجِ تحسین پیش کیا۔ انہوں نے کہا کہ آپ کی اصلاحات اور عوامی فلاح و بہبود کے اقدامات نے تھائی لینڈ پر مثبت اور گہرے اثرات مرتب کیے ہیں۔
وزیراعلیٰ مریم نواز شریف نے کہا کہ پاکستان اور تھائی لینڈ کی دوستی باہمی احترام اور معاشی تعاون پر مبنی ہے۔ پنجاب کی ترقی کا وژن جدت اور عوامی خدمت ہے جس میں آپ کا تعاون رفتار بڑھا سکتا ہے۔ انہوں نے اس عزم کا اظہار کیا کہ ٹیکسٹائل، زراعت، سیاحت اور ٹیکنالوجی کے شعبوں میں تجارت اور سرمایہ کاری کو فروغ دیا جائے گا۔
مزید پڑھیں: مریم نواز کی جاپانی کمپنی موریناگا کو پنجاب میں سرمایہ کاری کی دعوت
انہوں نے کہا کہ تھائی لینڈ کی کاروباری برادری پنجاب میں سرمایہ کاری کے مواقع اور مراعات سے فائدہ اٹھائے کیونکہ یہاں سے علاقائی منڈیوں تک آسان رسائی حاصل ہے۔ ثقافتی سفارت کاری، تعلیم اور سیاحت کے فروغ سے دونوں ممالک کے عوام مزید قریب آسکتے ہیں۔
وزیراعلیٰ پنجاب نے مزید کہا کہ تھائی لینڈ میں متعارف کرائی گئی اصلاحات ادارہ جاتی صلاحیت بڑھانے کی بہترین مثال ہیں۔ ہم بھی ڈیجیٹل نیشن کے وژن پر عمل پیرا ہیں اور نوجوانوں کو جدید شعبوں میں ہنر مند بنا رہے ہیں۔
وزیراعلیٰ پنجاب مریم نواز شریف نے پرتکلف عشائیہ کے اہتمام پر تھاکسن شینا وترا اور ان کی صاحبزادی کا شکریہ ادا کیا اور انہیں پنجاب کے دورے کی دعوت دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب تھائی لینڈ تھاکسن شیناوترا سابق وزیر اعظم مریم نواز وزیر اعلی
ذریعہ
ذریعہ: WE News
کلیدی لفظ: تھائی لینڈ مریم نواز وزیر اعلی پنجاب مریم نواز شریف تھائی لینڈ کہا کہ
پڑھیں:
گلگت میں نئے منصوبوں کی نگرانی خود کروں گا: نواز شریف
گلگت (نوائے وقت رپورٹ) مسلم لیگ (ن) کے صدر محمد نواز شریف ایک روزہ دورے پر گلگت بلتستان پہنچ گئے جہاں عوامی اجتماع سے خطاب کرتے ہوئے انہوں نے کہا کہ گلگت بلتستان میں شروع ہونے والے نئے منصوبوں کی خود نگرانی کروں گا۔ انہوں نے گلگت تک موٹر وے بنانے‘ ائرپورٹ کی توسیع اور الیکٹرک بسیں چلانے کا بھی اعلان کیا۔ انہوں نے کہا کہ گلگت سی پیک کا مرکز ہے، پوچھنا چاہتا ہوں گلگت کو نظرانداز کیوں کیا گیا۔ ٹوٹی سڑکیں دیکھ کر دکھ ہوتا ہے۔ ان کا کہنا تھا کہ گلگت بلتستان میں شروع ہونے والے نئے منصوبوں کی خود نگرانی کروں گا، ووٹ دیں یا نہیں، یہاں کے مسائل کے حل کے لیے شہباز شریف سے بات کروں گا۔ طلبہ کو سکالرشپس دی جائیں گی، مزید لیپ ٹاپ دیے جائیں گے، میں وہ نوازشریف ہوں جو کسی پر تنقید کر کے کسی کی برائی کر کے ووٹ نہیں مانگتا ہم اپنی کارکردگی کی بنا پر ووٹ مانگتے ہیں۔ نواز شریف نے کہا کہ یہاں 20 گھنٹے لوڈشیڈنگ ہوتی ہے، یہ ہمیں منظور نہیں ہے، کسی اور کو منظور ہو تو ہو، یہ مجھے منظور نہیں ہے، میں جاکر شہباز شریف سے بات کروں گا، انہوں نے کہا کہ مجھے آپ نے کئی دفعہ دیس نکالا کیا ہے، مجھ سے گلہ نہیں کرو، یہ گلہ میں سننے کو تیار نہیں ہوں، یہ قصور آپ کا بھی ہے کہ مجھ جیسے بندے کو دیس نکالا کیوں ہونے دیا۔ نواز شریف نے کہا کہ کیوں مجھے جیلوں میں ڈالا گیا، کیوں مجھے دیس چھوڑ کر جانا پڑا، یہ بھی سوچنے والی ہے، میں اس پر بات نہیں کرنا چاہتا لیکن یہ بھی حقیقت ہے، ہم تمام سٹیک ہولڈرز کو بٹھا کر اس مسئلے کو حل کریں گے۔ انہوں نے کہا کہ گلگت بلتستان میں ہمارے علاوہ کسی جماعت نے ادھر کام نہیں کیا، یہاں کی سڑکوں کا حال دیکھ کر بہت دکھ ہوتا ہے۔ میں کسی جماعت کے خلاف بات نہیں کرنا چاہتا، لیکن پوچھنا چاہتا ہوں کہ کیوں چیزوں کونظر انداز کیا۔ میرا دل روتا ہے کہ آپ لوگوں کی سہولتوں کے لیے کیوں پیسا نہیں لگایاگیا، وہ پیسا کہاں گیا؟ یہاں ہسپتال بنایا تو ہم نے بنایا، ہائیڈل پاور پلانٹس ہم نے لگائے، نگر کا منصوبہ ہم نے مکمل کیا، مجھے بتائیں کسی اور پارٹی نے کوئی کام کیا ہو۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ